SARAKI (The Accused Prince) ✅

PAGE 1️⃣1️⃣

                          Page 1️⃣1️⃣

_______________________📖 Bargo ta tashi ta ɗauko da ƙyar ta ƙara kan blanket ɗin ta shige ciki.
Ranar ko kayan jikin ta bata iya canjawa zuwa na bacci ba ta kwanta dana jikin ta.

Sosai tayi bacci saboda ɗumin da ke ratsa jikin ta wanda bata farka ba se to nine, wanka ta shiga tayi ta saka Black straight English gown me ɗan gajeren hannu da ta tsaya iya ƙaurin ta, yau bata kama gashin da ribbon ko sa masa band ba ta sake shi a bayan ta bayan ta taje shi ta masa style me kyau.

Turarurrukan ta ta feffesa kafin ta jawo black designer wedge half cover shoe ta saka ta ɗebi wayoyin ta da system ɗin ta da key ta sauka falon ƙasa, kan two sitter sofa ta zauna tana zube wayoyin ta a gefen ta sannan ta jawo Centre table ta ɗora ƙafafun ta kana ta ɗora system ɗin kan laps ɗin ta ta shiga operating hankali kwance.

Maigado dake zaune kan dining ba ƙaramin ɓaci ranta yayi ba dan Allah ya sani ta tsani Kisnah beyond expectation, ba ƙaramin ɓacin rai da takaici take ji ba inta dubi gidan nan ta kuma tuno wai mailakin ta ne, yanzu haka da take zaune tana dai cin abincin ne dan bazata iya zama da yunwa ba amma gaba ɗaya tunanin ta yana kan yadda zata yi Mommy ta dawo gidan ne dan su fara planning yadda zasu ɗaiɗaita rayuwar Kisnahn da gaggawa, ga shima wancan banzan yaya Awwaf ɗin ya ɗau ƙafa ya bar gari wai birthday ɗin aboki.

Tsaki tayi ta dangwarar da cup ɗin hannun ta ta wuce fuuuuu ɗakin ta, sarai Kisnah ta jita sedai ko kallon ta bata yi ba dan ba itace a gaban ta ba, kacokan hankalin ta yana kan kuɗaɗen da spy ɗin ta da ta ajiye a Companyn gine ginen ta me suna K&C (Kisnah constructions) ya turo mata an nema an rasa ba kuma batun wani bincike akai.

Kusan awa ɗaya tana latse latse a laptop ɗin kafin wayar ta da take amsa kiran ma'aikatan gidan ta hau ringing, bata ji kiran ba har se ana biyu dan gaba ɗaya hankalin ta ya tafi kan aikin da take yi, picking tayi dan ganin 0045 wato number me bawa flowers ruwa kasancewar kowane ma'aikaci yana da number base on ɓangaren da yake aiki, haka kuma an bashi phone and sim card Wanda in ya kira wannan number ce zata yi displaying, karawa tayi a kunnen ta tana sauraren bayanin da yake mata kafin ta amsa

"Su ƙaraso main falo shi da Inusan kai kuma ka koma bakin aikin ka".

Ajiye wayar tayi ta sake maida hankali kan system ɗin, tsurawa screen ɗin ido tayi ganin account details ɗin da kuɗin suka shiga bayan sun fita daga account ɗin Company, sosai ranta ya ɓaci dan wannan ne karo na kusan biyar da aka samu irin haka kuma duk ta bi diddigi wannan account ɗin dai take gani dan haka wannan karon bazata saurara ba se ta gano ainahin me shi.

Sallamar da suka yi kafin shigowa yasa ta ɗan ɗago ta kalli ƙofar kafin ta ɗauke idon ta maida screen ɗin, bata amsa sallamar ba dan hakan ba ya cikin tsarin ta, turo ƙofa Inusa yayi ya shigo yayinda Saraki ke bin sa a baya, ƙasa kan carpet Inusa ya nema ya zauna yayinda Saraki yake tsaye dan baya jin ze iya zama ƙasa wani na sama wanda ba mahaifan sa ba (Sarautar ta motsa😜😂).

Seda ta ɗan ɗauki lokaci bayan tayi saving komai sannan ta ɗago fuskar ta a sake ta dube su, da hanzari Inusa ya fara miƙa gaisuwa ta amsa fuskar ta da walwala har tana tambayar sa ya family ɗin shi da harkokin sa, amsawa yayi cikin jin daɗin yadda bata wulaƙanta su duk da sun kasance a ƙasan ta kafin ya nuna mata Saraki da bayanin shine sabon drive ɗin da aka samo mata.

Kallon ta ta maida inda Sarakin ke tsaye hannun sa cikin aljihu, idanu ta fara bin sa tun daga ƙasa kan kyakkyawar tsaftatacciyar ƙafar sa dake nan sumul kamar baya taka ta zuwa kayan jikin sa har ta kai fuskar sa sedai kallo ɗaya tayi wa fuskar tasa ta ɗauke kanta da sauri saboda wani irin kwarjini da cika ido da taga yayi mata.

Ajiyar zuciya ta sauke a ɓoye idanun ta na kan Inusa ta furta

"Have a seat please, za muyi magana".

Bece komai ba ya nemi one sitter sofa ya zauna yana iya ƙoƙarin sa na ganin be yi zaman da ya saba ba duk yakai zaune kan kujera wato harɗe ƙafafu kan juna, irin zaman da yayi kawai seda ya sake sata jin nauyi da ɗan shakka dan zama ne irin na cikakkun jinin sarautar da suka gawurta da isa, izza da taƙama dan ya buɗe gaba ɗaya ya cika kujerar,  wannan shine karo na farko da zata ɗauki drive batare da ta ƙare masa kallon tabbatar da tsaftar sa ba kamar yadda ta saba, shiyasa tunda bazata iya duban sa direct ba take satar kallon sa ta gefen ido.