لواء الدين

البارت التاسع والأربعون

بقلمي .. روى فاروق
روايه :لواء الدين

بنات هسه يله خلصت البارت
بس رح يخلص اشتراكنه مالنت ونتعطل يله نفعل ..
هاذ البارت قبل الموعد والبارت الثاني اذا فعلنه قبل الجمعة الجايه
حنشرة واذا ماكدرت اعذرني تمام حبيباتي ..

هوايه ازعل والمصيبة مدري ليش شمالني

اخجل من عتبكم
هوايه اكولن حتى ما اضايج خلكم
__________________________

زينب :

- حامل ..

نغزة نغزت صدري وية حجايتة ..
توقفت عن الحركة ممستوعبة الي ديكولة ..

رفع راسي بين اديه حاضن وجهي عيوني تتنقل بين اعيونة
لمحت الدموع تارسة عينة ..

اول مرة اشوف ادموع فرح بعيونة ..
حسيتة أكثر انسان فرحان بالدنية ..

ردت احجي وكفني فهد - يمعودييننننن امشي صعدو
الغرفتكممم واسترو علةة روحكمم ..

لواء مثل الي وعة على حالة ابتعد عني راح اخذ موبايلة
ودموع كبل سحبتني حضنتني تضحك
- الففف الففف مبروككك ..

باوعتلها عيوني مدمعة لسة ممستوعبة حتى مارديت عليها ..
انسحبت من ايدي وصعدني الدرج ..

طب للغرفة سد الباب ورجع التفتلي
سحب أشفايفي بلهثة وحب ..

مالحكت حتة احجي حرف .. ضل يبوس بشفتي
سريع الحد ما بعدتة عني
- لواء اني حامل ..

رجع حضني بكل فرحة دافن وجهي بصدرة
- اي اي حامل زنيبةة ..

لفيت ادية على ضهرة وبجيت ..

الله وشكد حلوة دموع الفرح ..

اول مرة بحياتي ابجي من الفرحة ..

حسيت خبر حملي صار صدمة بالنسبة ألي رغم
جنت فاقدة الأمل عن الحمل تماماً ..

وعيت على روحي كاعدة عالجرباية امسح بدموعي وهو كاعد بصفي
خلة حجابي عالجرباية ..

رفعت عيوني باوعتلة برطمت شفتي خليت ايدي على جتفة
وكمت كعدت بحضنة حاضنة راسة
وهو دافن وجهة بركبتي يهمس بكلمات ..
- الله دزلي طفل بالطريق .. الحمد والشكر الك يارب ..

رجع رفع راسي يبوس بكل مكان بوجهي
الحد ماابتعد خلة كصتة على كصتي يباوع بعيوني
- اسف على كل جرح جرحتة الج
اسف على كل ضربة ضربتها الج
اسف على كل تصرف أناني بذر مني ..

أبتسمت وكلبي طار من الفرحة اكثر من ما هوة طاير ..

لواء بكبريائة كاعد يعتذر ..
يمكن الفرحة أثرت عليه حيل ..

بيومها ماخلاني اطلع من الغرفة ابد ولا حتة اكوم ..
ضل منومني بحضنة وأيدة على بطني يمسح عليها بهدوء ..

رفعت راسي الوجهة بعد مرور الوقت
اول مارفعت راسي باس عيني بللت شفتي
- هالكثر أثر بيك الحمل ..