ភរិយាកុងត្រារបស់សាតាន

93-94

#ភរិយាកុងត្រារបស់សាតាន🥀

Episode:93-94

    ទំពាំងបាយជូរស្រស់ៗបេះថ្មីៗបានមកដល់ហើយអ្នកកម្លោះចាប់ផ្ដើមលាងសម្អាតរួចរាល់ក៏យកមកដាក់កញ្ច្រែងលើកមកឲ្យប្រពន្ធញាំុំនៅក្នុងបន្ទប់ទទួលភ្ញៀវ។
"រួចរាល់ហើយនាង នេះណាញាំុំលឿនៗទៅប្រយ័ត្នកូនឃ្លានខ្លាំងណាស់"

អាហ្វីចុចបិទទូរទស្សន៍ហើយក៏លូកយកទំពាំងបាយជូរញាំុំ នាងញាំុំដោយមានក្ដីសុខបំផុតព្រោះថាញាំុំលើកនេះគឺបានកូនពូជជួយ។

ទឺត!
"លោកម្ចាស់!ម្ចាស់នោះនណាមកហ្នឹង?"
"ចាំបងទៅមើលនាងនៅត្រង់នេះហើយ"
នាយ ប្រញាប់ក្រោកទៅមើល ក៏ឃើញថាលោកតាលោកយាយនិងអ្នកម៉ាក់គាត់អញ្ចើញមកលេងនាយក៏ប្លែកចិត្តបន្តិចដែរព្រោះលោកតាមិនដែរមកលេងនាយទេ តែថ្ងៃនេះស្រាប់តែឃើញវត្តមានរបស់លោកនៅទីនេះ។

'"អ្នកម៉ាក់លោកយាយជម្រាបសួរ?"
នាយលើកដៃជម្រាបសួរ តែលោកយាយជាមួយនិងអ្នកម៉ាក់ទេចំណែកលោកតាវិញនាយបែរជាធ្វើមើល
មិនឃើញ មូលហេតុយ៉ាងនេះទេគឺលោកតាមិនសូវចូលចិត្តប្រពន្ធរបស់នាយឡើយ...

ឌឿក!
"អូយ៎!លោកតាចៅឈឺណាស់"
នាយមិននិយាយរកតា លោកតាក៏យកឈើច្រត់មកវាយគូទនាយមួយផាច់ សង្ស័យតែជាំហើយក៏មិនដឹង។
"អាចៅជើងល្អណាប្រពន្ធឯង?"

នាយអត់មាត់ទេតែក៏ដើរនាំពួកគាត់ទាំងបីមកបន្ទប់ទទួលភ្ញៀវព្រោះ អាហ្វីកំពុងតែអង្គុយញាំុំផ្លែទំពាំងបាយជូរនៅទីនោះ។

"នាងមើលនេះ តើ អ្នកណាមក"
នាយស្រែកហៅស្រីតូចដែរអង្គុយកាន់ទំពាំងបាយជូរញាត់ចូលមាត់ទាំងរីកនោះ ឯមុខក៏ប្រលាក់ស្រម៉េស្រម៉ក់ថែមទៀតផង។
"អ៎ូ!អ្នកម៉ាក់ក្មេកលោកយាយ ..លោកតាជម្រាបសួរ?"

អាហ្វីឃើញពួកគាត់ហើយ នាងប្រញាប់ស្ទុះក្រោកឡើងលើកដៃសំពះទៅកាន់ពួកគាត់។
" មិនអីទេកូនៗអង្គុយសិនទៅណាកុំឈរយូរ ប្រយ័ត្នប៉ះពាល់ដល់កូន"
លោកយាយជាមួយម៉ាក់ក្មេងក៏ចូលមកទប់ចៅនិងកូនប្រសារឲ្យអង្គុយចុះវិញឯលោកតាវិញក៏សម្លឹងមើលជុំវិញបន្ទប់ទទួលភ្ញៀវទាំងមូល រួចគាត់ក៏និយាយទៅកាន់ចៅប្រុស៖