لواء الدين

البارت السادس

بقلمي..  روى فاروق
روايه: لواء الدين

• لسان العاقل وراء قلبه ، و قلب الأحمق وراء لسانه..
ـــــــــــــــــــــــــــــــــــــ

ودعت بيبيتي وجدي ألي جانو يردون يرحون لأيران يزورون الرضا عليه ألسلام ودعتهم وباوستهم
صار ألضهر
وكفت ويه عمتي ايناس وفاطمه.. اسوي بلغده..
جان عشانه سمچ.. اتقدمت اطلع طماطه وبصل أثرم.. صاحت مرت عمي فاطمه..

، خليه الغده علينه وروحي اخبزي أنتي..

رفعت حواجبي بأستغراب..
، شفتيني فد يوم واكفه واخبز اصلا حته الشنگه ماعرف ألزمها..

، اي عادي تتعلمين شويه شويه خو ما ترحين للرجل ماتعرفين تسوين شي
يكومون يضحكون علينه..من وراج..

التفتت للثلاجه اطلع بلطماطه وأحجي..
، لاتخافين ماتزوج..

، وشنو يعني اتضلين نايمه عله كلوبنه.. وحتلو ماتتزوجين نضل أحنه نخبز ونطي لحلكج..

ردت أرد سمعت صوت وراي..
، مو عله كلبج وبعدها زغيرة علخبز مايوم تدنت وخبزت حته هسه تعتمدين عليها علخبز..

ألتفتت أبتسمتله فديته دائماً يدافعلي..

ايناس، وإنته شدخلك هاذه حجي نسوان..

لواء، ماتدخلت بس مريت صدفه وسمعتجن..

، وشنو يعني خليها تتعلم احنه مادايميلها وباجر عگبه تتزوج.. تروح لعيالها ماتعرف
لا تخبز ولا تطبخ..

، بعد وكت علزواج لاضلين علطالعه والطابه تسمعينها بسيرة الزواج مازوجها هسه
وبعدين اذا صدك تزوجت منا لهذاك اليوم الله كريم عود تتعلم..
التفت لمارام ألي واكفه وتباوع علينه باوعلها صفح وأشر عله باب المطبخ..
، اطلعي أنتي إخبزي.. اريد اضوگ خبزاتج شلونهن.. داشوف امج معلمتج تخبزين لو بس تحجي علوادم

دار وجه وراح عمتي ايناس غمت عليه..
، خاب مال الغسل لهل خلقه بكلشي حجينه وحشر روحه..

التفتتلها رافعه حاجبي..
، ترة بعدني اني واكفه مارحت حته تغمينه وراي.. واذا يعني اذا حشر روحه غير يدافعلي..

، اذا واكفه لو ماواكفه ماخايفه منج واغمه وراج.. وايدافعلج شنو هاي كلمه جديده وين كاعده ست دموعه..

التفتت لمرام الي طلعت من المطبخ تركض وأبتسامتها شاگه حلگها.. عمتي همست..
، الله يقسم بيناتهم نشاءلله..

فريت بأيدي وطلعت حته زلاطه ماسويت..
اتوجهت كعدت بلصالة فهد متمدد علقنفه يباوع بموبايله ولواء ألي يراقب حركات زئير ألي لازم الموبايل
ومبتسم وصوت طكطكه ألگيبورد عاليه..

كعدت علقنفه عيني عله لواء الي يلتفت لزئير ويهز أيدة ويرجع يباوع بموبايله ..
اخر شيء كام متوجه للباب يريد يطلع وسحب الموبايل من أيد زئير..