Reborn Only to Love You Again || ဘာသာပြန် 《Completed》

Chapter 66:ပြန်လာခြင်း

ပေကျင်းအပြည်ပြည်ဆိုင်ရာလေဆိပ်။ထွက်ပေါက်၌စည်ကားကာ ဆူညံနေလျက်။

ရုတ်တရက်ပြတ်ပြတ်သားသား အော်ဟစ်သံတစ်ခုကထွက်ပေါ်လာတော့သည်။

"ကိုကိုချင်းရန် ဒီမှာ!"

နူးညံ့သိမ်မွေ့သောချစ်စဖွယ်ကောင်ငယ်လေးသည် ခြေဖျားလေးများအားထောက်ကာ အားရဝမ်းသာဖြင့်လက်ဝှေ့ယမ်းပြနေလေသည်။လူများကသူ့လက်သွားရာနေရာသို့ကြည့်လိုက်ရာ ပိန်ပါးကာအလွန်လှပသောမျက်နှာလေးဖြင့်ဖြောင့်မတ်သောဝါးကဲ့သို့၊တောင်ထိပ်မှဆီးနှင်းလေးကဲ့သို့လူက ထိုကောင်လေးဆီလျှောက်လာခဲ့လေသညိ။

"ကြိုဆိုပါတယ် ကိုကိုချင်းရန်!"

ဖုန်းနန်သည်ယုန်ငယ်လေးကဲ့သို့ သူ့ဘေးနား၌ခုန်နေကာ သူ့လက်ကိုဖက်ထားလျက်အလွန်ပျော်ရွှင်နေ၏။

လီချင်းရန်သည်လည်းပျော်ရွှင်နေပုံရလေသည်။

"ငါ့ကိုလာခေါ်ပေးလို့ ကျေးဇူးတင်ပါတယ်"

"ဘာလဲ! ကိုကိုချင်းရန် ကျွန်တော့်ကိုယဉ်ကျေးမနေပါနဲ့!"

ဖုန်းနန်ကပြုံးကာ ပြောလာ၏။

လီချင်းရန်ကပြုံးကာခေါင်းညိတ်ပြရင်း ခေါင်းကိုလှည့်ကာရုတ်တရက်မေးလာတော့သည်။

"တဟူဘယ်မှာလဲ?"

ဖုန်းနန်၏မျက်နှာသည် ရုတ်တရက်အေးခဲသွားပြီး သူ့မျက်လုံးများကချက်ချင်းပြောင်းလဲသွားတော့သည်။သူတစ်ခုခုပြောခါနီးတွင် လီချင်းရန်၏လက်ကိုင်ဖုန်းကမြည်လာ၏။

"ဟေး......"

ဘေးတွင်ရပ်ကာ ဖုန်းဖြေနေသည့်လီချင်းရန်ကိုကြည့်ရင်း ဖုန်းနန်ကသက်ပြင်းတစ်ချက်ချလိုက်လေသည်။ဝမ်တဟူပေးသည့်တာဝန်က ပြီးမြောက်ရန်ခက်ခဲလွန်းသည်ဟု သူတကယ်ခံစားရလေသည်။

"အဲ့လိုကိုး.....ဟုတ်ပြီ...ငါတွေ့တယ်...မင်းအချိန်မှန်သွားပြီးဂရုစိုက်နော်...အိမ်မှာစောင့်နေမယ်!"

လီချင်းရန်ကဖုန်းကိုချလိုက်ပြီး လှည့်ကြည့်လိုက်ရာ ဖုန်းနန်ကငေးငိုင်နေသည်ကိုတွေ့လျှင်သူကပြုံးကာပြောလိုက်လေသည်။