ဖုန်းနန်ပြေးထွက်သွားပြီးနောက် ဝမ်တဟူနှင့်အခြားသူများသည် တစ်ခုခုဖြစ်မည်ကိုစိုးရိမ်သောကြောင့် သူ့နောက်ကိုလိုက်ရန် အလုပ်များနေကြတော့သည်။
ကလေးလေးမှာသေးငယ်လှသော်လည်း အတော်လေးလျင်မြန်စွာပြေးသွားသောကြောင့် မျက်စိတစ်မှိတ်အတွင်း ပျောက်သွားလေသည်။
တောင်ပေါ်၌လိုင်းမမိသဖြင့် ဖုန်းခေါ်၍လည်းမရပေ။သီးခြားလူခွဲ၍ရှာရန်မှလွဲ ရွေးချယ်စရာမရှိတော့။
ကောင်းလင်ဖုန်းကမြောက်ဘက်ရှိအဓိကလမ်းမကြီးအတိုင်းသွား၍ လီချင်းရန်နှင့်ဝမ်တဟူတို့ကကျဉ်းမြောင်းသောလမ်းမှတောအုပ်ဆီသို့သွားလိုက်ကြ၏။
ဝမ်တဟူမှာနှလုံးသားမဲ့စွာပင် ငိုကာပြေးထွက်သွားသောမှိုငယ်လေးအားရှာရန်ဆိုသည်အား စိတ်ထဲမှခဏဖယ်ထားလိုက်ပြီး ကောင်းမွန်လှသောစိတ်အခြေအနေဖြင့် လမ်းဘေးရှိတောရိုင်းပန်းလေးများကိုပင်ခူးလိုက်သေး၏။
လီချင်းရန်၏ခေါင်းပေါ်ဝတ်ဆင်နိုင်မည့်ပန်းကုံးလေးတစ်ခုဖြစ်အောင်ပြုလုပ်ရန် သွက်လက်စွာဖြင့်လက်များကိုလှုပ်ရှားလိုက်၏။
သို့သော်သနားစရာကောင်းစွာပင် တစ်ဖက်လူကသူ၏ကြင်နာမှုကိုအသိအမှတ်မပြုဘဲ အေးစက်စက်ဖြင့်မနှစ်သက်သည့်အကြည့်မျိုးဖြင့်သာကြည့်လာ၏။
ဝမ်တဟူက ထိုကောင်ငယ်လေးမှာဘာကဘာဆိုသည်ကိုမသိကြောင်းညည်းညူပြီးနောက် သူခေါင်းပေါ်တွင်သာဝတ်ဆင်လိုက်ရတော့သည်။
ခေါင်းပေါ်၌ပန်းသရဖူဆောင်းထားသော လူကောင်ကြီးလှသည့်အမျိုးသားတစ်ယောက်။ထိုကဲ့သို့ပုံစံမျိုးကအတော်လေးရယ်ချင့်စဖွယ်ဖြစ်နေမည်ကို ပြောစရာပင်မလိုပေ!
"အာ?"
ဝမ်တဟူကခေါင်းမော့ပြီး ရုတ်တရက်မဲမှောင်လာသည့်ကောင်းကင်ကိုကြည့်ကာ သူ့ဘေးနားမှလီချင်းရန်ကိုပြောလိုက်၏။
"မိုးရွာတော့မယ်ထင်တယ်?"
"ထစ်ချုန်းမိုးဖြစ်မယ်"
YOU ARE READING
Reborn Only to Love You Again || ဘာသာပြန် 《Completed》
RomanceOriginal Title: 重生只为再爱你一次 Author: 一个小瓶盖 Chapter: 76 Chapters (Completed) *MTLမှတိုက်ရိုက်ပြန်ဆိုခြင်းဖြစ်သည်။* I don't own any part of this story.This is just fun translation.All credit goes to original author.
