علياء في قبضة الأسد

|18|

👑عـلـيـاء في قبضة الـأسـد 👑
بقلم #رباب نجمة ومروى#
الجزء الثامن عشر 18:

دخل ضوء الشمس من النافذة... حلات عينيها بصعوبة ماساخياش تفيق...
دورات عينيها فالبيت مكانش ليه وجود... يمكن مشا لخدمتو... دوزو البارح ليلة صعيبة.. أكيد مغايركزش فخدمتو.. جلسات فوق السرير بهدوء.... واضعة رجليها الصغار والحمرين على الأرضية الرخامية.... ميلة عنقها وشعرها مايل معاها على كتفها الأيمن.....
أما أسد فكان فالمكتب ديالو لي فالڤيلا... كيهضر فتيليفون والواضح أنه معصب بزاف...
أسد: كفاش ماشديتيش السلعة واش باغي تمرضني على الصباح.. ياك أنا كلفتك بهاد المهمة ودرت فيك الثقة...
""": سيدي ثيق بيا درت لي فجهدي باش يدوز كلشي سكوتي بلاما يعيقوا بينا البوليس ولكن للأسف...... تشدوا بزاف من رجالنا... قدر يفلت من بين يدين البوليس غير عدد قليل.. متأكد بلي كاين بيناتنا شي خائن...
أسد: نت لي مخري فذماغك.. وبسباب غباءك فقدنا سلعة مهمة...
"""": سيدي أنا.....
أسد(قاطعو): صافي سكت عليا دبا.... حسابك مع البوص ماشي معايا أنا....
""""(بخوف): ولكن.......
قبل مايكمل كلامو كان أسد قطع الخط... وابتاسم بخبث.... هادشي كيعني بلي العصبية ديالو كانت مزيفة...
أسد: الأمور غادا كيف بغيت... وكيف تهنيت من الرئيس الصغير قريب نتهنى حتى من كبيرهم.....
(تكلم وهو كيتوعدلو بالأسوء) جاية نوبتك...قريب..

توجه أسد لبيتو كيفك أزرار القميص الأسود بضيق.. فتح الباب لكن ماكانتش... دور وجهو لسرجم لي كان مفتوح والرياح كتحرك الستائر.....الصمت ونوع من الرقة والنعومة وطابع أنثوي غالب على الغرفة.....
رجع دور وجهو لباب الحمام لي كان تفتح.......خارجة برقة ونعومة وعطرها المنسم بالورد سابقها....
كتلعب بظفيرتها بدلال ونفسيتها تحسنات...

حسات بوجودو ورفعات عينيها لجيهتو وطلاقات عينيها العسلية مع عينيه السود كعيون الغزال واقف وقفة رجولية يديه على عنقو وكيرمقها بنظرات مبهمة وغامضة......ابتاسمات معاه وقربات منو أكثر...
علياء: صباح الخير ...
رجعات كملات بعيون ضاحكين بلاما تسنى رد منو...
علياء: شكرا حيت بقيتي معايا البارح وهتميتي بيا..

تحرك من بلاصتو كيدلك رقبتو مشتت نظرو فالغرفة رافض يشوف فيها...
نطق بصوت قوي وهادئ في نفس الوقت....
أسد: ماشي مشكل....

جاوباتو بصوتها الرقيق متعجبة من حالتو....
علياء: واش عندك شي مشكل ؟

ضار عندها وبسرعة شد فيديها...
أسد: علياء أنا......

قاطعوا دخول ريتاج وتكلمات مبسمة....
ريتاج: صبااااح الخييير... ياكما قاطعتكوم ههه...
علياء: لا غير دخلي مرحبا بك...
أسد: أنا غانمشي... فليل ونهضرو (غمزها)..
علياء: وخا صـافي..

خرج أسد مخلي ريتاج وعلياء بوحدهم في الغرفة... نطقات ريتاج بمشاكسة....
ريتاج: غير سمحيلي قاطعتكم هههه...
علياء(بخجل): لا ماشي مشكل أحبيبة....
ريتاج: أش باليك اليوم نديرو الشوبينغ...
علياء: ولكن أسد مغايخلينيش نخرج...
ريتاج: وعلاش أنا هنا.....
علياء: وخا تسناي نبدل حوايجي...
ريتاج: اوك غانتسناك التحت...

بدلات علياء حوايجها وهبطات التحت كتقلب بعينيها على ريتاج... لقاتها واقفة مع مراد...
علياء: سلام أنا واجدة...
ريتاج: وخا أحبيبة...(شافت فمراد) مراد مشينا..
مراد: وخا...

تحركوا باتجاه مركز التسوق علياء ركبات اللور كتراقب الشوارع عبر النافذة أما ريتاج مازولاتش عينيها من على مراد لي كان حاس بيها ومافاهمش السبب لي يخليها تشوف فيه...
وصلوا للمول وتمشات ريتاج حدا علياء أما مراد فكان تابعهم من اللور.....

دخلوا لمتجر كبير تما عامر بالفساتين الثمينة...
ريتاج: واو شوفي هذا شحااال زوين...
علياء: اه بصح يجي معاك زوين..
ريتاج: لا هذا غايجي معاك نتي حسن مني...
علياء: لالا أسد عاد جابلي الحوايج ...گاع مامحتاجة ليهم دبا....
ريتاج: واش من نيتك أصاحبتي راه خص يكون عند بزاف باش كل مرة تصدميه بلبسة فشكل... ونوصيك العرا العرااااا أ الحبيبة فليل متعيلي راجلك باش مايشوف فحتا وحدة غيرك... أما بالنهار لبسي المحتارم خويا مغيااار ههه... باينة مزال ماجربتي غيرتو...
نطقات علياء فنفسها" أنا مزال ماكنعرفوش بقا غير يبغيني ويغير عليا".....
اكتافات علياء بابتسامة وخدودها توردوا من جديد....

بقاو كيهزوا ويختاروا حتى سالاو ومراد طابوا رجليه بالوقوف.... حتى ماقال سالاو...
رجعوا للڤيلا ولكن قبل ما كل وحدة ترجع لبيتها كان وصل ريتاج اتصال من عند خوها...
علياء: أنا غانطلع لبيتي نرتاح...
ريتاج: تي فين غادا غادي نحضروا لعرس بنت خالتي الصفريطة ههه اليوم نشوهها مع ناسها...
علياء: لا أنا غاعفيني مافيا لي يمشي...
ريتاج: لا أصحبتي أسد وصاني نجيبك معاي مانخليكش بوحدك فالڤيلا...
علياء(تنهدات): وخا صافي.....

#يتبع...