👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 75:
على ڤيلا المرساوي حل الصباح معلن عن بداية يوم جديد.....
تقدمات بخطوات بطيئة متمهلة ولمعة فريدة من نوعها على عينيها البنية.... حطات رجليها فأخر موضع قريب للسرير... علات راسها كتحاول تسرق النظر وتشوف ملامحو المميزة....حنات شوية مرجعة شعرها لي عنكشها للوراء....
وأخيرا تنازلات ونزلات براسها كتبتاسم بحال الحمقة..... كانت لابسة غير ملابس داخلية وفستان حريري شفاف خاص بالنعاس.... وشعرها القصير كيتحرك معاها متبع حركاتها.....
حنات كتشوف فوجهو هزات يديها بتردد وحطاتها على عنقو ونزلاتها بشوية حتى لصدرو الفولاذي العاري أمامها عليه بعض الشعيرات لي زايدينو ميزة....
بللات شفتيها بلسانها الوردي وإبتسامة جنونية على ثغرها ناطقة بهمس ودلال.....
ناهد: لا ماشي هاد المرة ثاني أناهد... مغاديش نخسر هاد المرة.... تجربتي القديمة والفاشلة فالحب مغاتعاودش.... كتسناني تجربة جديدة.....وحلوة...... قربات منو كتاخد صورة كأنه ناعسة معاه....
ارتفعوا خدودها بإبتسامة حتى تسدوا عويناتها فور ماحسات بيه عنق يديها بحال شي ولد صغير وفور ماحسات بضحكتو الكسولة ناطق بخفوت وهو ناعس ومغمض عينيه....
يوسف(السائق): شنو جابك عندي!
وسعات عينيها مامصدقاش فور ماسمعاتو شنو قال....
يوسف: توحشيتيني أسهام!
هذا طلع داير علاقة لا مستحيل اش هاد الزهر.... عضات على شفايفها كتفكر في هادشي ونطقات بينها وبين نفسها....
ناهد: خصني نعرف شكون هي هاد سهام ضروري خضني ندير شي حاجة.......
غير ماسمعش جوابها وفطن براسو فين هو ومعامن تخلع....لمن هاد اليدين؟
حل عينيه مخلوع كيشوفها قدامو بحال شي بنت صغيرة جايا تفيق باباها من النعاس..... تصدم ياكما وقعات شي حاجة شنو لي جابها عندو ولغرفتو وفهاد الوقت.....
ابتسمت ليه ونطقات بهدوء....
ناهد: ان شاء الله تكون نعستي مزيان جيت غير نطمأن عليك....
وقفات كتدور فعينيها بتوتر وصدرها المرفوع قريب يخرج من داك الفستان الضيق الشفاف.... حل فوهة فمو فيها كيشوف بلاما يرمش.... شافت فيه كيشوف فيها مصدوم وهي تقرب ليه كتبتاسم....
ناهد: فاش كتشوف ياكما نجبدو نوريه ليك......
وسع عينيه من كلامها الجريئ فحين هي بدات كتكركر ماقادراش تحبس راسها......ونطقات بإبتسامة دافئة وبريق خاص فعينيها كيجرو ليها في تقارب غريب....
ناهد: غير كنضحك معك....
تنفس براحة وهو مزال مصدوم من شنو واقع حتى شافت فيه بجدية وتكلمات....
ناهد: ولكن إلا بغيتي راه نديرها.....
بدات كضحك بأنوثة مخلياه مراقبها بحال شي هبيل حاضي هبيلة.... طلعات كيوت وضحوكية عكس النظرة لي خدى عليها فالأول..... نطق بهدوء....
يوسف: شنو السبب الحقيقي لي جابك لغرفتي.. ؟
سكتات للحظة كتفكر في شي جواب مناسب حتى نطقات بثقة....
ناهد: نت.....يلاه نوض عندنا بزاف مانديروا اليوم.....
خرجات وخلاتو كيشوف فيها بعدم فهم......
#يتبع.... خليو تعاليقكم لي كيشجعوني باش نعطي أفضل ماعندي وديروا نجمة للقصة...... كنبغيكم ❤️
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
