👑عـلـيـاء في قبضة الأسـد👑
الــفـــصـــل الـثــانــي: طـــغـــيـــان أنــــثــــى🔥
بأنامل: ربــاب نــجـمــة.
🍭الجزء 74:
تقدمات علياء ناحيتهم كتمايل بجسمها المنحوت ولي زاد فالوزن على قبل..... قربات من الحاجة مادا يديها ليديها وحنات باستهم..... خلات الحاجة تهرب يديها وتنطق....
الحاجة: لواه أبنتي الله يرضي عليك....
كأن علياء كتحاول تخلي اللعبة تمشي لصالحها.....
ابتاسمات ليها علياء وقربات من ريتاج معنقاها.....
بعدات غادا بإتجاه أسد مقبلاه فخدو بشغف وحب وحاضناه بقوة وتملك......
شافت فنورية لي كانت فحالة ذهول وعدم فهم.... نطقات بتلعثم....
نورية: كك فااش ها هادشي....
علياء: ماشي حلم أنورية غير تعودي على الوضع....أنا رجعت لداري وراجلي.....
وركات على ديك راجلي بقوة.....
تكلمات الحاجة كاسرة داك الجو المكهرب....
الحاجة: غادي تكوني عيانة أعلياء خلي لمن بعد ونفهموا منك أشنو وقع.....
ضحكات علياء بهدوء وردات عليها بلطافة....
علياء: رتاحيت فاش شفت حبيبي.....
شافت فأسد ماسكة يديه الكبار بين يديداتها....
علياء: خلينا نطلعوا لبيتنا.....
ابتسم ليها أسد وطلعوا لغرفتهم....
في___الغرفة.....
دخلات للغرفة ديالها لي ماتبدلاتش بزاف كيف خلاتها مزالة من غير بعض الديكورات لي تزادوا......
حسات بيديه حاوطوا خصرها النحيف المغري ونطق فودنيها وأنفاسوا كضرب فعنقها كتخليها ترتاعش....
أسد: علياء بديتي كتصدمي حبيبك.....
ضحكات علياء وكتقول فخاطرها.... نت صدمتيني الأول وجا دوري دبا......
ضارت عندو وحاوطات عنقو معلقة فيه وشافت فعينيه ورجعات شافت فشفايفو كتعض على شفايفها بإغراء....
علياء: ومزال ماشفتي والو أحبيبي.....
قرب منها باغي يتذوق طعم شفايفها لكن كانت رجعات اللور بإمتناع ناطقة.....
علياء: عندي شرط إلى بغيتي تذوق الشهد.....
ضحك ناطق ماقادرش يصبر....
أسد: شنو تأمريني أنور عيني.....
علياء: بغيت نخدم....
وسع عينيه من طلبها ونطق بإمتناع....
أسد: ياك انا موفر لحبيبتي لي بغات....شنو ماطلبتي نجيبوليك حتى لعندك أزين ديالي..... مغانتحملش تبعدي عليا وتعطي وقت للخدمة أكثر مني....
دلات شفايفها بأنوثة.... وقربات كتلعب فلحيتو الكثيفة....
علياء: إوا حتى دبا نفذ طلبي بليييز أحياتي ماشي صعيبة عليك والخدمة لي بغيت ساهلة ومغاتاخدنيش منك.....
هز حاجبو بتساؤل كيرمقها بنظرات إستفهام....
أسد: شنو هي هاد الخدمة......
علياء: بغيت نخدم مع شركة غاندير معهم إشهار لمواد التجميل لمدة ثلاث أشهر..... عرض زوين ومربح..... وغانقدر نبدل الجو.... بليز ماترفضش ليا طلبي....
أسد: مغانواعدك بحتى حاجة غانفكر فالموضوع ونرد عليك يالي محيراني......
قربات منو واضعة قبلة دافئة على عنقو....
علياء: كنموت فيك أحياتي..
أسد: وأنا كنتسطى على عينيك.....
دلات شفايفها مرة أخرى متصنعة الحزن والتقليقة....
علياء: هننن صافي غير عينيا....
ضحك واضع يديه على صدرها ونقلهم لمؤخرتها..... نطق عاض على شفايفو بإثارة......
اسد: وعلى هاد التفيفيحات الصغار وحتى على هاد الطرمة.... بلا هاداك راكي عارفة......
ضرباتو ضربة خفيفة لصدرو ناطقة بدلال.....
علياء: ياه على منحرف هادشي لي عاجبك فيا.....
أسد: غير كنضحك معك أقلبي.... لي عجبني فيك براءتك وهدوءك وسكاتك لي كيعصب شي خطرات....شفايفك لي كيسكروني وكيجهلو مي عليك.....
قرب منها عاض شفايفها بشوية وبدا كيقبل فيهم بحب وكملوا ليلتهم على داك الحال في تلاحم الأجساد والأرواح وكان الحب هو أنيسهم فديك الليلة لي كتعلن على بداية موسم جديد وحرب جديدة.... و ولادة علياء أخرى بل أنثى طاغية......
#طغيان_أنثى....
#يتبع.......
أنت تقرأ
علياء في قبضة الأسد
عاطفيةإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
