👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 76:
لا تُناديني حبيبتي فالكل إعتاد أن يتحدث بها ناديني نِجمتي المُفضلة بل ناديني بطِفلتي فأنا خائفةٌ حزينة أحتاج لِمن يُطمئنني فأنا طفلة قلبك التي اذاب قلبها جليد حُبك الأبدي خبئني من هذا العالم الموحش فأنا الآن كوردة ذبُلت وتساقطت جميع أوراقها ثم بقت بها آخر ورقة تتمني بها أن يحيّا قلبها من جديد أتعتقد ان يُزهر قلبها حقاً سحر بريقها قد إنطفئ ولمعان بؤبؤ عينيها يشقُ قلبها شق السكين مِن كثرة الحزن ولكن مايهُم سوي أنني أُحبك مُتيمة بِك وبنظرة قلبك ليّ فأنت شغفي الذي كُنت أبحثُ عنه مُنذ زمنٍ بعيد لاتُفلت بيدي ابداً.. غريقة أنا في بحر حُبك وكنت ليّ طوق نجاة بقلبِك......💎
على طاولة الفطور مجتمعين في صمت غريب.... سكاتهم طال ولغة العيون هي لي فارضة نفسها في المكان.... كانت نورية مراقبة أسد في هدوء......بعدات عينيها مهرباهم فاش حسات بنظرات ثاقبة لأنثى عاشقة رمقاتها بحدة.... كانت نظرات علياء الأنثى لي اكتفت من الحياة وألاعيبها....ولات فاهمة الدنيا وغدر الناس.... عارفة معنى كل نظرة وكل حركة... مابقاتش ساذجة.... يمكن بريئة ولكن ماشي ببراءة الملائكة وماشي لدرجة الغباء.... حاسة بشي حاجة تبدلات لالا حاسة بشي حاجة واقعة ماشي تالهيه كفاش نورية كتشوف فأسد وكفاش دايرة مسافة بينها وبين علياء.... كفاش أسد مهبط راسو كأنه هارب من نظرات نورية......
كسرات الحاجة داك الصمت وداك التوتر ضاغطة على كلامها..... ونظراتها كانت مركزة على نورية.....
الحاجة: اليوم ولدي إياد غايجي......
شرگات لنورية الماكلة وبدات تكح روحها غادي تخرج موسعة عينيها الحمرين...... ياك هو مشا مابقاش غايرجع وقرر باش يبعد ويستقر تما...... بداو الذكريات كيجيو فبالها........
فلاش_باك.....💔
إياد: واش نتي واعية بشنو كتخرجي من فمك......
شافت فيه بتحدي ماباغاش تزيد تطول الكلام.....
نورية: اه فكامل قواي العقلية... علاقتنا خصها اسالي هنا انا مابقيتش باغا نكمل معك.....
ضحك بسخرية كيشوف فيها بإنكسار....
إياد: اكيد كضحكي معايا نتي كتبغيني شنو لي غايخليك تفارقي معايا ياك حنا كنا ناويين نتزوجوا خطبتنا ماشي بزاف باش فاتت واش بغيتي تخلاي عليا فنص الطريق.....
بعدات منو عاطياه بالظهر كتفكر فلحظة حسات بتأنيب الضمير لكن ضغطات على راسها ورجعات شافت فيه....
نورية: مابقيتش قادرة نكمل معك.... خص نتفارقوا......
إياد: وخا عطيني شي سبب....
بلعات ريقها ناطقة بقوة....
نورية: قلبي مابقاش باغيك قلبي ولا باغي غيرك أ إياد سمحلي ولكن مابقيتش قادرة نبقى معاك وقلبي مع واحد غيرك......
وسع عينيه بصدمة ونطق بعدم تصديق....
إياد: نتي خنتيني انا وقلبي أنورية مستحيل نسمحليك على هادشي من اليوم أنا فطريق ونتي في فالجحيم لي يحرقك......
دفعها ماقادرش يتحكم فأعصابوا وخرج زادح الباب بقوة خلاها تقفز وتنزل من عينيها دمعة مخلطة بالندم والألم وبزاف دالمشاعر مختلفة......
نهاية___الفلاش باك..... 💎
فيقها من سهوها غير صوت ريتاج....
ريتاج: واش نتي بخير أحبيبة هاكي خودي شربي الما.....
خدات منها الما كتشرب وعقلها مرفوع كتفكر فشنو داز وشنو مزال جاي.... حتى صونا ليها التلفون...... تخلعات فاش شافت المتصل.....
نورية: سمحولي خصني نجاوب....
بعدات منهم طالعة لغرفتها وسمعات صوت غواتها فور ماسدات الباب وفتحات الخط....
كاميليا: واش نتي كتقلبي على روحك..... فين داكشي لي كلفتك بيه.... انا قلتليك تقربي منو باش تاخدي المعلومات ماشي قلتليك غرقي في حبو ونساي المهم.....
ردات عليها نورية ناطقة بخفوت خايفة يسمعها شي حد....
نورية: أنا ماعرفتش اشنو وقعلي حتى وليت كنبغي أسد...
غوتات كاميليا ماقادراش تزيد تسمع لهاد التخربيق....
كاميليا: ماقلتلكش عاوديلي هاد التخربيق عندك مهلة ديال ثلاث أيام بالحساب ماجبتيش الملف لي فيه المعلومات الخاصة ب ف. ب.أ ترحمي على روحك وعلى ماماك حتى هي المافية الروسية مامعاهاش اللعب إلا عاودتيلهم هاد السبب التافه متيقنة غايخسروا عليك رصاصة وحدة فالراس.... هما مكيخدموش العاطفة.....
وسعات نورية عينيها بخوف وتكلمات بصعوبة....
نورية: كفاش ثلاث أيام واش كتهضري بالمعقول مستحيل نقدر نجيبهم فهاد المدة الوجيزة.....
ردات عليها كاميليا بهدوء مرعب....
كاميليا: ضبري راسك لي كنعرف أنا بعد ثلاث أيام وإلا راكي عارفة.......
نورية: ولكن... آلو آلو كاميليا.....
كانت قطعات الخط وقلب نورية بدا كيضرب بالجهد.... هي فاش طيحات راسها وشنو هاد المصيبة لي وقعات فيها.... طاحت فالفخ لا هي بحب لا هي بحياة......
#يتبع.....
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
