SARAKI (The Accused Prince) ✅

PAGE 1️⃣2️⃣

                           Page 1️⃣2️⃣

_______________________📖 Gudu take sosai duk da ba haka ta saba tuƙi ba dan tana san isa da wuri, a yanzu bata da burin da ya wuce ta ganta gaban Mommy dan su zata, zafin da zuciyar ta take mata a lokacin ba kaɗan bane.

Gaban wani madaidaicin gida ta tsaye tare da yin horn, da sauri me gadin ya buɗe mata mota dan a kwanan nan ya gane ta saboda Wannan shine zuwan ta gidan na uku.

Parking tayi ta fito hannun ta riƙe da ledar da tayi wa Mommyn shopping kamar yadda ta turo mata text ɗin abubuwan da take buƙata, bakin madaidaicin falon ta tsaya tare da murɗa handle ɗin ta shiga.

Muguwar harara wata kakkaurar babbar mace ta maka mata tana jan tsaki

"Yanzu kuma me kika zo yi, Ni kam na shiga uku da wannan takurar, ita uwar ki ta kasa zama gidan ubanki saboda baƙin hali ta zo nan ta tare min kema kuma kin takura min da zirga zirga kamar me neman gafara, to wallahi baze yiwu ba, ko ki ɗauke kafar ki daga gidana ko na tarkata uwar ki na kora ku gaba ɗaya".

Zuba mata jajayen idon ta Megado tayi cikin tsananin ɓacin rai da takaici yadda ƙanwar babar ta ke musu cin kashin da ta ga dama dan kawai Mommy na zaune gidan ta, baki ta buɗe zata maida mata martani sedai tuni Mommy da ta fito daga ɗakin yara inda take kwana ta rufe mata baki da hannun ta kafin ta ja hannun Megadon zuwa ɗakin da ta fito.

Harara Aunty ta bi bayansu da ita tana sakin ƙananun maganganu sedai ko kallon ta Mommy batayi ba ta shige da Megado dan in tace zata tanka yanzun nan ƙanwar tata me Huna hasiya zata nemi yi mata tijara.

Fusge bakin ta Megado tayi bayan sun zauna kan wata three sitter ƙwalli ɗaya dake ɗakin se katifun yaran Aunty Hasiyar, Ido ta zubawa Mommy ganin yadda cikin kwana uku kawai ta fara yin baƙi ga wata ƴar rama da tayi again dan mugunta  kawu yayi mata ya faki idon ta ya kwashe ATM cards ɗin ta gashi ƴan kuɗin da ke hannun ta lokacin dubu da biyar ne kawai, nan gidan Aunty Hasiya kuwa ba wani jin daɗi ake ciki ba compared to gidan da ta baro, ba AC se fanka, ba ruwan roba se pure water, ba different dishes se ɗaya da matar gidan taga damar dafawa gashi tun da tazo a wannan three sitter ɗin take kwana dan Aunty tace bata da spare mattress Kuma ragowar na ƴaƴan ta ne sedai tai manage da kujerar.

Katse mata tunani Mommy tayi da dafa ta
"Yanzu Megado ba zaki sa ubanki yace na dawo ba, kina fa kallon rayuwar da nake ciki gidan wannan shegiyar yarinyar".

"Wallahi Mommy ya ƙi ko saurara ta amma abinda nake gani kawai me ze hana ki tattara mu koma, ai ba dole se ya san kin dawo ba ko?".

Zaro ido Mommy tayi
"Ashe kin manta tijarar ubanki, kaɗan daga aikin sa ma ya iya sakina kan hakan, Ni a ganina kawai zan kira ƴar iskar yarinyar can in bata haƙuri a wuce wajen, ragowar shirin mu kuwa se mu yi shi ta ƙarƙashin ƙasa ko".

"Wallahi sake raina mu zata yi Mommy, adai nemo wata shawarar ba wannan ba".

"Dole dai ita za'a yi Megado dan fa kin san in har ba ita tace ya dawo dani ba wannan uban naki da baƙin halin sa ze iya bari inyi wata ɗaya ko biyu a gida, ke har fiye ma wallahi".

"Ai sam Daddy be yi ba wallahi, Ni ban san me ya kaiki ma auren shi ba tun farko, shi abu ba kuɗi ba, ba ilimi ba, ba wani kuma kyau ba se shegen tsayi kamar me, yanzu dai jini yadda ya cuceni ya gada min tsayi kamar ba mace ba".

"Hmm Bari kawai, Ni kaina ban san me yaja ni ba a lokacin, kin san dai ƙaddara amma yadda nake da kyau na da diri a ƙuruciya ai be kamata na ƙare a wajen shi ba, yanzu dai ba wannan maganar ba, bari kiga in kira waccan sheɗaniyar dan in so samu ne in koma gidan nan yau dan wallahi na wahala matuƙa".

Mommy ta ƙare maganar tana dialing number Kisnah kana ta cigaba da faɗin

"Wai hatta caji fa a gidan nan bani da damar yi se ace in bada caja shiyasa yanzu haka 20% ne kawai dani".