لواء الدين

البارت الثامن والأربعون

بقلمي .. روى فاروق
روايه :لواء الدين

لاتنسو تصويت ♡
يسابع جار ")

سد_أذنك_نويت_ابجي""
___________________

ندهت
- لج يمهه ..

بثواني من كلت هالكلمة لزم معصم أيدي جرني
وكفت وبحركة سريعه ضمني لصدرة ..

ضليت قابضة أيدي على صدرة
وجسمي يهتز بالبجي وصوت خافت يطلع مني ..

وهو وية كل شهكة تصدر من صدري يقوي على حضنة ..
ضليت على وضعيتي هاي لحد مالزم زنودي
بعدني عنة بهدوء ودنك المستواي مسح دموعي بأبهامة

أردف - كافي يابه ..

باوعتله عيوني مليانه دمع بنضرات مليانه حجي
بس ماكدرت أنطقة بلساني ..

سحب راسي باس عيني بخفة
- شجاج متكليلي ..

دنكت مسحت وجهي ورجعت ليورة ردت أنحني عالجرباية
سحب خصري يمنعني ابتعد عنة
ضل حاجزني بحضنة ..

مد ايدة رفع راسي باوعتله كال - لضوجين حبيبي
ما أذيتج هواي ترا ..

هزيت راسي ابلع بريكي ..
أبتعدت عنة وتمددت وجهي عليه
هو أندار خلة موبايلة عالشحن وتمدد بصفي
صرت منطيتة ضهري ..

جر ايدي فرني عليه اني مغمضه عيوني مافتحت
حسيت كلبي مكسور ماردت اباوعله بس اباوعله أبجي ماتحمل ..

رفع ايدة جوة راسي حضني حيل عليه
صار وجهي مدفون بصدرة حاجز رجلية بين رجليه

مر وقت وهدوء محد حجة لا اني ولا هوة ..

كلساع تخنكني العبرة بس أكدر اتغاضاها بصعوبة ..
كدر يسلب حريتي عن الحركة
سبب قوتة على حضني ستغربتة بوقتها ..
حركتة وحضنة حسيتة غريب ..
جان يحضن بية ويلمني لصدرة بين لحضة ولحضه
ويشم بشعري ..

بس القهر الي بكلبي منعني أتفاعل ويا بحركة
شوية وهمس - كلمتج كسرت كلبي ..

تنهدت أسحب نفس رجع كال
- أستنجدتي بأمج واني موجود .. حسيت روحي أناني ..

دفنت وجهي بصدرة أكثر رغم من جوة كارهتة بس مدري ليش
داسوي هيج - من ضيمك ..

مرر اصابعه بين خصلات شعري
يحركهن بهدوء - آذيتج ؟ ..

هزيت راسي بأي ..
باس شعري - تحملي .. انتي خليتيني أفقد أعصابي ..
حركاتج هاي الأيام دتنرفزني كلش ..

بلعت ريكي ونطقت - آسفة ..

مااجت على لساني غير هالكلمة ..
كلتها بدون مشاعر خيبة آو أحساس بالغلط ..

يمكن كلتها حتى أسد الموضوع ويا مااريد أحجي بالسالفة الي صارت
أو الأحداث ألي مرت ..

تعبت من الشيء الي ديصير ..
هلكت حيل احس حتى لعبت روحي ..