👑عـلـيـاء في قبضة الـأسـد👑
بقلم: رباب نجمة🌟 ومروى.
💎الجزء49💎
بقات علياء فالغرفة كتبكي ماقادراش ثيق بلي شافت فيديه فردي حقيقي....الإستنتاج الوحيد لي جا فبالها هو أنه قتال ومجرم.... خاصة فاش شافت الخير لي عايش فيه وكفاش شراها من راجل مها....... اذن تقدر تتوقع منو اي حاجة...
علياء: هئ هئ مد عليا يديه الموسخين هئ هئ ومن الفوق خرج وخلاني هنا بوحدي.... بلاما يعتذر مني.... وحش انا كنكرهك...
سمعات الدقان فالباب وهي توقف كتمسح دموعها بعنف...
علياء: دخل....
دخلات كاميليا بلباسها المفضوح، كتمشى برقي وقفات أمام علياء وشافت فيها بنظرة تحدي... ونطقات معلية راسها بتكبر....
كاميليا: عند بالك ربحتي أ الغزالة؟ زعما زينك وصغرك هو لي غايخلي أسد يبغيك ويحافظ عليك كزوجة....
علياء: نتي شنو كتقولي مافهمتش....
ضحكات كاميليا بصوت مسموع وعينيها كيخرجوا الشرار....
كاميليا: نتي كتنافسي كاميليا.... كاميليا أ ساندريلا.... نتي وحدة ضعيفة ماتقدريش على شري....ضعيفة وهادشي كيبان من عينيك لي كيتملكهم الخوف...
استجمعت علياء قوتها وعلات راسها بشموخ كتحاول تبين القوة عكس الضعف لي ساكن كيانها ونطقات..
علياء: فاش الأمور كتتعلق بالحب حتى حاجة ماكتبقى تخلعني... (تكلمات بحزم) هاد الأنثى لي قدامك قادرة دمرك....
كاميليا: ماتقدريش عليا.... تسناي شنو غاندير فيك..... (دارت يديها على ذقنها كتفكر) ممم جاني الفضول شنو ممكن ديري باش تنقذي زواجك أ علياء.....
ماقاطعهوم من كلامهم غير نورية لي دخلات.....
نورية: أنسة كاميليا الحاجة طلبات تشوفك....
كاميليا: وخا غانجي...
شافت كاميليا فعلياء نظرة تحدي كتعلن عليها الحرب خلات علياء تشوف فيها بنظرة مماثلة قوية كأنها مستاعدة لهاد الحرب....هي قادرة تحارب على قبل باش تفوز فالأخير....
خرجات كاميليا وخلات نورية كتشوف فعلياء لي جلسات على حافة السرير منهارة القوى.... قوتها لي كانت كتبين كلها نهارت......ولكن غادي تحارب وتبين للكل بلي هي ماشي ضعيفة....... هي قوية في الحب..
تقدمات عندها نورية كتشوف فيها بنظرة عطف باغا تواسيها وتحن عليها.... تشد فيديها وتقوليها نتي قدها... نتي قد هاد الحرب....
نورية: واش نتي بخير....
علياء هزات راسها ونطقات بصوت ضعيف....
علياء: ماشي بخير..... الأمور بدات كتعقد أ نورية...
نورية: علاش أشنو واقع ؟
علياء: هو ماشي ديالي....(حسات بالدوخة) بغيت ننعس..... خليني بوحدي...
تمددات فوق الفراش وغطاتها نورية وخرجات مخلياها في دوامة تفكير لا محدودة..... 👑
#يتـ___بع.... 🔥
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
