علياء في قبضة الأسد

|35|

👑عـلـيـاء في قبضة الـأسـد👑

بقلم: #رباب نجمة☆ومروى#

          💎الجزء 35💎

💔عيات المرأة كتبكي وتغوت ظنا منها بلي إلا غوتات يقدر شي واحد تبقا فيه ويحن عليها ويرجعليها بنتها الصغيرة..
بنتها لي حولات حياتها لضحكة... بنتها الخجولة والهادئة لي مصبرة ماماها على حياة الذل والقهرة...بنتها لي كتنسيها فهمومها ومشاكلها وقسوة راجلها... غابت غير دقيقة توحشات ريحتها وبسمتها وبراءتها...
عائشة: هئ هئ بغيت بنتي أ عباد الله(شافت فواحد كان كيشوفيها بطريقة مستفزة) فاش كتشوف نت ها !!! غادي تقتلني بعينيك...(رجعات طاحت على ركابيها)  رحموني وجيبولي بنتي...هئ هئ.....

ضارت شافت فنورية ووقفات شاداها من يديها كتديها وتجيبها...
عائشة: فين ختك أنورية؟ علياء فين مشات علاش كتبكي دوي فين مشات... (بتاسمات بمرارة) واش مشات للحانوت تشري الحلوة... ولا حيت ماخليتهاش تشريها تخبات ليا... باغا تعصبني ياكي ...بغات غير تضحك معايا ياك أبنتي ؟(رجعات كتبكي بألم) لالا مايمكنش تكون بصح مشات.... مايمكنش مانعاودش نشوفها....
نورية: هئ هئ ماما.....

غوتات بالجهد صرخة خرجات من أعماقها قبل ما تسخف وتجي سيارة الإسعاف...
عائشة: عــااااالــــيــــاااااء...

مرت سنوات تغيرات فيها شحال من حاجة ولكن الفراغ لي خلات البنت الصغيرة ماتبدلش ...بقا هو نفسو.. كبرات نورية فجو مكهرب... أشبع نفسها بالضغوطات والأمراض النفسية.... من جهة توحشات ختها ومن جهة أخرى توحشات اللمة العائلية.... باباها رجل قاسي متخلف مكيعرفش النقاش كيعرف حاجة وحدة لي هي يهز يدو ويخبط فين ماجات.... دائما كيضربها هي وماماها.... ولكن فاش كبرات وفهمات ووعات طلبات من ماماها....المرأة لي صبرات وكافحات على قبل ولادها باش مايتشتتش شملها وماتسوقاتش لجرحها لكن نسات بلي هادشي لي صبرات عليه مازاد نورية غير عذاب وألم...
طلبات منها تطلق وداكشي لي كان تطلقات وأصبحت حرة لكن مقيدة بآلام وذكريات الماضي... فقلبها غصة مستحيل تداوا إلا برجوع بنتها... كتخيل شكلها كيف غايكون واش مزالا شقراء..... واش ملامحها تبدلات ولا الزمن ماغير منها والو........توحشاتها بكل تفاصيلها...

وصلات نورية لمرحلة أخرى من حياتها وتسجلات فمدرسة عليا للفلاحة وضغوطاتها كبرات معها....كان لابد من أنها تاخد علاج لي يقدر يعاونها.....

#نـهـايـة الفلاش بـاك#💔
تنهدات نورية بعمق وهي كتذكر دوك اللحظات الصعيبة لي عاشت وهي طفلة...تمتمات كتقوي نفسها...
نورية: نتي قوية أ نورية... هادي أزمة وغادي تفوت ضروري مغادي تلقاي ختك الصغيرة...

ماحسات براسها غير وهي مجرورة وفحضن جليدي...
هزات راسها كتشوف فيه وكتحاول تستوعب شنو طاري... عاد باش دفعاتو من عليها وصرفقاتو بكل قوتها.....

شاف فيها بعيون حمراء ونظرات ثاقبة... شاد من حنكو وأعصابوا لي كانت باردة وجليدية ذابت قدام جرأتها...
نطق بصوت ثقيل كيضغط على كل حرف..
إياد: كفاش قدرتي ديريها...

#يتبع..