لواء الدين

البارت الحادي عشر

بقلمي.. روى فاروق
روايه: لواء الدين

اجيتكم ببارت جديد
البارت مال اول بارحه جان بي كم
خطء لان ما راجعته زين ..
هاذه رجعت عليه وعدلت الأخطاء ..

" طول ما كلبك مليان طيبه ..
تخلص من ورطه تدخل بمصيبه "
ـــــــــــــــــــــــــــــــــــــــــــــــــــ

دخلت علماسنجر شفت لواء داز رساله
لغدير كاتب ..

ـ وياج حضرة الضابط العفطي
الي ما عاجبج .. كدج اني
وتغلطين عليه وعلي ابن ابي طالب
اذا شفتج نوب تحجين ويه دموع
لو تراسلينها ..
عبرتها الج هاي المرة والمرة الثانيه
اذا انعادت بهذيج الحضه اسوي
شي ميعجبج ..

جانت هيه هم كاتبه رساله
راحت عيني عله الوقت دزتها ورة
دقيقه ..

ـ دموع هاذ مقلب لو شنو
ادري بسوالفج اني ..

رد عليها لواء بنفس اللحضه
وجان دازلها بصمه ..
ـ لا مقلب ولا شي ..
قريت محادثتجن البايخه مساع ..
نفس ما كتلج تنسين دموع فهمتي ..

جانت هاي اخر رساله ..
وبعدها حضرتني غدير ..
شمرت الموبايل بضجر ..
رفعت ايدي امسح وجهي لعبانه روحي ..
تمددت غطيت حته وجهي ..
فكرة اعوف غدير وبعد ماحجي وياها
ضوجتني كلش ..
صعب اعوفها بهسهوله وهيه
صديقتي من الأبتدائي لحد الان
اخر مرحله بلاعدادي ..

متعلقه بيها هواي ولسه
ماتعاركنه ولا مره وهيج
جك بح اعوفها وبعد ماحجي وياها ..

رفعت ايدي افرك بوجهي ..
ـ اووووووف منك لواءءءء ...

هواي حاولت انام واوكف عقلي
عن التفكير ماكدرت ابد ..
ذبيت الشال عله راسي
وطلعت للبستان الي ورة البيت ..
جنه مسويله باب بنهايه البيت
نطلع منه ..

تمشيت بين الاشجار والرمان والبرتقال
للي زارعينه بعده ما طاك كلش ..
جان البستان مرشوش ولون الخضار
صار طوخ .. توقعت العمال توهم خلصو
رشو ورجعو ..

جان اكو اصطبل مخلينه بركن
البستان بلاخير ..
كعدت عليه وصارت الساحه مال بستان
كلها كدامي ..
رفعت راسي. ليفوك انفخ واتأفأف ..
هم زين باجر جمعه ماكو دوام
لان مالي خلك ادرس كلش ..

انتبهت عله مرام اجت للبستان
بايدها موبايل .. وتتلفت
كمت عسريع ختلت وره الشجره وهيه راحت بلنص
صارت وره الاشجار وتمشي وتتلفت ..
رحت عله كيف باتجاها
امشي عله اصابعي حته ماطلع صوت ..

وكفت وره الشجرة وهيه صارت كدامي
مطيتني ضهرها كاعده عله الاصطبل
مدنكه عله الموبايل ..
شوي ورفعت الموبايل عله اذنها وهمست ..
حبست انفاسي احاول اسمع بوضوح
كوة سمعتها همست ..
ـ هلا حبيبي ..

تشكلت عيوني بصدمه
واصنتلها بكل تركيز ..
ـ تمام وانت كلبي ..

ـ هههه حته اني شتاقيتلك هواي ..