علياء في قبضة الأسد

|12|

👑علياء في قبضة الأسد👑
     #بقلم:رباب نجمة ومروى#
          الجزء الثاني عشر:
☆عند علياء
كانت تتلعب بالازهار بحال شي طفلة صغيرة من بعد شافت لبيسين او مشات حيدات صباطها او جلسات او دارت رجيلاتها فالبيسين او بدات تتقطع فالورد او ترميه فيه تحسات بيد تحطات على كتافها دارت مفزوعة
علياء:نتا هادا خلعتيني
اياد:خوافة كيديرة لباس
علياء:لباس
اياد:كيدير مع اسد
علياء:لباس
اياد:(غمزها) متخافيش انا مشي بحال اسد غير خودي راحتك معايا فالهضرة
علياء:(بتاسمة)باينا فك اصلا
اياد:ايوا نوضي نجلسو فبلاصة خرى
علياء:واخا(ناضو او مشاو جلسوا فواحد لجليسة كاينة فالجردة)
اياد:(ضحك)ههههه جاو معاك حوايج خويا
علياء:(تتدوي بهدوء)هوما لي لقيت
اياد:ههه داك النهار مخلاناش اسد نتعارفو كتر لمهيم انا اياد 29 عام خو اسد او نتي
علياء:(رتاحت ليه)أنا علياء 21 عام او خوك تزوج بيا بزز
اياد:متشرفين هههه باقا صغيرة(درب ليها نيفها بحال شي دري صغير) بيني وبينك خويا متزوج بك غير هكاك
علياء:او علاش تزوج بيا
اياد:شاف الزين او هو يدوخ هههههه
علياء:هههههه(بقاو تيدويوا او تيضحكوا او علياء رتاحت ليه بزاف....)

☆عند اسد لفوق فالمكتب
بقا خدام شوية او هو يتفكر فعلياء...عينيها....شنايفها لي عمروا تذوق بحالهم....فاش كتاكل......تفكر حوايجوا لي كتبان فيهم بحال شي خنشة ضحك لا إراديا....او حس برغبة باش ايشوفها
مشا بالزربة للبيت ملقاهاش من بعد تفكر انها فالجردة هبط فالاسانسور او وصل لباب او خرج للجردة.....بدا تيسمع الضحك بالجهد توجه لمصدر الصوت بانت ليه علياء تتضحك مع اياد لي شاد كرشوا بالضحك
علياء(تتدوي او تضحك)هههههه عرفتي كون غير كانت زوينة هههههههه بزاف والله
اياد:هههههه علام نتي حق الرب مبايناش فك ضحوكية ههههههههه

قاطعهم اسد لي حس بالغيرة تجاه خوه علاش تضحك معاه او هو فيما يقرب ليها تبقا تبكي... توجه عندهم او هو عاقد حجبانوا......علياء شفتو او هي تجمع الضحكة بينما اياد ستمر فالضحك
اسد:معنديش هنا مهرجان الضحك او كنظن اسي اياد عندك لخدمة
علياء:(تمتمات بهمس)يخ حاسدنا تعلا الضحك
اياد:ههه ساليت لخدمة
اسد:لاش جاي باش تفرgع  ليا راسي
اياد:هههه حاشا
اسد:(شاف فعلياء)نتي حسابي معاك هو لاخر
علياء:ولكن شنو درت لك
اياد:بصح الدرية مادارت والو
اسد:مشغلكش نتا....ايوا علاش جيتي
اياد:نطلعوا للمكتب او نديوي
طلعوا للمكتب بينما علياء بقات فالجردة تتلعب فواحد الارجوحة كاينا تماك.....دخلوا للمكتب او مشا اسد شعل سيجارة او بقا تيكمي.......
اياد:لعملية لي كلفك بيها لبوص لكبير نفذتيها
اسد:(نفت الدخان)باقي علاش
اياد:والو غير سولتك مبقا والو او نتهناو من هاد صداع الراس
اسد:(واما ليه براسوا)
اياد:سعداتك اخويا والله عندك مرة زوينة او ضحوكية (غمزوا)شبعتي  رومانسية لبارح
اسد:(خنزر فيها)جمع راسك اسي شتك تحليتي عليا هنا
اياد:ههههه غير ضاحكة عنداك تيري فيا

☆نخليو هاد جوج او نمشيو لبلاصة خرا

كان جالس تيفكر فمحبوبة قلبو او حب طفولتو او ملاميحها لي كيخليو قلبو ينبض فور ميتفكرهم...... قاطع شرودوا نزول واحد لمرة كبيرة فالعمر تكون فعقدها السادس كانت لابسة قفطان كيناسب سنها كانت جميلة الملاميح رغما كبر سنها على رأي لمثل ايلا مشا الزين يبقاو حروفو
مراد:(توجه عندها او قبل ايديها او راسها من بعد عنقها)كيديرة ادادا لباس عليك
دادا:لباس او لدي مراد او نتا اش كتعاود او كيدير ولدي اسد او اياد شحال مشفتهم
مراد:لباس عليهم(مبغاش ايقول ليها راه اسد تزوج)
☆نعرفكم كتر على دادا....دادا هي جدة مراد او اياد او ريتاج .....بالنسبة لمراد فهو ليد ليمنى ديال اسد او ولد صاحب باباه الروح بالروح او بعد لموت ديال واليديهم بجوج دادا رباتهم بربعة (مراد... ريتاج...اياد...اسد)بعد ساعة لاروب هبطت ريتاج بكل انوثة كانت لابسا(الصورة)كانت جارا فالييز فور مالمحها مراد توجه عندها او خدها من عندها.....بينما ريتاج مشات تسالم مع دادا او مراد رجع بعدما حط لفالييز فالطوموبيل تاهو تسالم مع دادا او خرجوا...... ركبوا فالطموبيل او ريتاج مرة مرة تتدوي او مراد تيجاوب عم الصمت او ريتاج ساهيا فملاميح مراد الرجولية نفضات هاد لافكار او بقات مركزة مع الطريق او تتقول بينها او بين عقلها
"مستحيل ايكون لك هو تيعتابر بحال ختو" بينما مراد تيتفكر كيفاش يقدر ايشوفها كلا نهار غيزيد يتعذب كتر وكتر تنهدوا بجوج فدقة او شاف فبعضياتهم او ضحكوا
ريتاج:ههههه قلنها قد قد
مراد:بتاسم ليها او دوا فعقلوا) اووف ياربي تنبغيها بزاف كيغاندير نشوفها قدام عيني ديما
#يتبع..

▪فنظركم مناش غيتهنا أسد او إياد؟
▪وشنو مصير علياء مع أسد؟
▪او كيفاش مراد غادي يقدر يكبح مشاعرو تجاه
      ريتاج؟
#توقعاتكم او آراؤكم❤❤❤❤❤