لواء الدين

البارت الاربعون

بقلمي .. روى فاروق
روايه :لواء الدين

حجي مدثر بصدري وماكولة ..
مرات الوجع مو لجمه ، سولة ..
_______________________

كعدت الصبح اول ماراحت ايدي على صدري
احسه منخنوك بكثر مابجيت البارحه ..

انداريت لفراش لواء ماجان موجود ..
باوعت عالساعه بثمانية ونص ..

راحت عيني على الزاوية ملابسة مالدوام مموجودات ..
جريت الموبايل من فوك الجرباية الهث ..
ونبضات كلبي تضرب بقوة ..

شنو يعني .. هو موكال باجر اوديج الصبح ..

دخلت على رقمة عالواتساب جان أخر ضهور ألة ب ٢ باليل ..
دزيتلة مسج مكتوب بي الو .. شفت عندة نت
صعدت ويا أتصاال .. رنتين ثلاثه فتح خط ..
- صباح الخير يا روح ..

- صباح نور .. نتة موكلت اوديج الصبح ..
ليش داومت لعد اني منو يوديني لو هم
ناوي تأجلها ع العصر ..

- عادي حبيبي .. اجيج بالتسعه ..

- هااا .. يعني ترجع ..

- ارجع ارجع ..

سكتت شوية وكلت - بثنتين نتة داومت ..
شنو يعني مانمت اليوم ..

- منو كالج بالثنتين داومت ..
بالستة ونص يالة طلعت من البيت ..

- هااا .. مو شفتك اخر ضهور بثنتين عبالي
رحت للمركز باليل ..

- لا .. البارحه ضليت كاعد بالثنتين ودخلت عالواتساب ..

رفعت حواجبي معاجبني الوضع سحبت نفس مسموع
مارديت عليه رجع كال ..
- محتاجه شيء ..

- ماريد ..

- هااا ..

- لا ..

- ماتحجين عدل ..

- مامحتاجه شيء ..

- يله لعد .. ذا نزلتي شفتي عدنة نواقص
للبيت كليلي قبل لااجي .. وذا محتاجة شيء من المحل
فهد موجود ..

- ماداوم فهد ..

- لا حبي .. يلة ثيمالا ..

- الله وياك ..

قريب ماردت اقفل الخط كال - اوكفي ..

سحبت نفس قوي ورجعت الموبايل الأذني
كلت - ها ..

- شبيج .. طنكورات صباحية هاي ..

- مابيهه شيء .. شبية مثلاً ..

- احجي عدل شبيج ..

- مابيهه شيي .. رح انزل اسوي ريوك ..

قفلت الجهاز قبل مااسمع ردة ..
شمرتة عالجرباية وكمت شمرت الحجاب على راسي ونزلت فوراً ..

دخلت للمطبخ توضيت ووكفت صليت ..
خلصت صلاتي ورجعت صعدت الغرفة دموع كبل ..
باوعتلها كاعده عالجربايه هستوها رادت تكوم ..