علياء في قبضة الأسد

|54|

👑عـلـيـاء في قبضة الـأسـد👑

بقلم: رباب نجمة⭐ومروى.

           💎الجزء54💎

أدهم: مكنظنش يكون كلامك صحيح... حيت إلا كان بصح غادي تكون صدفة غريبة...

ابتاسمات نورية وعينيها لمعوا...
نورية: غادي تكون أحسن صدفة..

رتب أيهم على كتفها ونطق...
أدهم: يكون خير أنورية...هادشي فخبار ختي عائشة...
نورية: لا ماقلت لماما والو...مابغيتش نعطيها آمال حتى نتأكد....
أدهم: الله معاك...
نورية: شكرا بزاف...
أدهم: غادي نخليك دبا خصني نمشي...
نورية: مزال ماكملتي حتى كاسك ديال أتاي وزايدون ماما مزال ماجات غادي تفرح بشوفتك....
أدهم: مرة اخرى انورية أيام الله مزال طويلة نجي أنا وخالتك...
نورية: وخا صافي....بلاتي نجيبلك شي مسيمنات ديهم لخالتي عارفاها كتوحم ههه...
ادهم: وخا سيري...

مشات نورية جابت طاسة فيها الملاوي وعطاتهم ليه...
نورية: بلغ سلامي لخالتي والدراري...
أدهم: مبلغ تا نتي سلمي على ختي عائشة...
نورية: يوصل....

مشا أدهم وبقات نورية كتشوف فيه حتى مشا... بغات تدخل وتسد الباب حتى حسات بشي واحد دفع الباب ودخل معها... غوتات بالجهد حتى حط يدو على فمها مسكتها.... وسعات عينيها بصدمة وهي كتشوف فإياد لي مكاليها مع الحيط وأجسادهم داخلة فبعضياتها....

إياد(بهمس): غادي نحيد يدي اوك ولكن ماتغوتيش وخا؟

هزات راسها بالإيجاب وقبل مايحيد يدو كانو سنانها سباقين... غرزاتهم فيديه....

إياد(بألم): واش جهلتي....أشنو درتي...
نورية: نت لي شنو درتي علاش مهجم عليا هكا شنو باغي عندي...
إياد: باغي ندوي معك...
نورية: ماعندنا فاش ندويو أنا وياك...
إياد(بهمس قرب لاوجها): نورية بليز....

خلاها تحل عينيها بلا شعور نطقات...
نورية: وخا احم ولكن دغيا...
إياد: بغيتك....
نورية: شنو...
إياد: بغيتك أنورية ديالي... باغيك من أول مرة شفتك... نتي بنت مختلفة على لي عرفت... نتي الوحيدة لي دقليك قلبي وبغاك... كنبغيك بزااف وبغيت علاقتنا تكون جدية....

بقات نورية مصدومة كتشوف فيه ماعرفات باش تنطق..
نورية: ولكن.....

قاطعها حاط صبعو على فمها وكيشوف فيها بطريقة مغرية...
إياد: ش‘وو‘ت ماتقولي والو دبا فكري فإقتراحي وعاد جاوبيني....

حل الباب وخرج مخليها فصدمة مافاهماش هاد التحول الفجائي ديال هاد الرجل...

أما هو غير خرج وضحك بخبث...
إياد: غادي نوريك أزوينة كيفاش تهزي يديك على سيادك...

#يتبع....