(မင်းကိုအခွင့်အရေးပေးမယ်)
၎င်းတို့ကိုဖြေရှင်းပြီးနောက် ကျောင်းသို့ပြန်လာချိန်၌ကျောင်းအိပ်ဆောင်တံခါးမှာပိတ်ထားပြီး မီးများလည်းပိတ်ထားခဲ့လေပြီ။ဝမ်တဟူကအဆောက်အဦး၏တစ်ဖက်ကိုသွားလိုက်ပြီး လက်ဖဝါးနှစ်ဖက်ကိုပွတ်သပ်ကာ သစ်ပင်ပေါ်ကိုစတက်လေတော့သည်!
သစ်ပင်ထိပ်ပေါ်ရောက်ပြီးနောက် တစ်ဖက်ရှိအဆောက်အဦး၏ဒုတိယထပ်မှမှန်ကို ကျောက်ခဲလေးဖြင့်ပစ်လိုက်၏။
"တောင်—"
မှန်နှင့်ကျောက်ခဲထိခတ်သွားသော စူးစူးရှရှအသံကထွက်ပေါ်လာတော့သည်။
အချက်ပြမှုအားစောင့်ဆိုင်းနေခဲ့သလိုပင် ခဏအကြာ၌ပြတင်းပေါက်က အတွင်းဘက်မှနေ၍ပွင့်လာ၏။
ဝမ်တဟူသည်တောက်တဲ့ကဲ့သို့ပင် သွက်လက်စွာကပ်တွယ်၍အကိုင်းအခက်များမှလျှောဆင်းလိုက်၏။
သူဆင်းပြီးသည်နှင့်တစ်ပြိုက်နက် စိုးရိမ်ပူပန်မှုများနှင့်ဆူပူလာသည့်အသံလေးကိုကြားလိုက်ရတော့သည်။
"ဘာလို့ အခုအချိန်မှပြန်လာတာလဲ?"
ညအိတ်ဝတ်စုံဝတ်ဆင်ထားသည့်လီချင်းရန်သည် လက်ကိုပိုက်ထားရင်း အလွန်ကောင်းမွန်နေခြင်းမရှိသည့်အကြည့်ဖြင့်ကြည့်နေ၏။
ဝမ်တဟူကပြုံးကာပြောလိုက်လေသည်။
"တစ်ခုခုသွားလုပ်နေတာ!"
သူကလီချင်းရန်ကိုကောင်းကောင်းနားလည်နေသလိုပင် လီချင်းရန်ကလည်းသူ့ကိုနားလည်နေပြီး ထိုစကားကိုကြားသည်နှင့်တစ်ခုခုလွဲချော်နေကြောင်းခံစားခဲ့မိ၏။
သူကချက်ချင်းအမြစ်ကိုတူးထုတ်ပြီးကိစ္စကိုစုံစမ်းမေးမြန်းခြင်းမရှိဘဲ ဝမ်တဟူအပေါ်ကပ်နေသည့်သစ်ရွက်ခြောက်များ၊နှင်းများနှင့်အခြားအရာများကိုပွတ်သပ်ပေးလာပြီး သူချန်ထားသည့်နွှေးထားသောညစာကိုယူလာပေးခဲ့လေသည်။
CITEȘTI
Reborn Only to Love You Again || ဘာသာပြန် 《Completed》
DragosteOriginal Title: 重生只为再爱你一次 Author: 一个小瓶盖 Chapter: 76 Chapters (Completed) *MTLမှတိုက်ရိုက်ပြန်ဆိုခြင်းဖြစ်သည်။* I don't own any part of this story.This is just fun translation.All credit goes to original author.
