Reborn Only to Love You Again || ဘာသာပြန် 《Completed》

Chapter 43:ခင်မင်ကျွမ်းဝင်မှု

(ငါးယောက်မြောက်ကလေးမလေး)

ရေသည်အရှေ့ဘက်သို့စီးဆင်းကာ သစ်ရွက်များလည်းကြွေကျပြီး လျင်မြန်သောအချိန်ကာလသည် ဤကဲ့သို့ပင် တိတ်တဆိတ်ဖြင့်ကုန်ဆုံးသွားခဲ့လေသည်။နွေဦးနှင့်ဆောင်းဦးပေါက်တို့ကိုဖြတ်ကျော်ပြီး မျက်စိတစ်မှိတ်အတွင်းသုံးနှစ် ကုန်ဆုံးသွားခဲ့လေသည်။

အသက်ဆယ့်ကိုးနှစ်တွင် သူတို့သည်ကောလိပ်ဝင်ခွင့်စာမေးပွဲ၏ ဖိအားနှင့်ရင်ဆိုင်နေရလေသည်။

ဝမ်တဟူသည်သူ့လက်ထဲတွင်စာအုပ်တစ်အုပ်၊ပုလင်းတစ်လုံး၊အခြားပစ္စည်းများကိုကိုင်ထားရင်း ပခုံးကိုကျုံ့ကာစာသင်ခန်းထဲသို့ပြေးသွားလိုက်၏။တံခါးကိုတွန်းဖွင့်လိုက်ရာ စာသင်ခန်းထဲ၌ရပ်လျက်၊ထိုင်လျက်ရှိနေသော ကျောင်းသားအချို့ရှိနေလေပြီ။ဝမ်တဟူသည်အနောက်ဘက်မှထောင့်တစ်နေရာသို့သွားကာပစ္စည်းများကိုချပြီးနောက်စားပွဲပေါ်ခေါင်းတင်ရင်း မျက်လုံးများကိုမှိတ်ကာနောက်တစ်ကြိမ်အိပ်ပျော်သွားခဲ့လေသည်။

စောစောထခဲ့ရခြင်းကြောင့် သက်တောင့်သက်သာဖြစ်မနေကြောင်းထင်ရှားလှ၏။အချိန်အတော်ကြာသွားပြီး သူ့ဘေးမှတစ်စုံတစ်ယောက်ကတွန်းလာသည့်အခါမှသာနိုးလာခဲ့လေသည်။

"ရောက်ပြီ!"

ဝမ်တဟူသည်မျက်လုံးများကိုပွတ်သပ်ကာ အဖြူရောင်ကုတ်င်္အကျီရှည်နှင့်လည်စည်းကိုပတ်ထားသောလီချင်းရန်ကိုမြင်သွားပြီးနောက် အမြန်ထကာနေရာဖယ်ပေးလိုက်လေသည်။လီချင်းရန်ထိုင်လိုက်ပြီးနောက် ဝမ်တဟူကသူ၏လက်နှစ်ဖက်ကိုဆုတ်ကိုင်ကာ သူ့လက်များဖြင့်အုပ်ထားပေးရင်းပြောလာ၏။

"ကိုယ်လာပြီးနေရာဦးထားပေးမယ်လို့မပြောခဲ့ဘူးလား? မင်းဘာလို့စောစောထလာတာလဲ?"

လီချင်းရန်၏မျက်နှာလေးမှာ အေးခဲနေဆဲဖြစ်ကြောင်းမြင်လျှင် ဝမ်တဟူကသူယူလာသောပုလင်းအဖုံးကိုအဆောတလျင်ဖွင့်လိုက်ပြီး ထိုပုလင်းထဲ၌သူမနက်စောစောထ၍ပြုလုပ်ထားခဲ့သောပဲနို့များရှိနေ၏။