لواء الدين

مقدمة

بقلمي.. روى فاروق
روايه: لواء الدين
ـــــــــــــــــ

لواء:

.......................................

هلا يا سالفه وماضن نملها ..
وعليك الگا؏ ما شالت نملها '
هلا ياحاگم ومذنب
هلا يامجفي ومجلب
هلا ياعافيه وتسلب
هلا ياضاحك مغندب
هلا يابرحي ومرطب
..........................................

يگلي أصبر ولگ شأصبر؟
أخاف من الصبر أكفر
جسر والناس عبرتني
بس أنه حرام أعبر
اريد احجي حجي المجروح
وادري حجايتي تعور
وينه المايخون الزاد؟
و وينه الوفي المايغدر؟
فتت سوگ ألوفه ويا حيف
لگيته معزل و يصفر
........................................

كنت أظن إني استطيع أن أشعل شمعتي من جديد
لقد نسيت
نسيت كيف تُشعل الشموع من زمن بعيد
كنت اعتقد إني استطيع
أن اكتب كلمات الفرح
ولكن عندما كتبتها شعرت
أن شيئا ًبداخلي قد أنجرح
ـــــــــــــــــــــــــــــــــــــ

بجيل من الاجيال جان بوكتها خالي ضياء يصير صديق عمي لواء الدين
حسب حجي امي جانو الروح بلورح طبتهم وطلعتهم سويه
جانو اصدقاء كلش وداماً سوالف وضحك ثنينهم
و الكل يدري بيهم

حته جانو يشربون ويسكرون طبعاً جدي ابو ابوي
مايقبل عله عمي يشرب وداماً يمنعه يشرب
خوفاً عله سمعته لان هو شيخ
يكله شيكولون علينه الناس ابن الشيخ جلال يشرب
و عده مرات يمنعه بس حسب كلام امي تكول جان عمي لواء الدين
عنيد ومايهتم لسمعه ابو ابد
و يغافله ويطلع يشرب ويرجع وجدي جلال مايدري بي

يوم من الايام عمي لواء وخالي ضياء تعاركو
فـ خالي متهور و ماخذ سلاح من صديقه
وصاوب عمي لواء
فـ عمي لواء توفه بيومها و جدي جلال طالب ياخذ ثار أبنه
صارت كعده شيوخ و قنعو جدي جلال ياخذ فصليه ويعوفون خالي
فـ جان ابوي ما مزوج و من امي راحتلهم فصليه
اخذها ابوي
جانن عماتي داماً يضربن بأمي ومشاكل
حسب حجي امي هواي حاولن يقتلنها و ماكدرن
و حته مرة من المرات ضاربات امي بصيخ حار
يردن يبردن كلبهن بامي من حركه اخوهن الي توفه.

الى ان انولدت اني عله هاي الدنيه و جدي يحبني هواي اني
ما اذكر بس امي تحجيلي عليهم
جدي جان يحبني هواي و سماني لواء الدين عله اسم ابنه المرحوم

اتلاغه ابوي و جدي جلال من جان عمري سنتين
و حسب كلام امي ابوي الي مطوخ بلحجي ويه جدي و جدي طارده من البيت

طلعت أمي ويه ابوي ببيت أيجار
بقينه بي حد ماصار عمري 10سنين..
ابوي مايحب أمي وعلى أتفه الأسباب يأذيها
ويدور حجج حته يضربني أني هم

و الى يوم من الايام جان عمري
10 سنين
صار شيء بحياتي ما توقعته يصير
شيء كرهني بحياتي كلها
شيء صار قلب حياتي بالون الأسود
غلطه وطلعت من عندي بدون قصد ودمرت 3 اشخاص
ومن ضمنهم اني

يتبع...

بأنتضار تصويتكم غلاي

بقلمي .. روى فاروق
روايه: لواء الدين