SARAKI (The Accused Prince) ✅

PAGE 2️⃣6️⃣

                           Page 2️⃣6️⃣

_________________________📖 Tare suka zauna a office ɗin suna ayyuka sedai ana kiran sallah ya dakata daga aikin da yake yi na bin record ɗin spendings na watan da ya wuce da ta nemi a kawo nata shine fa yake bin lissafin dan ganin ko daidai yake.

Da kallo ta bishi kafin ta kautar da kanta ta cigaba da shigar da bayanan da take cikin laptop ganin ya shiga toilet, be daɗe ba ya fito fuskar sa jiƙe da ruwa haka hannun rigar sa a nannaɗe yana ƙoƙarin saukar dashi da alama dai alwala yayi.

Ɗagowa tayi ta bishi da kallo jin fitowar sa sedai unfortunately idanuj ta ya sauka kan tsintsiyar hannun sa da yake ƙoƙarin sauke hannun rigar, wow kawai ta iya furtawa cikin ranta ganin yadda wasu kyawawan baƙin gashi suka kwakkwanta suka nannaɗe a jikin fatar hannun nasa, sosai ta kasa janye idanun ta kan hannun dan tana matuƙar son taga mutum na da gashin hannu da ƙafa, da sauri ta bi ƙafafun sa da kallo taga nan ma yana dashi ko kuwa sedai taga wandon sa a sake yake hakan yasa ta kuma maida kanta kan hannun nasa da ya gama sakin ɗaya ya koma ɗayan

Jikin shi ne ya bashi ana kallon sa dan haka ya ɗago dan yasan ita ce tun da su biyu ne a office ɗin, kanta kuwa ya sauke duban sa yaga yanda ta kafe hannun sa da kallo har bata ƙi ƙiftawa, sake bin trace ɗin in da take kallon yayi ya tabbatar hannun sa take kallon se ya bar ƙoƙarin sauke sleeve ɗin da yake ya ɓoye hannun a bayan sa hakan yasa ta farga ta maza ta gyara zama tana maida kanta kan system ɗin cike da kunyar da bata taɓa tunanin tana da ita ba.

Ficewa yayi ya tsaya bakin office ɗin ya gama gyara hannun rigar kafin ya wuce masallaci, ko da aka idar se da ya tsaya yayi addu'o'in sa kamar yadda ya saba kafin ya dawo har lokacin kuma tana kan aiki cikin system ga tarin tulin takardu gaban ta

"Miss lokacin sallah yayi, You leave the work kije kiyi se ki dawo ki cigaba".

Cak ta tsaya da aikin da take tana bin shi da kallo cikin tuno ita yaushe rabon ta da yin Sallah da rana irin haka, ita fa sallar ta se dare yayi take haɗe su duka tayi a lokaci ɗaya tayi ta huta dan ita bata san wannan gutsire gutsiren da ake yi, a yi ɗaya yanzu ayi wata anjima shiyasa take haɗe nata.

"Zan yi duka in na koma gida, hankali na baze kwanta ba se na gama shigar da informations ɗin nan".

Ɗan zato ido yayi yana kallon ta

"Excuse me, bangane se kinje gida ba, sallar ce se kinje gida ko aikin?".

"Haba sallar dai, aikin nan ai bazan bar office ba yau se na ƙara sa shi bari ma in ƙara maida hankali ka gani".

Mamaki ne ya kusan kar shi daga zaunen da yake, sallar take batun se taje gida Sannan zata haɗa, La hula wala quwwat, wannan wace irin rayuwa ce, anya yarinyar nan na da ilimin addini ko yaya a tare da ita kuwa? Baya tunanin hakan ko da dai hakan be kamata ya zama abin mamaki ba in yayi duba da ɗabi'un ta da kuma ayyukan ta zuwa kan shigar ta, in yayi rantsuwa baze yi kaffara ba yarinyar nan bata ma san me ye addinin ba kwata kwata, ita dai kawai tana amsa sunan musulma ne amma kuwa iyayen ta sun cuce ta cuta mara adadi.

Haɗe ran sa yayi sosai dan ma kar ta samu wani fuskar yi masa musu ko wata magana

"Ki tashi kije ki yi sallah nace kar ki bari ranki ya ɓaci".

Sakin aikin tayi ta tsaya kallon shi cikin son yin magana sedai yadda ya haɗe gabas da yamma kamar wanda ke jiran ƙiris ya rufe ta da duka yasa ta miƙe tana ture system ɗin da ƙarfi har tana kusan faɗuwa, toilet ta nufa tana maganganu ƙasa ƙasa wanda bai jin me take faɗa ta shige.

Alwala tayi sedai gyaran dake cikin alwalar ba kaɗan bane, fitowa tayi tana goge fuska da towel ƙarami tare da nufar wani ɗaki me kyau me matsakaicin girma da akayi shi dan hutawa in an gaji da aiki ta shige, da ƙyar ta sami ƙaramin veil ta naɗa shi a kanta tayi Sallar.