မင်းစိတ်နဲ့ပဲချည်ပါ မင်းစိတ်နဲ့ပဲမြဲပါ့မယ်(Completed)

00:16(uni ver)

"' Long nights, daydreams
(ရှည်လျားတဲ့ ညတွေ၊ စိတ်ကူးယဉ် အိပ်မက်တွေ)

Sugar and smoke rings, I've been a fool
(သကြားနဲ့ ဆေးလိပ်ငွေ့တွေကြား ငါအရူးတစ်ယောက်လိုဖြစ်နေပြီ)

But Strawberries and Cigarettes always taste like you
(ဒါပေမယ့်လည်း စတော်ဘယ်ရီနဲ့ စီးကရက်တွေကတော့ မင်းအနမ်းတွေလိုပဲ ချိုတယ်)

Headlights, on me
(ငါ့ခေါင်းထဲမှာလည်း)

Racing to 60, I've been a fool
(အတွေးပေါင်းများစွာနဲ့ အရူးလိုပဲ)

But Strawberries and Cigarettes always taste like you
(ဒါပေမယ့်လည်း စတော်ဘယ်ရီနဲ့ စီးကရက်တွေကတော့ မင်းအနမ်းတွေလိုပဲ ချိုတယ်)

Blue eyes, black jeans
(မျက်လုံးပြာတွေ၊ ဂျင်းအနက်တွေ)

Lighter and candy, I've been a fool
(မီးခြစ်နဲ့ သကြားလုံးတို့လို... ငါဟာရူးနေပြီပဲ)

But Strawberries and Cigarettes always taste like you
(ဒါပေမယ့်လည်း စတော်ဘယ်ရီနဲ့ စီးကရက်တွေကတော့ မင်းအနမ်းတွေလိုပဲ ချိုတယ်) "'
(Song Name- 'Strawberries and Cigarettes' by 'Troye Sivan' )

အခန်းထဲမှာ 'လွှမ်း' အသံ ချိုချိုသာ ပျံ့နေသည်။ အန်တီ'မြနန္ဒာ' နှင့် 'ဦးတေဇ'တို့က အောက်ထပ်၌သာ နေနေကြတာမို့ အပေါ်ဆုံးထပ်ရှိ 'လွှမ်း' ရဲ့အခန်းထဲ၌ 'ကွန်းခို' တို့လေးယောက်သာ၊

ကော်ဇောခင်းထားသည့် ကြမ်းပြင်ပေါ်သို့ စားပွဲပုလေးချကာ သူတို့တွေလည်း ကြမ်းပြင်၌သာ အဆင်ပြေသလိုထိုင်ဖြစ်ကြသည်။

စားစရာ အစုံနှင့် သောက်စရာအနည်းငယ်လည်း ပါသေးသည်။ သောက်စရာကိုတော့ 'ကိုမင်းတေဇ'က ဒိုင်ခံသောက်သည်။ 'လွှမ်း'နှင့် 'စိုပြေ'ကလည်း ခေသူ‌တွေမဟုတ်၊ 'ကွန်းခို'ကသာ ကိုယ့်အကြောင်း ကိုယ်သိသူမို့ အသာ‌ဘေးကပ်ထိုင်ကာ colaတွေချည်းသောက်နေမိသည်။

'လွှမ်း'က ဂစ်တာကို 'ကွန်းခို' လက်ထဲထည့်လာကာ

"သီချင်းဆိုပြ"

"ဟမ်? အာ...ငါ"

"ငြင်းလို့မရဘူး birthday giftတောင်းတာ"

'လွှမ်း' က ချည်ပြီးတုပ်ပြီး အပိုင်ပြောတော့ 'ကွန်းခို'မှာ ပြောစရာစကားတို့မရှိတော့၊

"ပေးပြီးပြီလေမနက်က၊ အဲ့တာကို ထပ်တောင်းနေတယ် လောဘကြီးလိုက်တာ"