👑عـلـيـاء في قبضة الـأسـد👑
بقلم: رباب نجمة⭐ومروى.
💎الجزء55💎
نورية: هذا أكيد كيخطط لشي حاجة وانا له بالمرصاد ...غادي نطيحو فالفخ لي باغي يطيحني فيه.... تسنى عليا أ سي إياد....
طاح الظلام... 🖤
والڤيلا ساد فيها الصمت كل واحد فبيتو ساد عليه... إلا أسد لي جا عيان من الخدمة....رغم يدو لي كتوجعو شوية إلا وكيحاول يتشغل عليها باش ينسى الألم.... كان طالع لبيتو حتى حس بشي يدين محاوطين خصرو.... تلفت... وهو يقشع كاميليا...دغيا نتافض منها ودفعها....
أسد: واش شداتك الدودة فهاد الليل ولا شنو...
كاميليا: لا غير بغيت نعرض عليك نشربو شي حاجة...
أسد: باغي نعس...
بغا يكمل طريقو حتى وقفاتو من جديد....
كاميليا: عفاك...
أسد(تنهد): واخا...
هبطوا لتحت وجابت كاميليا مشروب من الثلاجة... خوات فالكيسان ودارت كينة ديال الرغبة الجنسية فالكاس الثاني... ابتاسمات بشر وتقدمات عندو لابسة ملابس داخلية وفوقهم بينوار....
أما الفوق عند علياء كانت كتمشي وتجي عقلها مقلوب كيفكر....
علياء: زعما يكون جا ولا مزال...
اتاجهات للشرفة...
علياء: طموبيلتو كاينة گاع ماسمعتو فاش جا...
هبطات كتجري لتحت.....والصدمة كانت قوية....
لقات كاميليا وأسد كيتبادلوا القبل....
مشات كتجري عندهم... وجرات كاميليا من شعرها وبدات تنتف فيها أما أسد غير شاد راسو بين يديه مافاهمش مالو....
علياء تغلبات على ضعفها والغيرة عمات ليها عينيها... بدات كتضرب فيها وكذلك كاميليا ماكانتش ساهلة ليها...
علياء: سحابليك غاديريها بيا أحبيبة... خططك التافهين ديريهم على شي واحد ماعاش من الدنيا غير الزوين ماشي عليا أنا....
كاميليا: بعدي مني يا هاد الحمقة... نتي علاياش كتهضري...أسد مكايبغيكش مغايشوفش فوحدة بحالك هو تزوج بيك غير باش يخرج فيك كبتو.... كون بصح كيبغيك گاع مايخونك....
علياء: كان ممكن نتيق بيك كون ماسمعتكش كتهضري فالتلفون....ولكن دبا أنا فهمت علاش جيتي لهاد الڤيلا غير باش تشتتيلي شملي.....
بقاو كيضاربو... حتى عيات كاميليا وكذلك علياء بعدات منها...
علياء(بتحذير): غادي تندمي على هادشي كنواعدك..
كاميليا: لي فجهدك ديريه...
مشات علياء عند أسد لي عينيه معسلين ورغبتو زادت....
علياء شدات فوجهو ونطقات...
علياء: واش نت بخير ؟
أسد: باغيك...
قبطات فيديه وطلعاتوا لبيتهم...غير وصلوا وهو يتلاح عليها باغيها كثر من أي وقت... وهي مامانعاتش....
#يتبع... حبيباتي خليو آراؤكم وتوقعاتكم 💓 ديروا نجيمات ❤🖤💜✨
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
