لواء الدين

البارت السادس والعشرون

بقلمي .. روى فاروق
روايه :لواء الدين

غباء منك ان تكون حزين بسبب شخص يعيش حياته بكل سعاده .
ـــــــــــــــــــــــــــــــــــــ

ضليت صافنه بوجهة ممصدكه الي دتكولة ..
ـ شتحجين انتي ..

ضحگت ..ـ اي ولله البارحه فتح
الموضوع وية اهلي ..

بلعت ريگي ـ ييي ييعني شوكت يجي ..

ـ احمم مادري بس كال رايد اخطب
دموع ورة ميخلص لواء عرسة ..

بللت شفتي يعني هاي الفترة ..
يعني شنو .. يحبني ورايدني
وقرر يخطبني ..
يعني يريدني مثل ما ريدة ..

ضليت اتبلعم من الخجل كدام
استابرق وهية خربانة ضحگ عليه ..
اجت بنية كالت استابرق امها تصيحلها ..
سحبت شالها من الكنتور لفتها وخلت
عباتها عله راسها واجت باستني ضليت
صافنه حتة مارديت السلام ..

ضحگت بوجهي وطلعت ..
طفيت الضوة واتمددت
يعني يريدني ويحبني ..

معقولة .. لو اني بحلم ..
ياربي ممصدكه ..

ضليت جوة الفراش صافنة ..
ماحسيت علة روحي من غفيت
كعدت صبح عله صوت هلاهل ..
عرفت اجو گرايبنه ..
كمت علة سريع طلعت فستاني
وطبيت سبحت ..

طلعت تحجبت لان مالي خلگ امشط
واشسور ..

لبست حذائي وطلعت واشوف الصالة
مليانه نسوان ..
توني ردت اسلم عليهم صاحت عليه
مرة عمي فاطمة ..
ـ امشي شوفيي اخووج ماكعد دفضونه
عاد الولد ترست الشارع براا ..

عفتها وصعدت اركض دگيت الباب
عليهم سمعت صوت لواء يكول جايين
عفتهم ونزلت ..
ركضت للديجي ربطتة بموبايلي
حته اول مينزلون اعلگلهم اغاني ..

تحضرنه وضلينه واكفين يم الدرج
جوة وهاي التصور وهاي التصفگ
وبيبيتي كلساع تضربها هلهولة ..

شوية ونزلو راحت عيني كبل عله اديهم ..
فدوة شون لازمها وينزلون عله كيفهم ..
عليت صوت الديجي كل عولة وشغلته
والنسوان تسودنن ضلن يدبچن واني
واكفة اهزلة ركبة يباوعلي ويضحك ..

يمن فديت ضحكته الحلوة
كالو رح تطب الولد وكفت يم الديجي
وغيرت غنية الى " اخذها الجان رايدها ..

وهذولة اول ماطبو ضلو يهوسون ويرگصون بالنص ..
وكفت يمي استابرق سلمت عليها لان
ماشفتها اليوم ..

ضليت واكفه اباوع عله رگصهم
فرحانه ..
وتزوج لواء ويدبجون بعرسه كدام عيني
وبرا كل السلف منتضرينه يطلع ..

ضحكت من شفت علاء مگابل سيف
وفهد ويهز چتفة بكل براعة ..
اني عبالي ديتگهرب بس شفته يضحك ..

ضليت اراقبة بعيوني وهوة كلساع
يلزمني اباوعلة وادير وجهي ..
اخذهم لواء وطلعو برا
فهد صاح علي الديجي ..
واني صدك عليته كل قوته
صار يسطر سطر ..