👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 77:
دخلات ناهد لغرفة كاميليا مصدومة من شنو سمعات وهي تنطق بحدة.....
ناهد: ماكفاكش العهر زدتيها حتى بالمافيات واش نتي باغا تخرجي علينا......
نطقات كاميليا بالغوات شاداها من معصمها بقوة....
كاميليا: شكون عطاك الحق تتصنتي عليا أش هاد الوقاحة لي ولات فيك....
ردات ناهد بإنفعال....
ناهد: طلقي من يدي واش نتي مريضة فمخك ولا شنو إلا كانت حياتك ماشي مهمة عندك أنا حياتي مهمة.... باغا تخرجي علينا دقة وحدة طلقي متي أكاميليا طلقييي......
دفعاتها على الأرض ناطقة بنبرة مرتفعة....
كاميليا: نتي مامربياش طغيتي بزاف مور مامشيت....
ضحكات بسخرية.....
ناهد: نتي أصلا نسيتي واش عندك ختك صغيرة محتاجة ليك... نتي هربتي وسمحتي فيا كون غير مارجعتيش... البراني وحن فيا عليك.... قلبك حجر أكاميليا وأنا عمرني غانسمحليك.... تخليتي عليا وأنا فأمس الحاجة ليك..... كون غير ماتولدتش نتي عار تكوني ختي....
وسعات كاميليا عينيها مامتيقاش أش كتقول......
كاميليا: واش عارفة راسك أش كتخرجي على فمك....
وقفات ناهد من على الأرض ودموعها كيتساقطوا.....
ناهد: علاش نتي ماشي ختي لي لاحتني وسمحات فيا علاش ماشي نتي لي وهمتيني أنك ختي الكبيرة لكن ماشفت منك حتى حاجة لا حنان لا رعاية والو لحتيني للخدامات هما يتكلفوا بيا بلاما تسولي شنو خاصني ولشنو محتاجة......
ضحكات بسخرية مرددة....
ناهد: لقب أخت ماجاش معك حيت نتي ماقدمتيلي حتى حاجة فهاد الحياة من غير فلوس الحرام..... أنا عارفة الحقيقة كلها حقيقة انك عاهرة مقطرة.....
حسات بكف دورليها راسها ونساها فالقبلة..... نزلوا دموعها بغزارة مصدومة..... شافت فيها بعدم تصديق ونطقات...
ناهد: كنكرهك.....
خرجات كتجري بديك الكسوة الحمرة مكاتشوفش قدامها خارجة من ديك الڤيلا ودموعها على خدها.... حتى دخلات فيه كان هو الرجل الوسيم....
بقات كتبكي بهستيرية ماقادراش تحبس.... نطقات بصعوبة...
ناهد: البحر... ديني للبحر.....
اتجه بيها للسيارة واتجه هو لمكانو ديمارا نحو البحر.....
مكانت غير دقائق قلال حتى كان وصل بيها للبحر المكان لي كيخليك ترتاح......
خرجات من الطموبيل بالزربة كتستفرغ وروحها غادي تخرج.... جا عندها مخلوع جامعليها شعرها ويديه على جبهتها..... حتى سالات عاد مد ليها القرعة دالما كتشلل فمها وتشرب.... مد يديه لقرعة أخرى فزع يديه كيمسح ليها على وجها.... ونطق بحنان....
يوسف: واش نتي بخير.... ؟
حركات راسها بالنفي..... شد فيديها وجرها معاه لفوق واحد الصخرة عنقها مخليها ترتاح فوق صدرو حسات براحة وهي معاه....
تنهدات براحة ناطقة بعد مدة طويلة....
ناهد: البحر عندو فعل إيجابي على قلوبنا كيريحنا بزاف....
هز راسها كيشوف فيها كيف حمرة وعينيها منفوخين.... وشفايفها بحال شي فريزة كبيرة....
يوسف: شوفي كيف وليتي علاش هادشي كامل.... ؟
دلات شفايفها بحزن وقالت...
ناهد: كلشي بسبابها كتغبر حتى مانقول صافي مابقاتش غاترجع حتى كتبان قدامي من أول وجديد بلاما تسول فيا ولا تعبرني بحال الا ماشي ختها......
دوز يديه على شعرها كيرجع البعض من خصلاتو ورا وذنيها ونطق...
يوسف: نتي بعدا عندك ختك وخا ماتكونش كتهتم بيك كيف بغيتي على الأقل موفرة ليك ظروف آمنة... أما أنا ولداتني ولاحتني فالخيرية بلاما تسول فيا..... بسببها عشت حوايج خايبين فحياتي....التشرد والحرمان أسوء حاجة ممكن يعيشها طفل صغير..... المفروض يكون في المدرسة ماشي فالشارع كيتقاتل مع الحباسة والشماكرية...
نزلات دمعة من عينيها على كلامو وقربات منو شادا فحنكو كتمرر أصابعها الدافية والرطبة عليه....
ناهد: سمحليا فكرتك فالماضي... ماكنتش قاصدة.....
حرك راسو بالنفي كيشوف فيها شحال كيوت وكتحمق خاصة دوك الشفايف الحمرين.... ماقدرش يمنع راسو من إفتراسها ماكان غير منقض عليها واضع شفايفو على شفايفها كيمصهم حلات عينيها بصدمة وهي كتحس بيه كيقبلها بحنان.... حاولات تدفعوا من عليها لكن هو كان مخشع مع مذاق فمها الرطب.... عضها فشفايفها باش تحل فمها ليه ويدخل لسانو باش يزيد يتذوق طعمو من الداخل..... مرر يديه على خدودها السخان حتى شك واش طلعاتليها الحرارة.....
ماعرفات مادير من غير تغمض عينيها وشيطانها كيقوليها استغلي الفرصة كلشي بين يديك دبا......
هزات يديها وحطاتها على ديالو بعفوية كانت باغا غير تحطها على فخاضو.....وسع عينيه وهو كيقبلها مصدوم.....
هربات يديها مخلوعة لكن هو كان مرجعها ليها من جديد والبرد كيحرك فخصلات شعرهم بجوج....... ندامجات معاه فقبلة ساخنة وجنونية هي كتعبر فيه على إعجابها وهو كذلك....بدات كتفكر فشنو غادير مور مايسالي من تقبيلها حتى طاحت فبالها فكرة جهنمية غاتخلص منها من سهام وقبيلتها.......
#يتبع.....
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
