SARAKI (The Accused Prince) ✅

PAGE 4️⃣0️⃣

                          Page 4️⃣0️⃣

_______________________📖 Ruwan na tafasa ta shiga ƙoƙarin juye shi cikin bucket sedai ta kasa kuma bata san kiran shi dan taga yadda ya gaji sosai, tana ta kokawa da tukunya har ruwan ya zubo mata a ƙafa bata lura ba se zafin da taji ya ratsa kwanyar ta, ai ba tasan sanda ta saki tukunyar da ta ɗauka ba tana sakin ihu at the same time, a gigice ta fito daga ɗaki jin ihun ta haka ma maƙociyar ta saudah, inda take durƙushe riƙe da ƙafar ya ƙarasa da sauri tare da kaiwa tsugunne yana ƙoƙarin riƙo ƙafar tata dan ko be tambaya ba tukunyar da ta faɗi can gefe da kuma ruwan da suke malale a ƙasa ya shaida masa abinda ya faru, fatan sa Allah yasa ba ta ƙone sosai ba.

Se da ƙyar ta cire hannun ta daga kan ƙafar da tayi jaa sosai na azaba, hawaye kawai take yi dan ko sautin kukan babu dan bata taɓa cin karo da irin wannan azabar ba a kaf rayuwar ta se yau, gefe saudah ta tsaya tana mata sannun da bata iya ta amsa ba se Saraki ne ya amsa mata kafin ya tayar da Kisnah tsaye ya saka a gefen jikin sa suka shige ɗakin su.

Duk da suna cikin tashin hankalin ƙonewar da tayi amma hakan be hana wani baƙon yanayin kasancewar Kisnah cikin jikin sa ziyartar sa ba sedai be maida hankali ga hakan ba buƙatarsa kawai ya zaunar da ita ya duba mata ƙafar, Allah ya taƙai ta dan fatar bata tashi ba sedai ƙafar da ta yi jajur, duk da gajiyar jikin sa haka ya kuma miƙewa ya fita yaje ya siyo mata ointment da zata shafawa wajen da kuma pain killers da zata sha dan kashe zugin.

Kallon sa take yi tana jin wani shauƙi da farin ciki ganin sa duƙe gaban ta yana shafa mata ointment ɗin a ƙafar ta cikin kulawa da takatsantsan, tausayin sa ne ya kama ta ganin duk yau be zauna yana ta zirga zirgar ganin komai nasu ya kammala, wankan da ze yi yaji daɗi ma be samu ba ga abin da ya faru, duk se taji tana jin haushin kanta, yanzu da tana shiga kitchen sosai ai da ta iya juye ruwan zafi da kuma bata ƙara sashi ya wahala ba.

Yana gama shafa mata ya ajiye man ya ɗau pain killers ɗin ya miƙa mata biyu, dafe gaban kansa yayi tuno ba ma su da ruwan da zata sha maganin, suna da ruwa a drum ɗin su da ya kira me ruwa ya zuba musu sedai yasan baze yiwu ta sha magani da shi ba, to amma ai a Bina ruwan da suke sha wannan sedai a kira shi ruwan roba a kan sa, tuno hakan yasa ya miƙe ya ɗau cup ɗaya cikin kayan su ya fita ya wanke sannan ya zubo mata ruwan a cikin sa ya dawo, bata yi musu ba ta karɓa duk da tsanar da take wa magani amma haka ta rufe ido ta shanye dan bata san ƙara masa wani gajiyar na ƙin shan maganin ta kan wadda take tattare dashi.

Ajiye cup ɗin yayi a gefe ya fita wajen da incident ɗin ya faru ya tarar har saudah ta gyara wajen ta ajiye musu tukunyar a gefe haka ta goge wajen, godiya yayi mata a ransa sannan ya kuma zuba wani ruwan ya ɗora da kansa, ruwan na tafasa ya juye ya sirka ya kai toilet ɗin, tsayawa yayi yana kallon toilet ɗin cikin ɗan ƙyanƙyami dan a rayuwar sa yaƙi jinin toilet mara inganci, a ganin shi gwara toilet ɗin su na Bina dan shi ƙasa ce haka kuma da kansa yake gyara shi kullum so biyu a rana kuma hankalin sa a kwance yake sanin su biyu kawai ke amfani dashi akasin wannan.

Sam ji yayi baze iya shiga ba se kawai ya ɗau bucket ɗin ya maida ƙofar ɗakin su ya shige tare da zama kan katifar su nesa da inda take zaune.

Bata kawo komai ba ganin ya zauna a tunanin ta someone is using the bathroom shine yake jira sedai ganin har ya fara bacci yasa ta bubbuga katifar tana kiran sunan sa

"Baccin ai ze fi daɗi in kayi wankan, nasan ma zuwa yanzu na cikin toilet ɗin ya fito".

"Na fasa". Cikin mamaki ta dube shi cikin son dalilin fasawar

"Amma saboda me, kalla fa ka gaji da yawa You need to take  a warm bath se ka fi jin daɗin jikin ka, ko kuma dan incident ɗin da ya faru ɗazu ne, kayi haƙuri Please Allah ban iya bane amma naga yanda kayi and next time zan yi daidai, an sorry please".