SARAKI (The Accused Prince) ✅

PAGE 3️⃣

                         Page 3️⃣

__________________📖 jefa crackers ɗin take bakin ta yayinda hankalin ta gaba ɗaya ke kan moves ɗin jaruman.

Kwaɓe fuska tayi lokacin da aka haska scene ɗin da jarumi Amitabh bachan yake saka jaruma Rani Mukherjee a cikin ruwan sama, kan kace me se ga hawaye na zuba a fuskar ta, meenah da ta san haka ze faru ce ta riƙo ta jikin ta tana lallashin ta, juyowa ragowar sukayi, Hameedah, Surayya, da Maleeka sukayi suna sake comforting ɗin ta har tayi shiru, tagumi ta saka tana cigaba da kallon, ita ɗin me tausayi ce most especially ga masu nakasa da kuma talakawa, most of the times in tazo cinema se tayi kuka saboda tausayi, either na yadda wasu ke fama da talauci, yadda ake ciki zalin wasu ko rabuwar masoya kuma ba hakan ne ze Hana ta dawowa gobe ba.

"Yeeeeeeehhhhhh".  Ta buga tsalle tana ihu lokacin da jarumar ta kammala degree ɗin ta tana speech ranar convocation , gaba ɗaya ta ruɗa wajen da ihun ta da tsalle wai murna take, majority na occupants ɗin ji suke kamar su shaƙe ta dan takaici yayinda minority basu ko kalle ta ba dan sun saba da ihunta tun bare in tana kallon wrestling, yanzu zaka ji tana ihun "yauwa, dake shi, ɗaga shi ka buga shi, karka bari ya yarda kai, wayyo, tashi, yauwa kauce, ehen kai masa duka........" and many more of this.

Ɗaukar ledar crackers ɗin ta tayi ta nufi hanyar fita tana waƙe waƙen ta da suka zauna a bakin ta kai kace ita ce ta raira su, bin bayanta su Hameedah suka yi yayinda meenah ta ƙara sa suka jera suna tafiya har suka fita daga cikin ainahin cinema ɗin zuwa parking lot ɗin da ta ajiye motar ta.

Maza huɗu suka tarar tsaye jikin motoci ukun da tayi blocking saboda saurin da take yi, nufar motar ta tayi zata buɗe ɗayan ya sha gaban ta yana jifanta da wani ɗan iskan kallo, ɗagowa tayi itama tana masa kallon mamaki dan bata ma lura da cewa tai blocking ɗin su ba.

"Wace iriyar kidahum ce ke da Zaki blocking ɗin mu da wata gwanganin motar ki, ko baki da idanu ne da baki ga motocin mu ba lokacin da zaki yi parking?

Sakin baki tayi tana kallon shi jin wai ita yau wani useless being ya Sami bakin zagi, bata gama dawowa daga duniyar mamakin ba ta ga wani ya zo ya tsaya gefen wancan yana hararar ta kafin ya fara magana

"Kayi mamaki ne Haroon, kalle ta fa, da ganin su kaga ƴaƴan talakawa masu shegen buri da fafa, anje an aro kaya da mota an shigo cinema dan a sami wani me ɗan maiƙo a liƙe masa, bana tantama ta ga shigar mu shine bari tayi blocking ɗin mu dan tayi driving attention ɗin mu towards her, sedai bata san tayi a banza ba, mara hankali kawai".

Wani irin tafarfasa zuciyar ta ta fara a ƙirjin ta, inda sun mata magana cikin mutuntaka ita me basu haƙuri ce dan bata da wannan girman kan, sedai yanzu da suka biyo mata ta wannan hanyar zata gwada musu ainahin wacece Kisnah.

Sam be lura da intention ɗin ta ba se ƙarar marin da ya karaɗe gurin se ko raɗaɗin da ya ratsa kwanyar sa, kafin a ankara ta saukewa ɗayan ma nasa a kuncin sa, zaro idanu Hameedah tayi yayinda Meenah tayi hanzarin riƙe ta ganin tana aniyar ƙara marin wanda aka kira da Haroon, fincikewa tayi ta ƙarasa gaban ɗayan tana nuna shi da yatsa tace "inga uban da ya tsaya maka yau a garin nan in Kai ɗan halak ne".

Juyawa tayi da nufin wucewa ragowar biyun suka sha gabanta fuska a haɗe duk da cikin ransu fargaba ce cike dan basu san wane ɗiban albarkar zata yi musu ba su kuma.

Kamar wanda ya fita daga shock haka yayi firgigit yana kallon ta cikin tsantsar takaici da baƙin ciki
"Lallai yau se na yi maganin ki, se n ga uban da ya tsaya miki a garin nan".
Ya faɗa yana zaro dalleliyar wayar sa yayi danne danne na ƴan sakanni kana ya sa a kunnen sa.

"Ina buƙatar motar ƴan sanda biyu yanzun nan ciki har da mata, ina parking lot ɗin clear screen cinema".

Gyara tsayuwa Kisnah tayi tana sakin murmushi yayinda ragowar matasan biyu suke kwarzanta wanda yayi kiran
"Gaskiya Abeed ka nuna wa yarinyar nan ko waye kai in ba Haka ba ai ƙimar mu ta zube, ace har mace ta samu guts ɗin ɗaga hannu ta mareka, gaskiya this is so disgusting".