👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 79:
نقزات على السرير فرحانة براسها كتعيش مغامرة زوينة بزاف كلشي فسبيل تحصل على داك الوسيم بلاما تشاركها فيه حتى أنثى أخرى......
🍭تمشات على صباع رجليها مقربة من غرفتو بقات كتصنت ورا الباب..... حلاتها بالشوية كتحاول ماتديرش الصوت....سمعات صوت الرشاش مطلوق فالحمام عاد رتاحت عرفاتو كيدوش... دخلات كتمشى بلاما دير الحس.... كتقلب في الغرفة حتى جات عينيها التيليفون ديالو هزاتو كتقلب منين تشعلو...شعلاتو ويا للخيبة مان دايرلو الكود.... بقات كتفكر فشنو ممكن يكون....جربات اسمو.... جربات بزاف بدون نتيجة..... بقات كدور فعينيها كتفكر.... وكطلب الشيطان يعاونها...... فكرات تجرب اسم سهام لكن بدون نتيجة..... إوا ماكان عندها حتى حل من غير تدي معها التيليفون.....
خرجات من الغرفة كيف دخلات....اتاجهات لغرفتها كتنهج حيدات البوشيطة ديال التلفون كتقلب على الله تلقى الكود ساعة والو.....اضطرات دير بلي نسات كلمة السر....بقات كتخربق شحال وعطاوها باش تدخل كلمة سر ثانوية ودارت اسمو عاد صدقات.....ماتيقاتش فاش تفتح التيليفون....
دخلات نيشان للمكالمات وهي طلعليها سهام.... دخلات للواتساب وهي طلعليها صورتها كانت بنت سمراء زوينة.... عوجات فمها ماعاحبهاش الحال وبدات كتقرا الميساجات..... مكاين غير الحب والغرام.... والظاهر أنه مواعدها بالزواج.....
في_الغرفة ديوسف كان كيقلب على تليفونو بحال الحمق تقول تشقات الأرض وبلعاتو....لبس عليه وخرج باش يقلب فالطموبيل...
أما هي كانت كتكتب ميساجات لسهام وسافطاتليها ديك الصورة وهي معاه.....
ي_"سهام مابقيتش قادر نكمل معاك أنا وليت كنبغي بنت وحدة أخرى "✅
س_"نت شنو كتخربق عليا واش داوي من نيتك"✅
ي_"كندوي معك بلوكيني من الأحسن وبعدي من ساحتي أنا مابقيتش ديال راسي"✅
س_"براكة من الضحك الباسل أ يوسف نت عارفني إلا هاد الضحك مكنصبرش فيه.... الغيرة كتقتلني"✅
ي_"إلا ماتيقتينيش نسيفطلك صورتي معها ولا صوتها گاع هاهي معايا"✅
سيفطات ليها التصويرة وتكلمات فأوديو قايلة فيه....
ناهد: من الأحسن تنسايه حيت هو ديالي بوحدي وإلا مابعدتيش منو غاتشوفي وجه عمرك شفتيه.....
تحجروا الدموع فعينين سهام ماراضياش وهي تسيفطليها ميساج.....
سهام: واش من نيتك أ يوسف ياك قلتي سمحتيلي وغادي ترجع تبغيني كيف قبل....دغيا دوراتك هاد خيتي ماديرش فيا هكا..... ✅
ي_ساعتك سالات✅
سهام_منين هكا الله يعاونك كل واحد يشد طريقو.....
بلوووك....
رجعات مسحات الميساجات ورجعات التيليفون لبلاصتو بحال مادارت والو... حتى تساطحات معاه وهي خارجة كانت غاتجي على راسها..... كون ماشدهاش...
يوسف: شنو كديري هنا واش بغيتي شي حاجة ؟
ذبلات عويناتها وخدودها حمرين كيف العادة ناطقة...
ناهد: بغيتك نت ولكن مالقيتكش فالبيت....
يوسف رمقها بنظرات خوف....
يوسف: شنو مالك ؟
جرها من يديها للسرير ونطق كيتفحصها...
يوسف: هضري مالكي؟
نطقات بعذوبة كتشوف فيه وكتحاول تخليه يطيح فنظراتها...
ناهد: توحشتك....
خرج عينيه فيها مامتيقش كلامها....
يوسف: واش حاسة براسك مزيان ياكما ضربك البرد من الخرجة دقبيلة....
خرجات هي الأخرى عينيها فيه ناطقة...
ناهد: ضربني الحب وضربتو صعيبة من اللحظة لي فكرتي تبوسني فيها صافي بصمتي بلي غاتكون ديالي....
زاد تصدم فيها ونطق...
يوسف: سمغي أبنت الناس أنا غير بستك ماشي نعست معك وزايدون أنا خاطب مايمكنش نكون شي حاجة فحياتك.....
سخفات فور ماسمعات كلامو مع العيا والفرحة والصدمة كل لي عاشتو اليوم أثر عليها وسخفات خلاتو مخلوع..... بقا كيضرب على وجها باش تفيق شحال عاد باش فاقت ماعاقلاش على راسها....
ناهد: فين أنا ؟
يوسف: نتي بخير سمحيلي عفاك....
ناهد: بغيت نشرب.....
يوسف: خودي..... غادي تبقاي هنا حتى للصباح صافي بلاما تحركي من بلاصتك..... فرحات ناهد وتكات مرتاحة ماخلاتوش ينوض من حداها......
كان هو كيفكر فشنو كيوقع وهو معها وهي كذلك كتفكر في الشعور لي كتحس بيه.... هز الطيلي كيشوف فشنو جاه دخل لسهام وهو يتصدم من أخر مساج مسيفطاه وبلوكاتو من الفوق....ضرب الطيلي مع الأرض بلاما يشعر وهي تقفز ناهد بخوف..... ضار شاف فيها كيهدن راسو ورجعها لحضنو كيهدنها....
يوسف: سمحيلي غير تعصبت....
ناهد: مالك....
مسح على شعرو وقالها شنو كاين وهي تقرب ليه كتلمس فالزغيبات لي على صدرو العريض ناطقة....
ناهد: حتى وحدة مغاتبغيك بحالي عطيني فرصة.....
#يتبع.....
أنت تقرأ
علياء في قبضة الأسد
عاطفيةإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
