👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 71:
"دائما كنت كنطمح لحياة سعيدة.... تكون عندي أسرة بحال جميع البنات لي فسني... أم تخاف عليا وأخت تكون سندي فهاد الدنيا وأب رحيم يحميني من ذئاب الدنيا..... ظنيت الأعداء هما لي غايحاربوني صدقت غالطة الطعنة جاتني من أقرب الناس ليا....... دارت يديها فيد عدوتي وحارباتني بلاما تقول هاديك ختي من لحمي ودمي"......
جالسة في بيتها لابسة فستان شفاف في الأحمر حاسة بغرابة الجو.... رجعات راسها اللور بتعب كتفكر فين يكون تعطل.....
فتحت عيونها مذعورة من فكرة تكون وقعاتليه شي حاجة..... النص دالليل وهو مزال مابانش....
ناضت من مكانها ولبسات معطفها الشتوي فوق ديك الكسوة الشفافة.... خارجة في الظلام.... نزلات لأسفل الڤيلا وشعلات الضو وتقدمات برجيلاتها الحافية حتى للجردة....
جلسات على كرسي كان تما تالفة وعقلها مشوش...قلبها مامرتاحش...... مابقاتش عارفة راسها شنو باغيا.... هي لي هربات منو ودارت المستحيل باش ماتبقاش عايشة معاه وهاهي الفرصة أمامها باش تهرب.....وفعوض ماتهرب جالسة كتفكر فيه وخايفة عليه..... بلا تصرفاتو الغريبة.... مرة باغي ينتقم ويعدبها ومرة حنين وخايف عليها.... هي متأكدة من حبو لكن خايفة هاد الحب يسالي شي نهار.....
وماهي إلا لحظات حتى حسات بشي يدين حاوطو كتافها....شدت على قلبها بفزع ودارت شافتو واقف وراها..... بعينين حمرين.....
أسد: علاش خارجة بوحدك في هاد البرد.....
علياء نطقات بخوف واضح على ملامحها البريئة.... وعاد نبرة صوتها المغنغنة....
علياء: تعطلتي عليا... اليوم كلو مابنتيش....
وقفها أمامو شادها من كتافها ونطق مستغرب....
أسد: علاش أنا ماعلمتكش بلي غانغيب اليوم......
رمشات علياء بعدم فهم كتحرك راسها يمين وشمال.....
علياء: لا ماقولتيلي والو!!
شد على أعلى نيفو بسبابة يديه وإبهامو ونطق.....
أسد: سمحيلي حبيبتي نسيت....
ظلت عيونها موسعة تعبيرا عن صدمتها.... معقول ينسى مايخبرهاش بلي غايغيب عليها.... ماقالهاش ليها وكأنه هارب منها.... ومن بعد يوم كامل من الغيبة بلاما يودعها ولا يعطيها أي اهتمام....جاي كيقوليها نسيت.... بهاد البساطة.... واش كيتقصد ينتاقم منها بهاد الطريقة المستفزة ولا بصح هي لي ولات حساسة واي حاجة كتشوش تفكيرها وكتحلل وتسفسر فيها بلا عجز منها.... هو راه خلاها وحيدة وحاملة من الفوق مشا بلاما يشوف ويسول واش خاصها شي حاجة... مما لا شك فيه أن الغلط منو هو ماشي منها.....!!
جاوبات بحزن وصدمة من تصرفو....
علياء: قلتي نسيتي...
نطق بحروف رجولية واضع يديه على حنيكاتها الحمرين بالبرد.....
أسد: نتمنى تكوني سمحتي لحبيبك.....
شافت فيه بحزن و ردت بقلة حيلة على أمل تكون غير كتهيأ.....
علياء: سامحتك....خلينا نطلعوا الجو برد بزاف....
طلعوا بجوج حتى للبيت هي لي كانت خايفة ومصدومة في نفس الوقت وسكوتها الغريب....اسد لي ماخفاوش عليه هاد التفاصيل......حس براسو خدعها وهي المخدوعة.... حس براسو كسرها ولكن ماباغيش يخسرها ويواجها بالسبب لي خلاه يغيب عليها... هي دبا حاملة ماباغي حتى حاجة تزيد تألمها او تعصبها يكفي لي عاشوه قبل.....
نعسات عاطاه بالظهر... مغرقة مخدتها بدموعها....تمنات لو غير بقا غايب حسن مايجيها بسبب تافه بحال هذا... من بعد ماكانت فرحانة بحال الفراشة حيت رجعات علاقتهم كيف الأول....رجعات بحال الأول عصفورة مكسورة الجناح.... وجناحها بين يدين أسد كيلعب بيه كيف بغا.......
#يتبع..... آراؤكم فتيات ❤️🔥
أنت تقرأ
علياء في قبضة الأسد
Romansaإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
