علياء في قبضة الأسد

|13|

👑عـلـيـاء في قبضة الـأسـد 👑
بقلم #رباب نجمة ومروى#
الجزء الثالث عشر:

دخلات علياء للغرفة وعلى وجها ابتسامة مشرقة دالة على ارتياحها واستعادة نشاطها..
لمحات ملابس نسائية على السرير وقربات كتهز فيهم وتشوف بحب والفرحة كتنقز من عينيها..كانت ملابس داخلية وفستان حريري ناعم..
عـلـيـاء: وااو شحال زوين ماعمري شفت بحالو باينة غايكون غالي..

حيدات حوايجها وبقات غير بالملابس الداخلية.. يلاه بغات تحيدهم لكن سرعان ماتوقفات غير حسات بالباب كيتفتح.. شهقات بخفوت واضعة يديها على صدرها بتلقائية سعيا منها تغطي صدرها..
تقدم بخطوات ثابثة لكن توقف فور ماشاف شكلها.. وجهها الأحمر بملامحوا المذعورة.. وعيونها الموسعة بصدمة.. وشعرها الأشقر المرمي على كتافها بحرية.. رقبتها البيضاء المثيرة.. وأخيرا صدرها البارز بشكل مستفز من تحت حمالات الصدر الحمراء.. تقدم منها أكثر محاصرها بنظراتو.. أما هي تيبسات فبلاصتها غير سمعات صوت خطواتوا فالبيت.. وهي كتمنى فخاطرها تنشق الأرض وتبلعها ولا هاد الموقف اللعين.. حنات راسها للأرض وهي مغمضة عينيها لي بداو يدمعوا من جديد.. مد يديه لخصرها العاري مقربها من صدرو.. تخلعات وبعدات منو لكن دغيا رجعها لحضنو مزير عليها.. فتحات عينيها بذعر وتكلمات بهمس أنثى خجولة..
عـلـيـاء: أسد..

هز يدو لوجها الملائكي رافع وجها لعندو باش تقابل عينيها مع عينيه.. شافت فيه ببراءة.. وقلبها كيضرب وودنيها حمرين.. غارسة أظافرها في فخاضها بإرتباك..حسات بأنفاسوا الساخنة على وجها ويديه كيحرقوا خصرها الرشيق...
قرب أكثر لوجها مغمض عينه وأنفو قاس أنفها..... فور مافتحهم فاش سمع بكائها وشهقاتها المتقطعة...... قلبها غادي يتوقف من لمساتو.....وقربو ليها كيخليها ترتاجف..
جن عقلو وفقد صبروا والغضب شعل فعينيه..
نطق ضاغط على حروف كلامو..
أسد: علاش كتبكي امم!!
علياء: بعد مني عفاك هئ هئ..
أسد: مكتعرفيش تقولي شي حاجة اخرى من غير بعد مني.. همم خوك أنا ؟
(على إثر ذكرو لهاد الكلمة تذكر خوه إياه وكفاش كانت واخدة راحتها معاه وكضحك معاه) خويا كتهضري وضحكي معاه وأنا لي راجلك لا..

رفعات عينيها فيه وعاد مازايدة فالبكا ورجعات تكلمات..
علياء: مكنرتاحش معاك نت كتخلعني هئ
أسد(ضحك بمرارة): واش كنباليك أنا وحش ها !! دوي ؟ لحد الساعة واش آذيتك ؟
علياء: تزوجتيني بزز هادشي كافي يخليني نتآذى هئ هئ..
أسد(قلب الموضوع): براكة من البكا شوفي عينيك كيف ولاو..
علياء: هئ هئ على أساس كنهمك..
تنهد بعمق ومسح دموعها ورجع شعرها ورا ودنيها وهي غير ساهية فيه وخدودها حمرين..

خشا وجهو فعنقها..هنا شهقات بخوف..

#يتبع..