علياء في قبضة الأسد

|30|

👑علياء في قبضة الأسد👑
بقلم #رباب نجمة☆ ومروى#
الجزء 30:
☆خرج أسد من الغرفة.. وتوجه للباب الرئيسي تما فين كان الخدم مستفين في صف واحد والسائق واقف حدى السيارة وحاذر راسو بإحترام...
🌟من بين الخدم كانت فتاة جميلة بحروف سوداء وجمالها فتان.. عيون صافية والبسمة مستحيل تختفي من على ملامحها... واقفة مستقيمة كأنها عارضة أزياء... لابسة سروال أسود عريض وقميص أبيض بالرغم من أنها طويلة إلا أنها لابسة كعب عالي في الأسود مخليها تلفت الإنتباه من دون داك الخدم.. دايرة حجاب أسود مخلي بياض وجها يعطيها نور يسر الناظرين....
وقف أسد أمامهم ببدلتوا السوداء الأنيقة والكلاسيكية كيف ما متعود بتسريحة شعر رجولية ونظارات شمسية وهاز فيدو حقيبة عمل... شاف في الخدم ناطق بحدة....
أسد: تعليماتي نبغيهم يتنفذوا بالحرف...مانبغي حتى شي خطأ... ماتتهاونوش فخدمتكم كيف المرة لي فاتت حيت إلا وصلاتني شي هضرة ولا عرفت غادي نجري عليكم....أما إلا تطاولتوا على سيادكم أو غير إلا حاولتوا غادي ندمكم (شاف فوحدة من الخدم كانت حاذرة راسها غادي تبول بالخلعة والهيبة لي عندو) ونتي أدرى وحدة بشنو ممكن ندير... (رجع شاف فالخدم) مفهوم !!
كان أسد كيدوي والفتاة الفاتنة مركزة مع كل حركة كيديرها سواء بيديه العراض لي العروق بارزين فيها.. أو فملامحوا النارية  كانت كتشوف فيه بتمعن... ماشي نظرة إعجاب ولا حتى خوف لا كانت غير كتدقق فتفاصيله وكتحاول تفهمهم.. وأكيد لسبب ما... تركيزها مشتت ونظراتها كتحاول تركز بيهم..
شاف فيها بسرعة حيت ظايقوه نظراتها لي فور ماحس وتأكد بلي شي حد حاضيه طلع وجهو وقابل عينيه مع عينيها السود كعيون الغزال...
أسد: كاين شي مشكل أ آنسة؟(بسخرية) ياكما عندك صعوبة فالفهم !! نطلب من السائق ديالي هو يشرحليك...
شافت فيه بتعالي وثقة في النفس قدر يلاحظها غير من نظراتها لي مركزين فعينيه وصدرها المرفوع ونطقات بهدوء بصوتها الرنان..
🌟نورية: عندك الحق منين بديتي تهضر وأنا كنحاول نفهم علاش كتحرك يديك... حيت مكنقدرش نركز مع جوج حوايج فنفس الوقت.. (سكتات شوية كتعطيه فرصة يستوعب كلامها لي لاحتو ببطئ وهدوء) الكلام مع الحركة كيزعجني بزاف..
شاف فيها بدهشة ماتخيلش غادي تجاوبو بهاد الجواب غير المنطقي... أش هاد العبث واش كتغابى ولا فعلا هضرتها معقولة.. جاوبها بهدوء مماثل كيستهزء من كلامها..
أسد: إذن غادي تكوني كتعاني من شي متلازمة..
حدرات راسها فور ماسمعات كلماتو القاسية على قلبها... وتكلمات بذبول..
🌟نورية: ماشي متلازمة ولكن نقدروا نقولوا عليه مرض..
حيد نظراتوا السوداء مافاهمش قصدها...
أسد: كفاش ؟
رجعات شافت فيه كتحاول تظبط نفسها وهي مركزة فعينيه..
🌟نورية: عندي مشكل مكنقدرش نركز في الكلام..
أسد: أي واحد كتوقعلو ممكن بسباب النعاس أو لا التعب ماشي سبب يخليك تدوي معايا بديك الطريقة..
🌟نورية: أنا عندي مشكل بصح.. عدم التركيز في الكلام مشكل كنعاني منو هادي سنوات طويلة ولولا الحصص النفسية لي كندير مكنتش نقدر نفهمك أش كتقول... ماشي بوحدي لي كنعاني من هاد المشكل كاين بزاف بحالي...
أسد(حك ذقنو مازال مافاهمش عمروا سمع بهادشي ورجع نزل يدو بلاما يدير حتى حركة): احم ماكنتش عارف.. كنتأسف على الإحراج لي سببت ليك...
ابتاسمات نورية فوجهو وتكلمات..
🌟نورية: عادي أنا ولفت..
أسد: نتي جديدة هنا...
🌟نورية: آه.. عاد التاحقت بالڤيلا... مكلفة بالنباتات والأشجار لي فالجردة والنباتات لي فالڤيلا..أنا لي كنسقيهم ونقصهم ونزرع منهم ونحرس على حمايتهم.. (بابتسامة فاتنة) كيف ما كان الحال هما كائنات حية محتاجة العناية...
ابتاسم لكلامها البريئ ماكانش عارف بلي هادشي كامل ممكن يصادفوا هاد الصباح ويسمعوا من عند هاد البنت البريئة لي من لما شافها حكم عليها بنظرة مختالفة تماما..
أسد: مزيان إذن هذا الضومين ديالك..
🌟نورية: اه أنا خريجة المدرسة الوطنية للفلاحة.. (عبسات) لكن بسبب المشكل لي عندي ماكتابليش نخدم فبلايص خرين... (رجعات ضحكتها) لكن أنا فرحانة بزاف حيت قدرت نلتاحق بالڤيلا ديالك ونعتاني بالغرس لي فيها..
أسد: تبارك الله عليك على العموم أنا خصني نمشي دبا ومن بعد و
نكملوا كلامنا..
🌟نورية: بطبيعة الحال سي أسد..
أسد: وخا أ... ؟
🌟نورية: نـوريـة..
اكتفى أنه يبتاسمليها ويرجع يتقمص الجليد لي كيحاول يمثلوا كل يوم ورجع مشى لسيارتوا ونطالق لوجهتوا الخاصة..
#يتبع..