علياء في قبضة الأسد

|20|

👑علياء في قبضة الاسد👑
  #بقلم:رباب نجمة ومروى

  الجزء:20

دار مراد او هو يلمعوا عيني لما وهو تيشوف حسناء جميلة فاتنة باقا تيطلعها من صبع رجليها الصغير لي شعرها عاق براسو او هو يحمحم
مراد:احم احم فينها علياء
ريتاج هي الاخرة كانت مبهورة بجمالو الرجولي
ريتاج:هاهيا هابطا

وقفات عليهم ريتاج او دوات بخجل
علياء:سلام
مراد:عليكم السلام
ريتاج:مشينا
مشاو ركبو فطوموبيل او مراد تيشوف فريتاج بنص عين او مرة تيشوف فالطريق هاذ النظرات لي مخفاوش على علياء بتاسمات او دوات فخاطرها
علياء:ههه هادا غيدير بينا شي كسيدة
بعد نصف ساعة كانو وصلو لأحد افخم لقاعات فالدار البيضاء كانت موسيقى اندلسية تيتسمع دخلوا لداخل بعدما عطاو لكارد الدعوة دلعرس كانت لقاعة عامرة وسعات علياء عينيها من جمالية الديكوغاسيون جميع الانظار توجهت ليهم لما وهوما أجمل فتيات فالحفل خطفو جميع الاضواء

توجه لواحد الطابلة جلسو فيها
ريتاج:علياء كيجاوك الاجواء
علياء:بتاسمات)زوينين
ريتاج:يلاه نمشيو لعند لعروسة
علياء:واخا
توجهوا لغرفة فين تتبدل كانت النكافة تتدير اللمسات الاخيرة فور مالمحات مريم ريتاج ناضت او مشات عنقاتها
مريم:ههه ريتاج توحشتك ألكلبة
ريتاج:تأنا أصفريطة ههه
مريم:جيتي زوينة
ريتاج:تنتيا
لحظات مريم وجود علياء او هي تكلم موجها كلامها لعلياء
علياء:شكون نتيا
ريتاج:مراة خويا
مريم:وايلي اياد تزوج بلا خباري
ريتاج:ولا راه اسد
مريم:(حلات فمها)شنو اسد تزوج
ريتاج:قصة طويلة
مريم:متشرفين أا
علياء:سميتي علياء
مريم:متشرفين أعلياء بالمناسبة نتي زوينة عتابري راسك فعرس ختك او ايلا قلقاتك شي حاجة قوليها ليا
علياء:شكرا ربي يخليك
ريتاج:(غمزات مريم)كيفاش تادرتي عرسك فقاعة ياك كنتي غاديري غير حفلة صغيرة
مريم:هاديك عكوزتي قالت لك بغات عرس تقليدي او نطلع فالعمارية او منعرف اش داك التخربيق
ريتاج:هه دكشي مشي تخربيق دكشي احسن حاجة لمهيم نخليك ألالة لعروسة
مريم:ههه باي لعقبال ليك
ريتاج:(تنهدات)امين

خرجوا او توجهو لبلاصة فين كانوا جالسين تقتصاطح علياء مع واحد الشاب
علياء:سمحليا مشفتكش
الدري:ماشي مشكيل ازوينة
ريتاج:(دوت مقندشة)حتارم راسك اسي
الدري:مدويتش معاك نتيا
علياء:صافي اريتاج متعصبيش(دوات مع الدري) او سمح ليا مرة خرى

مشات علياء او ريتاج بينما الدري بقا مراقب علياء تاغبرات او هو يعض شنايفو دليل على اعجابو بها
دري اخر:مالك أاناس او شكون هاذ الزوينة اللي كنتي تتدوي معها
أناس:ههه والو أ جاد غير تصاطحت معاها او عجباتني ههه
جاد:او لخرة لي كانت معاها
أناس:هاذيك غير معاها او فاش قلت ليها الزوينة تعصبات
جاد:بتاسم)النوع دلبنات لي كيعجبوني
أناس:عجابتك
جاد:وي بزاف
أناس:تأنا عجباتني لخرة يلاه نمشيو عندهم
جاد:اوكي يلاه
عند لبنات

مشا لبلاصة فين كانوا جالسين مع مراد جلسوا شوية او هي دخل لعروسة بالصلى او السلام....شوية جا راجلها باادقيقية دكشي كان تقليدي او كانوا هازين الدهاز ....مشات لعروسة بدلات اللبسة او طلقو موسيقى شعبية ريتاج مقدرتش تستحمل ناضت  بدات تتلوز هي اصلا تتعرف تشطح او مراد تيشوف الرجال كاملين تيشوفوا فيها حس بالغيرة من جيهتها لفت انتباهو واحد الشخص حاديها كان جاد حاطي ليها الطرماحة كان نايض ايفرشخو تسالات الاغنية او جلسات

ريتاج:اووف شحال هادي محضرة لشي عرس بحال هاذا ديما تيطلقوا موسيقى تتجيب النعاس
علياء:تتعرفي تشطحي تبارك الله علك
ريتاج:باقي مشتي والو
اما مراد فكان حاضي جاد لي مزولش عينيه على ريتاج ......
علياء:(دوات فوذن ريتاج)بغيت نمشي لطواليط
ريتاج:هاهي كاينة حدا لباب ديال الدخلة
علياء:واخا هاني مشيت(مشات او بقات ريتاج مع مراد)
ريتاج:مراد دادا مغتجيش
مراد:لا قالت ليا عيانة
ريتاج:(بخوف)مالها شنو عندها
مراد:غير عيانة شوية او صافي

عند جاد او اناس
اناس:نخليك الزين معرفتش فين غادي
جاد:سير اخويا ضبر على راسك

مشا اناس تبع علياء تسناها تاخرجات او هو يتوجه باتجاهها او تساطح معاها كانت غاطيح ولكن شدها من خصرها
اناس:نتي هادي تاني
علياء:سمح ليا مشفتكش ممكن تحيد ايدك
اناس:علاش شنو دارت لك ايدي اممم
محس براسوا تاجاتو بونية لوجهوا كان اسد داخل هو او اياد للقاعة تلمح اناس شاد علياء من خصرها .....

   #يتبع..إلى الغد بنات كثروا الإشهارات بلا بهم راه القصة غاتهبط💎💕🔥🔥