علياء في قبضة الأسد

|22|

👑عـلـيـاء في قبضة الـأسـد 👑
بقلم #رباب نجمة ومروى#
الجزء 22:

في العرس...❤

ريتاج تفوهات بعينين نايمين... عيات والأجواء جابوليها الملل... خاصة فاش عرفات بلي أسد دا مراتو وزاد..
طلعات عينيها فمراد لي كان ساهي فنقطة بعيدة تفكيرو بعيد على هاد العرس... رجعات نظراتها لواحد البنت جميلة بقوام مغري... كانت كتستعرض مفاتينها قدام الكل بمهارة عالية فالرقص... من حين لأخر كتحصلها كتشوف فمراد بلاما تبعد عينيها أو تحشم...

الأجواء زوينة...والعروسة فرحانة كضحك وتشير بيديها وراجلها كيبتاسم ويشوف فيها بانبهار... تمنات تكون هي ومراد فبلاصتهم ويعيشو نفس الموقف.. عجباتها الأجواء أكثر أو وقفات كتسفق بطلتها الجميلة وكلشي كيشوف فيها باعجاب ماعدى نظرات ديك الجميلة لي كانت كترمقها بغيرة وحسد....
دار عندها مراد ونطق بحب..
وبنبرة دافئة...
مراد: ريتاج عييتي ؟
دارت ريتاج شافت فيه...هزات راسها بالإيجاب ونطقات..
ريتاج: آه خلينا نمشيو..
مراد: وخا يلاه...

تمشات بجنبو ميلة راسها عليه عينيها نايمين ماقادراش توقف على رجليها... حتى قربو للوطو... وهو يقاطعهم صوت أنثوي...

حُسنى: بلاتي أسيدي راك نسيتي التليفون ديالك...

هزات ريتاج راسها والنعاس طار منها شافت فيها بغيرة وغضب غالب على ملامحها..
خطفات من عندها التليفون ونطقات...
ريتاج: يلاه رجعي بحالك..
حُسنى(بميوعة): شناهواا ختشي واقلة مكايناش شكرا فبلادكم...
ريتاج: وعلاش بالسلامة غانقول شكرا ياكما جبتيلي كادو فعيد ميلادي...
حُسنى: نجيبلك السم ان شاء الله...زايدون نتي شدخلك أنا دويت مع السيد...
ريتاج: السيد مكايدويش مع النساء أ حبيبة وأصلا أنا مراتو وهاني جاوبتك....يلاه دگي من قدامي لا داك السم لي نطقتي بيه غانعصرو ليك فعينيك..

مراد جر ريتاج مطلعها للوطو مخليين ديك البنت غادي طرطق مصدومة من كلمة مراتو... أما مراد لايقل عنها صدمة تاهو مصدوم....
مراد: علاش تصرفتي هكا.. السيدة مادارت غير الخير..
ريتاج: الخير ديرو فراسها وتمشي تبعد عليك..
مراد: مالكي معها مافهمتكش..
ريتاج: اصلا نت مكتفهم والو..

سكت مراد ماجاوبهاش فحين هي عاد طلعات معها..
شدات فيديه ونطقات..
ريتاج: سمحليا ماقصدت حتا حاجة...
شاف فيديها لي على يديه ورجع ركز مع الطريق واقف فالجنب..
مراد: شنو عندك أريتاج؟
ريتاج(حنات عينيها ونطقات بدون وعي): غرت عليك..
مراد(بمشاكسة): ههه من ديما نتي هكا مكتحمليش لي يسرق منك أصدقائك..
رفعات عينيها فيه وتكلمات..
ريتاج: لا دبا الأمور مختلفة..
مراد: كفاش؟

في الڤيلا..❤
كانت ناعسة بحال شي ملاك بعد ماشافها الطبيب.. يديها مرخيين...لابسة فستان أحمر ضافها سحر وجمالية من نوع خاص...

كان كيراقبها بهدوء وبدون ملل.. واضع يديه فجيبو...قرب منها وباسها فجبتها بحب... عاد بعد وحك رقبتو بتعب خارج من الغرفة... هبط للطابق السفلي كيسرح عينيه فالمكان.....داخل للمطبخ يوجد ليها صوبة صحية... ويرجع يتكلم معها حيت فعلا نفاعل وزاد فيه بلا قياس...
شاف فالهاتف ديالو لي كان كيصوني بإسم إياد..
جاوب بملامح قاسية.. والغضب مالي عينيه السود..
إياد: السيد ماخليتيش فيه عظم صحيح... راه بين الحياة والموت...
أسد: كنتمناليه الموت من أعماق قلبي حيت الا نطحت فيه غادي نقتلو..
إياد: برد أعصابك شوية أصاحبي هكا كتعقدها عليك..
أسد: باز لبرودة دمك والهدوء لي فيك..
إياد: باز ليك نت على هاد العصبية الزايدة..
أسد: يلاه تلاح عليا بلا كثرة الكلام ورد البال معاك لختك أنا مكاينش فالدار....
إياد: وخا بسلامة..

اهتزت تفاحة آدم لي فعنقو وطلع بسرعة للغرفة كيحسب الخطاوي فور ماسمع غواتها....
دخل عليها ولقاها كتهلوس وسط نعاسها أكيد شي حلم خايب...

#يتبع..