(လုံးဝကို မတော်တဆတိုက်ဆိုင်မှုသာ)
"စိတ်မကောင်းပါဘူး"
ဝမ်းနည်းနေသည့်အမူအရာဖြင့် ဝမ်တဟူကပြောလိုက်၏။
"မင်းရဲ့ဆန္ဒကို ငါလက်မခံနိုင်ဘူး"
"ဘာ ဘာဖြစ်လို့လဲ?"
ချောင်ရှစ်ယွီသည် သူမ၏ဖွင့်ပြောမှုငြင်းပယ်ခံနေရသည်ကိုကြားလျှင် ချက်ချင်းပင်မျက်ရည်များစီးကျလာတော့သည်။
နှစ်နှစ်ကြာတိတ်တခိုးချစ်ခဲ့ပြီးနောက် သတ္တိများကိုစုစည်းကာဖွင့်ဟရန်မှာအလွန်ခက်ခဲလှသောကြောင့် ကလေးမလေးမှာ အလွန်အမင်းဝမ်းနည်းနေခဲ့၏။
"အရမ်းရိုးရှင်းတယ်လေ ဘာလို့လဲဆိုတော့ငါ့မှာကြိုက်နေတဲ့သူရှိလို့ပဲ!"
ချောင်ရှစ်ယွီကရုတ်တရက်ခေါင်းမော့ကာ မေးလာ၏။
"ဘယ်သူလဲ?"
ဝမ်တဟူသည်မျက်ဝန်းထောင့်မှ တံခါးနားရှိအဖြူရောင်ဖိနပ်တစ်စုံကိုကြည့်လိုက်ပြီး ကလေးမလေးအားကြင်နာစွာပြောလိုက်လေသည်။
"သူဘယ်သူလဲဆိုတာအရေးမကြီးပါဘူး အရေးကြီးတာက သူ့ကိုငါကြိုက်တယ် ချစ်တယ် ငါကသူ့ကိုအမြဲတမ်းအရမ်းကိုချစ်မြတ်နိုးနေခဲ့တာ ငါ့မျက်လုံးထဲမှာတော့ သူကကမ္ဘာပေါ်မှာရှိတဲ့အလှပဆုံးရတနာလေး ချောက်ကမ်းပါးပေါ်ကခူးဆွတ်နိုင်ခြင်းမရှိတဲ့ပန်းပွင့်လေး ငါ့ဘဝကိုအမြဲအလင်းရောင်ပေးခဲ့တဲ့ကောင်းကင်ပေါ်ကနေမင်းလေးပဲ!"
"ဝူး ဝူး ဝူး....."
ချောင်ရှစ်ယွီကရှေ့သို့တိုးလာပြီး "အိုး! ဂျူလီယက် နင်ကဘာလို့ဂျူလီယက်[1]"လဲဟူသောမျက်နှာအမူအယာမျိုးဖြင့်သရုပ်ဆောင်ဝမ်တဟူကိုကြည့်လာပြီး သူမအလွန်စိတ်လှုပ်ရှားသွားလေတော့သည်!!!
အတန်းဖော်တဟူ တကယ်ကိုပဲအရူးအမူးချစ်မိနေတာပဲ!
"ဒါ ဒါဆို နင်တို့နှစ်ယောက်တွဲနေပြီလား?"
ESTÁS LEYENDO
Reborn Only to Love You Again || ဘာသာပြန် 《Completed》
RomanceOriginal Title: 重生只为再爱你一次 Author: 一个小瓶盖 Chapter: 76 Chapters (Completed) *MTLမှတိုက်ရိုက်ပြန်ဆိုခြင်းဖြစ်သည်။* I don't own any part of this story.This is just fun translation.All credit goes to original author.
