SARAKI (The Accused Prince) ✅

PAGE 1️⃣7️⃣

                          Page 1️⃣7️⃣

_______________________📖 Daga wanka ya fito ɗaure da towel a ƙugun sa se ƙarami a kansa da yake tsane gashin sa har ya tabbatar ya gogu kafin ya cire ya ajiye, kan mattress ɗin sa ya zauna tare da janyo jakar da ya zuba kayan mayukan sa ciki ya fito da wanda za shafa ya shafe jikin sa da shi kafin ya ciro mayukan gashin sa kana ya miƙe ya ɗauko madaidaicin mirror ɗin da ya siya tun yana zaune a shago ya ajiye kan sofa ta yadda ze iya ganin komai sannan ya shiga mulke gashin kan sa da su ɗaya bayan ɗaya kafin ya ɗau comb ya shiga taje shi kana yayi styling ɗin shi, sosai gashin yayi kyau ya kwanta kamar wani Balarabe.

Wardrobe ya ƙarasa ya ciro wata Black shadda da ya ɗinka tun yana kasuwa tare da Alh Musa, ba wata me tsada bace amma ba ƙaramin kyau tayi masa ba kamar ka sace shi ka gudu, links ɗin sa ya saka a hannun rigar tare da na wuya, farar hular da ya siya yake haɗa shaddar da ita ya ɗauko yasa tare da takalmin da shi kuma Alh Musa ne ya siya masa ranar da ya fara saka shaddar yace ga takalmin ya haɗa dashi se ya fi kyau.

Fatabarakallah Ahsanul khaliqeen, kyan da Saraki yayi cikin shaddar ba me faɗuwa da baki bane just imagine it yourself, turarukan da ya siyo jiya ya jawo yana feffesawa dan jin ƙamshin kowanne har ya sami wanda yayi masa ya feshe jikin sa gaba ɗaya kafin ya ajiye ya ɗau daddumar da ya ɗora kan sofa tun kafin ya shiga wanka ya feshe ta da turare itama dan yau juma'a, wayoyin sa ya kwasa ya fita tare da ɗiban canjin 2k ɗin sa na jiya ya fita bayan ya saka wayoyin sa a aljihu.

Sosai ma'aikatan gidan suka dinga yaba kyan da yayi shifa'u sedai yayi musu murmushi tare da faɗin ya gode har ya fice daga gidan pray mat ɗin sa rataye kan kafaɗar sa.

******************

"Wannan gayun se ina kuma auta".

Murmushi Laylah ta saki jin auta da ummah ta kira ta dashi wanda se tana san tsokanar ta take faɗa, juyawa tayi ta dubi umman da ke zaune kan stool ɗin mirrorn ɗakin Laylahn

"Allah umma yau tsokana kike ji kawai, bayan kin san zance gaida Mami ne".

"Oh na manta, ashe za'a je gaisuwar surukai ne, to ai ba kya tafi haka ba dama ina da saƙo wajen gimbiyar bari in baki ki tafi mata dashi".

Umma ta faɗa tana fita daga ɗakin yayinda ita kuma ta cigaba da gyara ɗaurin ɗankwalin shaddar da take yi, sosai ta ɗaura shi ya zauna kai kace kafa mata shi akai, kallon kanta take yi tun daga sama har ƙasa tare da yabawa da adon nata, turare ta ɗauka me sanyin ƙamshi ta fesa dan bata manta ba Ya Yarima ya taɓa mata faɗan saka turare me ƙarfi.

Mayafi ta ɗauka da ya hau da kayan jikin ta ta yafa tare da fita daga ɗakin nata daidai lokacin umma ta fito daga nata ɗakin hannun ta riƙe da leda me dan girma ta miƙa mata

"Gashi ki kai mata ki kuma ce ina gaishe ta sosai da sosai".

"Insha Allah umma nah, se na dawo".

"Allah ya dawo dake lafiya autar umma kuma surukar gimbiya".

Da sauri Laylah ta fice daga gidan cikin jin kunyar umman fuskar ta ɗauke da murmushin jin daɗin surukar gimbiya da umma ta kira ta dashi, driver ta saka ya kaita sashen gimbiya Haleematu dan da tazara sosai tsakanin sashen matan sarki dana waziri wanda ita ɗin ɗiya ce wajen wazirin sarki Muhammadu Hasheem II.

Da sallama ta shiga turakar gimbiya Haleematu dan tuntuni ta zama ƴar gida da bata neman iso kafin shiga, kan kilisar ta ta sake ta zaune cikin kyakkyawan adon ta dake ɓoye ainahin shekarun ta ya sa ayi mata kallon batakai haka ba alhalin tana cikin shekarun dattijan taka ne yanzu.

Da farin ciki gimbiya Haleematu ke amsa gaisuwar Laylah da ta zube gaban ta, ba ƙaramin farin ciki take yi ba a duk lokacin da tayi tozali da yarinyar dan tana ganin ta ne kamar Sarakin ta wanda ba dan wannan ƙaddarar ta sharrin maƙiya ba da tuni yanzu ana batun bikin su ne, Allah ya sani tana son yarinyar saboda irin soyayyar da take gwada wa Sarakin ta wanda ita in har zaka so Saraki to fa ka gama mata komai a duniya.