إنتباااااه عاااااااااجل عاااااااجل إنتباااااااه❌ 🔥جيت أو جبت ليكوم معايا قصة لي كنعتابرها قنبلة الموسم #علياء_في_قبضة_الأسد 💣
أنا صاحبة القصص التالية: أحبني مراهق، سعد البايرات، ملاك_بذنوب_لا_تغفر، علياء في قبضة الأسد، قيامة تنهار (بجزأيها: حبك أض...
كانت الڤيلا مزينة على غير العادة... النفاخات والورد في كل مكان..... فوسط لابيسين كان الورد الأحمر مشكل قلب كبير..... و الطاولات ماليين الجردة... أما لداخل كان كلشي خدام على رجل وحدة... الخدم كينفذو الأوامر ......باش يكون كلشي على حقو وطريقو..... دخلات الحاجة للمطبخ بقفطانها الأزرق المرصع بالأحجار... وتكلمات بتوتر.... الحاجة: نتمنى يكون كلشي واجد في الوقت!!! ؟ مانبغي تا غلط.. رئيسة الخدم: كوني هانية ألالة....
خرجات من المطبخ وطلعات لفوق.... دخلات للغرفة تما فين لقات البنات مجموعين.... كانت علياء جالسة بحال شي أميرة لابسة قفطان أخضر جميل.... بماكياج ثقيل.... بمشيطة دالعرايسات زوينة... كانت النگافة كتدير اللمسات الأخيرة وانتهت بمجرد وضعها للتاج فوق راس علياء... خلا صورة اميرة جميلة تكتامل.... في حين كانت ريتاج بجنبها لابسة قفطان أحمر ملكي لا يقل جمال على قفطان علياء... دايرة ماكياج ثقيل... ودايرة مشيطة مختالفة على علياء وبدورها واضعة تاج.... أما نورية كانت كتشوف فختها بحب لابسة كسوة طويلة فالأزرق وواضعة حجايها بنفس اللون... تقدمات الحاجة من مدام عائشة ولي هي أم علياء ونورية ...كانت لابسة قفطان خضر ودايرة زيف فالأصفر كيلمع بالبرييو... الحاجة: أخيرا غانفرحوا بوليداتنا أ مدام عائشة... عائشة: معلوم أنا فرحانة بزاف... منين عشت حتى كتابلي نحضر لعرس بنتي الصغيرة... الحاجة: ومزال يكتابلك تشوفي ولادها ان شاء الله... عائشة: ان شاء الله كانت فكرة زوينة منين دارو عرس واحد هي وريتاج... الحاجة: اه غادي يكون عرس مطرطق بإذن الله.... عائشة(بابتسامة): ان شاء الله...عقبال لنورية وإياد... الحاجة: نفرحوا بيهم فالقريب...
أما نورية نزلات راسها حشمانة غير سمعاتهم هضروا عليها هي و إياد...
سلاو الخدم التجهيزات وكذلك العروسات لي جاو بحال الأميرات... نزلوهم النگافات بالصلاة والسلام.. لعند عرسانهم لي كانوا متشوقين وفرحانين بهاد اللحظات لي كتكون مرة فالعمر..... برزوا العروسات حدا رجالاتهم....
قرب مراد لعروستو وهمسليها فوذنها... مراد: كتحمقي أ ريتاج..
حدرات راسها غارقة فحوايجها وتكلمات.... ريتاج: أنا فرحانة بزاف.... مراد: حتى أنا....
أما أسد قرب منها بايس على راسها... أسد: عمرني كنت نتوقع شي نهار نطيح فغرامك أ علياء ولكن ماصدقتش فاش عرفت بلي طحت قبل ما نتوقع... كنبغيك... علياء: وأنا لي كنت خايفة من القبضة ديالك..كنت باغا نفلت منها ونهرب بعيد عليك ولكن دبا كلشي تبدل وليت باغا نغرق كثر وكثر فغرامك عمرك ماتفلتني من القبضة ديالك أ أسد....
ابتسم أسد إثر كلامها ونطق بهمس... أسد: عـلـيـاء في قبضة الـأسد....
مروى: رباب واش صافي هادي هي النهاية... 😔 رباب: لا أصاحبتي هادي غاتكون بداية لحياة جديدة بأحداث زوينة إن شاء الله... مروى: على الله يكونوا القارئات استمتعوا بالقصة... رباب: هادشي لي كنتمناو... 🥰
كنتم مع الفصل الأول من قصة #عـلـيـاء في قبضة الأسـد...بقلم: رباب نجمة ومروى.🥰 نتمنى تكون عجباتكم... ماتنساوش تخليو آراؤكم ونطلاقاو فالفصل الثاني من القصة إن شاء الله....❣️
#النهاية.👑 الفصل الأول 💣✨🔥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
