👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 67:
بقا سهران معاها الليل كامل كيتفقد حرارتها..... حتى صبح الصباح وداه النعاس.......حلات عينيها بصعوبة....حاسة بالتعب والجوع حتى كتشوفو أمامها وبين أحضانو.......
علياء(في نفسها): "أنا أكيد كنحلم"....
سدات عويناتها وخدودها الحمرين غادي يطرطقو فاش حسات بيه بدا يحل فعينيه باغي يفيق....... شاف فيها بإستغراب ونطق قريب لوجها....
أسد: لي كيكون ناعس مكيزيرش عينيه غير حليهم أمراتي.....
وسعات عينيها على وسعهم بانت بحال المصدومة قدامو........ والأفكار كتخبط فراسها بحال السيارات.... هذا شكايقول "مراتي" أنا مراتو بصح ولكن هو مقلق مني ومانظنش غايسمحلي ويعيط ليا مراتي.... اكيد كيخطط لشي حاجة.......حطات يديها على كرشها بشكل فاضح خايفة لاتكون خسرات لي فكرشها......
فهم قصدها وحط يديه على يديها ونطق بنبرة هامسة وهادئة في نفس الوقت قاصد يهدن من روعها ويخليها ترتاح.....
أسد: تهدني ولدنا بخير.......
زادت تصعقات وهي كتسمعو كيقول ولدنا من إمتى عارف وكفاش عرف لالا عاد فهمات قصدو باغي يعاملها مزيان حتى تولد وياخدو منها ويحرمها من شوفتو........
هرباات من حضنو مرمية فالأرض ومخشية فجنب الحيط مخبعة كرشها بيديها...... كترجف والدموع محجرين فعينيها...... ضعفها ولا متعلق بولدها.... ماغاتصبرش إلا تفارقات عليه.....
تخبعات فنفسها كترجف ويديها على كرشها كتشوف فيه بغرابة حتى قرب منها ناطق.....
أسد: علياء مالك على هاد الحالة.......
غوتات فوجهو ناطقة.... بحال المجنونة......
علياء: هذا ولدي أنا مغانخليك لا نت لا غيرك تاخدوه مني هذا ولدي بوحدي كتسمع نقتلك لاقربتي منو.........
دفعاتو هاربة لجهة الباب ودموعها على خدها كتصرف بلا عقل....
علياء:بعد بعااااد بعااد هذا ولدي أنا نت مغاتقدرش تاخدولي.....
تبعها كيجر فيها باغي يخشيها فحضنو ويهدنها بلي عمرو ياخدو منها لكن هي كانت فحالة هستيرية......شد وجها بين يديه ومسح دموعها هامس....
أسد: هذا ولدنا بزوج مانقدرش نبعدو عليك غير تهدني وخا......
هركات راسها بالإيجاب وتخشات فيه كتبكي وتشم ريحتو.....توحشات هاد الريحة الثقيلة والخفيفة على قلبها.....تمنات لو يرجع الزمن اللور وتمنات لو طلاقاو فظروف أفضل من هادي.... لكن كتبقى مجرد متمنيات.... الواقع حاجة أخرى..... كتحمد الله حيت طلاقات بيه رغم أنه شراها وتزوجها بالغصب إلا أنه كيباليها المنقذ ديالها لي عتقها من راجل مها........ نزلات دمعة من عينيها قطرات على كتفو وهو بدورو غمض عينيه فاش حس بيها.......أنفاسهم هي الوحيدة لي كترجم مشاعر كل واحد وكتزيد تصرفها فأحضان......
حلات عينيها كتفكر وهو كذلك....وفي لحظة بعد كل واحد على لأخر باش تقابل وجوههم.... شافوا في بعضياتهم بشوق كبير ونقضو على بعضياتهم كيلتاهموا فشفايف بعضياتهم بشغف وحب.... والدموع مازلين من عينيها كتعبر على ندمها وفرحتها........... خلات عينيها كتشوف فيه نايمة فيه......
#يتبع....
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
