إنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣
أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
👑علياء في قبضة الأسد👑 بقلم #رباب نجمة☆ ومروى# الجزء 32: ضارت بفزع فاش حسات بملمس رجولي على كتافها... ريتاج: هذا نت.. خلعتيني.. مراد: وشكون يسحابليك.. ريتاج: سحابلي علياء.. مراد: ماخفتيش يضربك البرد.. ريتاج: البرد ساهل حالو.. (بسمات) ضربة الحب لي صعيبة.. مراد: هي مجرباها.. ريتاج: تقريبا.. مراد: بمعنى؟.. ريتاج(قلبات وجها كتشوف لبعيد): المعنى واضح غير إلا مابغيتيش تفهم.. مراد: احم عندي ليك شي هضرة.. ريتاج: شنو بغيتي تقول كنسمعك.. مراد(بتوتر): المهم أنا احم.. ريتاج(تقابلات معاه): مالك نت.. مراد: حتا أنا وقعلي بحالك.. ريتاج: أشنو وقعليك.. مراد: وقعت فالحب.. أنا كنبغي.... جمعات حجبانها كتحاول تظبط نفسها ولكن الغضب تمكن منها.. قاطعاتو وبدات كتضرب فيه.. ريتاج: كيفاش وقعتي فالحب كفاش هااا كفاش وليتي كتبغي.. مافهمتش ... واااش كنبانليك أنا مونيكة ها لعبة أنا تلعب بيا فوق ما بغيتي... هئ هئ علاش كدير فيا هكا علاش... طاحت فالأرض كتبكي عيات تجمع فقلبها ودبا نفاجرات باكية... قرب منها حاضنها رغم امتناعها.. مراد: ولكن نتي ماسولتينيش شكون كنبغي.. ريتاج: هئ هئ ومزال باغيني نعرف شكون هادي... أنا كنتعذب واش ماحاسش بيا أنا كنبغيك أمراد.. مراد: وأنا كنحماق عليك وعلى هاد العوينات لي مانبغيش نشوف دمعة منهم... ريتاج(وسعات عينيها): كفاش ؟ #عند_علياء❣️ تمشات في الغابة ورجليها ضروها حاسة براسها فوسط متاهة واحلة وماقادراش تخرج.. سمعات الحس جاي من الأمام وحس الخطاوي غادي وكيقرب... حمارت بالخوف والظفرة تخسرات وتطلقات وخصلاتها لسقوا على وجهها... بدلات اتجاهها غادا كتجري هاربة وخايفة خصها ضروري تهرب من هاد البلاصة....لكن صاحب الصوت كان السباق وجرها ..هو واقف أمامها وهي أمامو وسط الشجر... طرشها بقوة طرشة دوخاتها وزادها الثانية... لكن دغيا هربات منو كتجري وكتقلب فين تخبا.... حتى جات مزدوحة فالأرض وهو فوق منها... لالا مايمكنش... حلات عينيها على وسعهم وصوت أنفاسهم بجوج هو لي كيتسمع... سدات عينيها وعاودات حلاتهم كترمش وتعاود.. حركات راسها بامتناع.. وبصوت خافت خارج من شنايفها الحمرين والمتورمين بسبب قبلة الصباح... علياء: هذا نت !! لا مايمكنش.. ضحك بصوت مسموع كيعبر ليها على عدم رضاه وعلى الشمتة لي ختارقاتو... أسد: شنو قاليك داك العقل عندك.. زعما باغا تهربي مني.. (هضر بهمس) من راجلك.. (ورجع تكلم بحدة وبعيون كيخرج منهم الشرار... بنظرات قاسية) وخا تهربي مني وتمشي لأخر الدنيا نجيبك نجيبك... عرفتي علاش.. (غوت حتى قفزات) جااااوبي...
حركات راسها بخوف بمعنى لا.. أسد(بابتسامة شريرة): حيت أنا قدرك... والإنسان مجبور يواجه قدرو... روح علياء قربات تزهق وتنفسها مابقاش منتاظم بدات كتركل تحت منو وكتحاول تتنفس بالجهد... شيء لي خلاه يخاف عليها... وندم حيت خلعها ولكن هي السبب علاش باغا تهرب منو أشنو الذنب لي ارتكب ...فاش غلط معها... هز الصاك لي كان مليوح حداها وبدا كيقلب على الرابوز حتى لقاه وداروليها حتى رتاحت وتنفسات براحة... أسد: هادشي لي كيوقع للي كيخالف هضرتي... هزها بين ذراعوا وتكلم... أسد: مزال ماساليناش...
#في____الڤيلا🌹 كانت نورية كتنقل فالجردة بين الشجيرات والنباتات بحال شي فراشة بحجابها المستور لي عاطيها جمال خاص... هزات بين يديها غرس فيه زهور جميلة كتشمهم بسعادة... راجعة للوراء حتى اصطادمات بشي حاجة كانت غاتجي فالأرض لولا الأيدي الخشنة لي تمسكوا بيها وماخلاوهاش طيح... طلاقاو العيون والوقت توقف... رجعات نورية لوضعيتها واقفة كتشوف فالغرس لي بين يديها... وكتهضر مع الرجل لي قدامها.. نورية(بابتسامة): الحمد لله ماوقع ليه والو..(هزات راسها فيه) سمحليا وقيلة أنا لي مني الخطأ.. إياد: لا ماشي مشكل الدنيا هانية..(حرك يدو على لحيتو) صباح واعر هذا لي شفت فيه هاد الزين.. نورية: سمحليا ماقدرتش نفهمك.. ماركزتش مزيان مع كلامك الأخير.. إياد: هه أصلا ماشي مهم... نتي هي لي مكلفة بالجردة؟.. نورية: آه تماما..ونت؟.. إياد: أنا أخ أسد... (مد يديه) سميتي إياد.. نورية(صافحاتو): وأنا نورية.. إياد: اسم غزال بحالك.. نورية: ربي يخليك أ سيدي.. إياد: بلاش من ديك سيدي عيطيلي غير بإياد.. وخا.. نورية: وخا... صونا لإياد التلفون وجاوب قدامها.. إياد: ألو زين... آه اوكي نطلاقاو عندي فالدار... صافي غانجيبهم... بيزو...
قلبات نورية وجها ونطقات بينها وبين راسها.. نورية: بايلي هذا سوقو خاوي... بو بنيتات مفشش عكس خوه.. إياد(بغمزة): إوا ماتعطينيش نمرتك.. خنزرات فيه وابتاسمات ابتسامة صفرة... نورية: ماعنديش التليفون.. إياد: ها ؟ مايمكنش.. نورية: سمحليا خصني نكمل شغلي.. إياد: وخا خودي راحتك.. تمشات مبعدة منو هو لي تكلم بخفوت.. إياد: كيعجبوني البنات القويصحات بحالك... نجيبك نجيبك أنورية ⭐️.. خرجات علياء من الحمام لابسة كسوة بلون الغراب.. قصيرة ولاسقة عليها دايرة مكياج غامق مبينها أكبر سنا كأنها ماشي هي ديك المراهقة لي كانت هاربة من أسدها عاد قبيلة... حتى تحلات الباب وقفزات معها.... #يتبع..🚨🚨🚨الحاضر يعلم الغايب تتمة الأجزاء بعد 50 جيم ماشي تقراو وتهربوا... التفاعل مات يلاه شجعوني وكملوا 50 فهاد البارتي + إشهاراتكم هما لي غايوصلوا التفاعل وخا ديرو غير جوج بنات..💕💕💕💓
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
