👑عـلـيـاء في قبضة الـأسـد👑
بقلم: رباب نجمة☆ وَمروى.
💎الجزء 45💎
أسد: ولكن ضروري مانلعب شوية مع علياء وكاميليا..
إياد: ماتقوليش ناوي تحارب علياء بسلاح الغيرة...
اكتفى أسد أنه يحرك راسو بالإيجاب وهو كيشرب من قهوتو بالثقالة... فحين نطق إياد...
إياد: واش نت متأكد عنداك تكون كاميليا هي سباب فراقكم...
أسد: بالعكس غادي تكون سبب فأنها تخلي علياء تعتارف بحبها ليا...
دور إياد راسو لجهة النافذة الزجاجية وحرك راسو...
إياد: يا خوفي على علياء من كاميليا...
عند___كاميليا 🖤
حلات عينيها بصعوبة ماساخياش تفيق دوزات ليلة طويلة وصعيبة ولكن خلاتها تحس بالفرحة وهي بين يدين الرجل لي عشقاتو من أول لقاء ليها معاه... مكيهمش شكون هو ولا شنو مستواه ولا الطبقة لي كينتامي ليها... أهم حاجة عجباتها فيه هي رجولتو وأنه هو الرجل لي حرك شعور جديد فيها ❣️
رمات يديها على الجهة الأخرى من السرير لكن ماكانش فيها...تجلسات مخلوعة..
كاميليا: هذا فين مشا ؟
وقفات كتلبس البينوار ديالها وكتجمع شعرها الأسود الطويل حتى لمحات رسالة معلقة في المرآة... مشات ليها بسرعة وجراتها كتقراها بصوت مسموع...
كاميليا: "غادي ننسى شنو طرى بيناتنا البارح وأكيد مغاديش ننسى شكون أنا وشنو هي مكانتي.... سائقك الوسيم ينتظرك"
ضحكات بصوت مسموع وعينيها مدمعين....حاسة براسها رخيصة، كفاش هي سلماتو راسها وفالأخير يجاوبها بهاد الطريقة...
تكلمات مغززة على سنانها...
كاميليا: نت ديالي، ماشي بهاد السهولة غادي تنسى شنو وقع بيناتنا....كاميليا مستحيل تخليك تنسى.....
دخلات للحمام دوشات ولبسات حوايجها(في الصورة) وخرجات عندو كتمشى بكل أنوثة شافت فيه بتعالي ونطقات..
كاميليا: ڤيلا****
فتح ليها باب السيارة طلعات اللور... وهو اتجه للمقعد ديالو... طول الطريق وهي كتشوف فالشوارع من النافذة أما هو فكان مراقبها من المرآة متعجب كفاش مانطقات بحتى حرف....
وصلوا أخيرا لڤيلا أسد ونزلات بلاما تعبرو وتمشات بكل رقي....دخلات للڤيلا واستقبلاتها دادا بترحيب كبير.... جلسوا فالصالة كيتجمعوا ويضحكوا....
دادا: توحشتك أبنتي...
كاميليا: حتى أنا أخالتي ربي لي عالم...
دادا: عليها كتسولي فيا من نهار مشيتي ماتاصلتي...
كاميليا: اوا راكي عارفة غير مع الخدمة مكانساليش ودبا باقيلي 4أيام ونرجع لفرنسا مزال عندي جلسة تصوير مهمة...
دادا: لا ماتقوليهاش غادي ترجعي بهاد السرعة على هاد الحساب الخدمة مكاتساليش أبنتي...
كاميليا: إوا شغادي نديروا...
(ضورات كاميليا عينيها فالأرجاء وتكلمات)
كاميليا: سمعت بلي أسد تزوج فيناهي عروستو مابانتش ليا..
دادا: غير سكتي أبنتي كيتها فقلبي كتحرق...
كاميليا: علاش أخالتي ياك لاباس...
دادا: كنت متمنيالو وحدة بحالك غزالة وبنت أصل... ماشي وحدة ماعارفين عليها لا أصلها ولا فصلها...
كاميليا: إوا الحب مايشاور أ الحاجة ههه...
دادا: حيدي عليا شمن حب...
خلينا منهم (قربات منها) تبارك الله عليك كبرتي وزيانيتي بقا خاصك غا الراجل هه...
كاميليا نيشان جا فبالها غسان(السائق)...
كاميليا: قريب إن شاء الله خص غير نلقاه ويرضى بيا...
دادا فسراتها أنها كتمعني على أسد...
دادا: علاش شكون مايرضاش بهاد الزين كامل...
كاميليا: الله يكبر بيك أخالتي...
كانت دايزة نورية من حداهم هازة فيديها غريس...حتى وقفاتها دادا....
دادا: بنتي الله يخليك ممكن تكلمي معاك ريتاج ومرات أسد...
نورية: وخا هي اللولة أ الحاجة...
بقات كاميليا كتسنى تشوف شكون هي هاد الفتاة لي خلات أسد يتزوج بيها حتى لمحاتها هابطة بكل رقي وأدب أقل مايمكن القول عليها أنها فاتنة وصغيرة....قربات علياء مشادة مع ريتاج وجلسوا بجنبهم فالصالة فحين الخادمة جابتليهم القهوة...
ريتاج: مالكي أ دادا علاش معيطالينا...
دادا(خنزرات فيها وشافت فعلياء): من الصواب والأداب الناس كيسلموا على الضياف ويرحبوا بيهم...
ريتاج(قلبات عينيها): اوا أ دادا كاميليا ماشي ضيفة باش نرحبوا بيها...
كاميليا(بإبتسامة كتشوف فعلياء): هادي هي عروسة أسد...
هزات علياء فيها عينيها ونطقات بخجل...
علياء: آه سميتي علياء..
كاميليا(بإعجاب): تبارك الله غزالة وحتى سميتك فنة...
علياء: شكرا ربي يخليك أختي..
كاميليا: سميتي كاميليا وممكن تعيطيلي كامي...
علياء(تذكرات علياء ان هذا نفس الاسم لي ذكرات دادا فاش كانت كتناقش مع أسد على زواجو منها ونطقات بارتجاف): متشرفين...
قربات ريتاج من علياء ونطقات بهمس...
ريتاج: ردي بالك منها راها لفعة وخا ضحكليك فوجهك غير تعطيها ظهرك تغدر بيك...
تخلعات علياء وقلبها بدا
كيضرب...أشنو جاب هادي لهاد الڤيلا..... واش فعلا باغا تدخل عروسة ثانية لهنا تاخد بلاصتها وتخرب زواجها....لا مستحيل تخلي هادشي يوقع....
#يتـ__ـبع... 💛 🥰❤ خليو نجيمات في هاد الجزء و خليو أراؤكم ودعوة خير
أنت تقرأ
علياء في قبضة الأسد
Romanceإنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣 أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
