علياء في قبضة الأسد

|25|

👑عـلـيـاء في قبضة الـأسـد👑
بقلم#رباب نجمة وَ مروى#
الجزء 25:

دمووع على حياتها ودموع على الحالة لي وصلاتليها...بكات بصمت كيف ما متعودة.. قلبها كيحرقها حيت حاول يقرب ليها بهاد الطريقة حيت شافها كجسد وصافي.. بدات تفهم بلي هو ماشي وحش كيف كان كيحسابليها حتى دار هاد التصرف لي خلاها ترجع ديك الصورة السابقة لي كانت واخدة عليه.. ولكن هادشي ماخلاهاش تكرهو بالعكس عاد ماكتلقا راسها تعلقات بيه... قولها أنها كتكرهو  كتحاول تخبي من خلاله مشاعرها لي ولات كتحس بيها وهي معاه... مع كل لمسة ونظرة وقبلة منو كتخلي قلبها يزيد يتعلق بشخصيتو المعقدة ماتقدرش تقول بلي ولات كتبغيه ولكن مايمكنش تنفي إعجابها الكبير ناحيتو... وهنا ممكن تثبث جملة "أنها دخلات لعالمه وولات فالقبضة ديالو..قبضة الأسد"..

تمشات ببطئ ناحية المرآة وقفات كتشوف نفسها بنظرات متفحصة... فين هو هاد الجمال لي كيدويو عليه ؟ ...فين هو القوام المغري لي الرجال كلهم طامعين فيه ؟ جا فبالها سؤال مهم بالنسبة ليها...  واش حتى أسد طامع فلحمها... ؟ واش حتى هو بحالهم ؟ تزوج بيها بغرض يشبع غريزتو ويخرج كبتو.... لالا مستحيل هو ماشي هكا ؟
نفضات أفكارها ومسحات دموعها مبعدة من المرآة...
لبسات كسيوة قصيرة شوية وظفرات شعرها... وخرجات من الغرفة هابطة لتحت باتجاه المطبخ...كان عاطيها بالظهر وكيوجد العشا... حس بيها ودار عندها بسرعة وتقدم ناحيتها هي لي حدرات راسها حشمانة.... قرب أكثر وهز ليها راسها بسبابة يدو مقابل عينيه مع عينيها لي كيهربو من عينيه ماباغيينش يشوفو فيه...
أسد: علاش حشمانة أ علياء... علاش ؟؟...

بعد يديه وحدر راسو ناطق بنبرة هامسة كلها ندم..
أسد: أنا لي من المفروض نكون حشمان منك على شنو درت... ولكن ثيقي بيا ماكونتش فوعيي وماحسيتش بشنو كندير أنا شربت باش ننسى كرهك ليا والألم لي كتحسي بيه ونتي معايا شربت باش ننسى بلي وجودك معايا عذاب بالنسبة ليك.. سمحيلي عفاك..

قربات منو شادا فيديه وتكلمات ببراءة وطيبة مبالغة..
علياء: أنا سمحتليك حيت ماكنتيش فوعيك أصلا كاملين كنغلطوا المهم نطلبوا السماحة... (تكلمات بنبرة مرحة ختماتها بضحكة عذبة) وزايدون أنا مكنكرهكش بزاااف غييير شوية ههه...

ضحك لضحكتها وسهى فيها...
وقرب منها مقادرش يمنع نفسو من تقبيلها... أما هي مامانعاتش وقربات بدورها كتقلص عليه المسافة وتختاصر عليه الطريق... كانت غتكون قبلة مثالية لولا تدخل الأخت لي كتعاني من جفاف عاطفي مهول هه... ريتاج...
ريتاج: احم احم هه سمحولي إلا قاطعتكم.. ولكن جاني الجوع وماقديتش نصبر مزال... (غمزات خوها) خويا كاين شي مايتكال..
أسد(فخاطرو): مفسدة اللحظات الجميلة..

ميل راسو كيحك لحيتو ورجع شاف فيها...
أسد: وخا سيرو نتوما تجلسوا أنا دبا غادي نحطليكم العشا...
علياء: لا مايمكنش خليني نكمل عليك...
أسد(بغمزة): مغاديش نمانع إلا بغيتي تعاونيني..
علياء(بخدود محمرة): وخا نعاونك..

مشات ريتاج تجلس كتفكر فمراد وفنفس الوقت كتفكر فكرشها لي كتزغرت بالجوع..

حتى جاو جايبين العشا وجلسوا كيتعشاو في جو مرح...
كلاو وسلاو وناضوا كيجمعوا الطبلة... حتى تكلم أسد..
أسد: أنا غادي نطلع ننعس..
ريتاج: وخا خويا تصبح على خير حنا شوية وغانمشيو نعسوا..

شاف فعلياء وحرك راسو غادي باتجاه الغرفة لي كتجمعوا بعلياء..
أما البنات فجلسوا بجوج كيتكلموا فأمور عادية حتى بدات ريتاج كتبكي..
علياء: أويلي مالك علاش الدموع؟
ريتاج: هئ هئ كون تشوفي شنو وقع معايا..
علياء: مراد ياك... ؟
ريتاج: اه هو سبابي تخيلي معايا رفضني بطريقة غير مباشرة وجالس كيتغابا زعما مافاهمش...
علياء: وياك نتي مكتبغيهش!!
ريتاج(زادت من وتيرة البكا وكتكلم بزز): كنبغيه أختي كنموت عليه من لما كنت صغيرة.. كنبغيه منين درتو صديقي الوحيد وولا مخزن أسراري والصدر الحنين والحامي.. ولكن هو كيعتابرني مجرد أخت... علاش مافهمتش... (شافت فعلياء كتحاول تقنعهها)
أنا ماشي ختو كنقسمليك أنا وياه مكتجمعنا حتا رابطة دم... أنا ماشي ختو هئ هئ..

قربات منها علياء كتواسي وتخفف من آلامها فكراتها فحب طفولتها وفين غيكون دبا...
علياء: تهدني أصاحبتي وماتبكيش... يمكن هو رفضك ولكن نتي مزال مامتأداش واش شعورو اتجاهك مختالف على شعورك نتي...
ريتاج(حبسات من البكا وكتشوف فيها باستفسار): كفاش زعما...
علياء: نظراتو ليك فيهم حب كبير... ماشي حب أخ لختو ولكن لي رد البال وتمعن فدوك النظرات غايفهم بلي هو عاشق ومغرم بيك....
ضحكات ريتاج بسخرية..
ريتاج: ههه من نيتك أنا عارفاك باغا تخففي عليا ولكن مراد مكيبغينيش...
علياء: كيبغيك ولكن نتي ماملاحظاش...
ريتاج: اوا وعلاش رفضني مدام هكا..
علياء: بصراحة ماعرفتش ولكن نتي قادرة تعرفي... المهم مسحي دموعك ونوضي تنعسي أ الحمقة..
ريتاج: وخا هه..
علياء: اوا شفتي هادي هي الابتسامة ليكتجي معاك...

#يتبع.. غدا التتمة إن شاء الله لكن بشرط لي قرات تخلي رأيها ودير إشهار تهلااااو ♥🔥