👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 69:
وصلات ناهد للڤيلا لي كانت كبيرة وغير الجردة ديالها يجري فيها العود.... نزلات من الطموبيل مخلية العساس هو لي يتكلف بيها....وتمشات بتباث كتمختر عاجبها راسها حتى دخلات فشي شخص وقبل ماترجع باللور وطيح كانت يديه لي لابسة قفازات موسخة شادين خصرها بقوة... هزات عينيها فهاد الشخص الغريب وبقاو مدة كيتبادلو النظرات وأنفاسهم مسموعة شوية.... أول مرة غاتجرب تسهى فشي شخص....
بقات كدير مقارنة بين المشاعر لي حساتها وهي مع الشاب دالصباح وبين المشاعر لي كتحسها دبا.....وقبل ماتكمل فالتحليل ديالها.... كان وقفها وطلق منها......ناطق بكل أدب...
الشخص: سمحيلي بزاف أمدام بسبابي كنتي غاطيحي....
مزالة مامستوعباش الأمر ساهية فوسامتو الغريبة وأدبو فالكلام...باينة ولد الناس ودرويش ومن لباسو عرفاتو خدام بالحلال.... نطقات بكل أنوثة.....
ناهد: شكون نت ؟
نطق بخفوت كيشوف فالأرض غاض بصرو عليها....
الشخص: أنا الشيفور الجديد.....
ابتاسمات ليه وهي كضحك فخاطرها... ونطقات بينها وبين نفسها...
ناهد: "إذن غانولي نشوفك دائما".....
شافت فيه من راسو لرجليه كتعبرو وتحقق فيه.... مبودر وسموريتو كتلفت الإنتباه.... شعرو الكثيف لامع بطريقة مثيرة...... ويديه لي كتبان عراض من تحت دوك القفازات المزيرة على يديه.....
حس بيها كتشوف فيه بنظرات غير مفهومة...... وشاف فيها من تحت رموشو مستغرب...... فحين هي ابتاسمات بطفولية وحشمانة لأول مرة..... ربتات على كتفو بغنج ناطقة.....
ناهد: يلاه وجد راسك عندنا خريجة من دبا ساعة.... انا غانطلع نبدل حوايجي نلقاك واجد....(بغمزة) اوكي زين..
هز راسو بالإيجاب ونساحب من أمامها......تمشا مبعد شوية كيحلل فديك "الزين" لي قالت....
الشخص: هاد البنت مفششة بزاف وباينة مكتحشمش... ولكن معامن طحتي....
أما هي كملات طريقها لمدخل الڤيلا...
وقفات مندهشة فاش لمحاتها متكية على الحيط بوقفتها المعهودة...صارمة كيف ديما.... تكلمات هاد الأنثى لي قدامها بحدة...
كاميليا: فين كنتي ؟
ناهد: من إمتى كيهمك تعرفي أختي العزيزة... سمعت جبتي شيفور جديد...
نطقات كضحك بإستفزاز....
ناهد: فين مشا السائق البوكوص ديالك....
بعدات كاميليا عينيها عليها وعطاتها بالظهر طالعة لفوق بلاما تكلم..... هزات ناهد كتافها بلا مبالاة وتمات طالعة لبيتها... غيرات حوايجها بسرعة.... لابسة كسوة طويلة او واسعة ومخلية شعرها القصير على راحتو.... هزات حقيبتها ونزلات كطير للجردة.....
فور مالمحاتو توسعات إبتسامتها وقلبها بدل من طريقة نبضو مستقبل ريتم جديد..... جلسات جنبو وعينيها عليه فحين هو ماكايشوفش فيها بمرة... نطق بصوت ثقيل ببحة رجولية......
الشخص: العنوان إلا سمحتي أمدام.....
رفعات حاجبها ماعاجبهاش الحال ونطقات مقربة منو...
ناهد: آنسة.... عيطلي غير ناهد أوكي.... المهم ديني للبحر....
نطقات فسرها بإستياء....
ناهد: على الأرجح حظي من حظ ختي سعدنا فالسائقين....
#يتبع.. ❤❤بغيت نشوف تعاليق على القصة...
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
