علياء في قبضة الأسد

|10|

👑 عـلـيـاء في قبضة الـأسـد 👑
بقلم #رباب نجمة ومروى#
الجزء العاشر:

#عند___عـلـيـاء❤

حسات بالباب كيتحل مصدر صوت مزعج بفعل تلامسو مع الأرضية الخشبية.. بان قدامها ببنيتو الضخمة مقرب منها بخطوات متوازنة ومخيفة بالنسبة ليها.. تجلسات على السرير بخجل وتوتر.. كتسنى فيه يوصل عندها..

ما إن وصل حتى تحنى عندها ونطق بمكر..
أسـد: أش باليك نكملو داكشي لي بديناه؟
هزات عينيها فيه ورجعات حناتهم بخجل..فحين هو رجع كمل كلامو بنبرة هامسة..
أسـد: مراتي كتحشم مني!!
عـليـاء (لا رد)
أسـد: واش تقطع لسانك.. علاش مكتهضريش..

جنناتو بسكوتها وعدم تجاوبها معاه..
أسَد: تكلمي..قولي شي حاجة..
هزات عينيها فيه ونطقات بغضب..
عـلـيـاء: كنكرهك..

تبسم بفقصة عاض على سنانو.. ماتصدمش بزاف من كرهها ليه.. ما هو شيء عادي.. نطق بهدوء وبشر واضح..
أسـد: مازال مادرتش علاش تكرهيني حتافظي بهاد الكلمة لمن بعد الغزالة..

قرب منها كثر وهي مبعدة.. نطقات بخوف..
عـلـيـاء: نت شنو كدير..
أسـد: غادي نخليك تكرهيني كثر وكثر..

بدات كتبكي بالجهد وكطلبو..
عـلـيـاء: بعد مني عفاك.. ماتقربش كثر أنا مادرتليك والو وأصلا مكانكرهكش.. علاش غانكرهك غير بعد..
أسـد: صافي غير سكتي..

بعد منها ولعن الشيطان وخرج برى زادح الباب..
علاش تأثر ببكائها ومنع راسو يقيسها وخا حتا راجل مايصبر قدام جمالها وبراءتها..

تمشى لتحت وهو يطلاقا بمراد...
مراد: السلام سيدي طلبتيني نجي لعندك..
أسـد: آه بغيتك تجيب ختي من فاس نت عارف بسباب العملية لي دارت مكتقدرش تسوگ حتى تبرى.. مانقدرش نأمن على ختي إلا معك أ مراد..
مراد: كون هاني أسيدي هي اللولة..
أسـد: نعول عليك..
مراد: معلوم..

مشا مراد وهو كيفكر فيها معقول ناوية ترجع لهنا.. كفاش غادي يتصرف معها واش يقدر يكبح مشاعرو قدامها... أكيد مغايقدرش.. هو كيبغيها ومتأكد بلي مكتبادلوش نفس الشعور أصلا شكون هو باش تبغيه.. خدام عند خوها وصافي..
كفاش غايقدر يتحمل قربها.. وعاد فاش غادي يجيبها وغايكونو بوحدهم.. جات فبالو شحال من مرة يخليها تبغيه ولكن هو عارف ومتأكد بلي شي حاجة مستحيلة..
"أن تحاول جعل شخص يحبك أمر عبثي تماماً كمحاولة أن تمنع نفسك من حب شخص ما".

#يتبع..