علياء في قبضة الأسد

|41|

👑عـلـيـاء في قبضة الـأسـد👑

بقلم: #رباب نجمة☆ومروى#

             💎الجزء41 💎

أسد بقا كيشوف فيها بدون ملل مسحور في جمالها الأخاد... داه لعالم خاص بيه غير هو وعلياء قلبو.... كلمة كيبغيها قليلة فحقها وماتقدرش توصف المشاعر الجامحة لي كيحس بيها من جيهتها... صعيب بزاف هاد الإحساس لي متملك قلبو ولي كل مرة كيخلي جسمو يرتاعش كل ماشاف محبوبتو الفاتنة.... تاه مرة أخرى في ملامحها الجميلة حاجبين مرسومين من عند الله ماقايساهمش نهائيا عينين مجبدين ورموش كثاف أنف صغير ومنقاد... وفم صغير وردي كحبة كرز طرية..... نزل بلا شعور على فمها الصغير بقبلة دافئة وهادئة خلات علياء تحل عينيها وتشوف فيه بدون أي ردة فعل كأنها ولفات على الوضع... بعد منها متفاجأ من هدوءها وتكلم بتوتر....
أسد: سمحيلي حيت فيقتك...

تقلبات على الجهة الأخرى عاطياه بالظهر...
علياء: ماشي مشكل...
أسد: احم وخا تصبحي على خير...
علياء: ونت من أهل الخير..

تقلب حتى هو للجهة الأخرى كيفكر فيها وفنفسوا كيفاش تبدل او ولا كيتوتر من أي فعل قام بيه معها...أما هي فكانت حاطة يديها على فمها وكتبتاسم بحب....

في مكان أخر....🖤
غرفة بإضاءة خفيفة كانت كتسمع أنفاس مجهدة في الغرفة
كانت كاميليا في حضن السائق ديالها الوسيم....
دفعاتوا من عليها هو لي قرب منها مرة أخرى ماساخيش...
السائق(غسان): حبيبة مالكي...
كاميليا: صافي بعد...

وقفات كتمشى أمام عينيه لي ختارقوا جسمها المتفجر بالأنوثة الممزوجة... هزات كاس من النبيذ الأحمر ورجعات جلسات أمامو كتشرب بدون حياء... غمزاتو وتكلمات بميوعة...
كاميليا: قوي تبارك الله..
غسان(رجع شعرو الأسود الحريري لور وتكلم بخجل نسبي): احم مافهمتش أنا شنو وصلني لهنا...

ضحكات كاميليا ضحكة عالية وحطات يديها على صدرو العريض...
كاميليا: سحر كاميليا حتى واحد مكايقاوموا أ عمري....

شاف فيها لبرهة ونطق....
غسان: علاش نتي هكا... خليتيني نتيق بلي نتي فعلا عاهرة ولكن  الليلة كتاشفت بلي نتي عمرك كنتي مع شي راجل قبل....

حولات عينيها لبعيد وتكلمات بجدية...
كاميليا: غير تيق أنا بصح عاهرة (تكلمات بمزاح) ولكن كلاس... كنشطح ونغني فالحفلات وكنشهد على العهر وكنخرب علاقات سواء مهنية ولا غرامية ولكن حتى واحد مايقدر يقيس شبر من جسمي...
غسان: علاش أنا...
كاميليا(شافت فعينيه مباشرة): حيت نت لي بغاك قلبي أ غسان... (شارت لعقلها) عششتي هنا..

تفاجئ غسان من كلامها هو لي ماعندوش علاقة بيها بل مكايعرفهاش حتى... من غير أنه كيشوف صورها فالمجلات...
غسان: نتي شكاتخربقي... نتي مكتعرفينيش باش تقولي هاد الكلام أكيد سكرتي...
كاميليا(بقهقهة): لا لا سكرانة غير بحبك أ غسان... أنا كنعرف عليك كلشي من أول يوم شفتك فيه وقلبي عليك... ماشي صدفة خدمتك الجديدة معايا... منين يلاه كتخرج من الحي ديالكم حتى كترجع ليه وأخبارك كيوصلوني... ومزال نتفاهموا على ديك العشيقة....
غسان: معقول ؟ منين عرفتيني...
كاميليا: من يوم الحادث واش عقلتي ؟

#يتبع...
كيف جاتكم كاميليا؟