لواء الدين

البارت الخامس والثلاثون

بقلمي .. روى فاروق
روايه :لواء الدين

غباء منك ان تكون حزين بسبب شخص يعيش حياته بكل سعاده ..
ـــــــــــــــــــــــــــــــــــــــــــــــــــــــــــــــ

رحت لغرفة دموع انتضرتها شوية واجت ..
راحت للكنتور سحبت عود بخور
وجداحة ..
همست ..

ـ يلة تعاي ..بس انتبهي لاطلعين صوت ..

ـ زين هسه اني شسوي شنو شغلي ..

ـ انتي توكفين بالباب اذا أحد أجة انطيني أشارة ..

هزيت راسي ورحنه الغرفة اصهب ..
وكفت اني بالباب ودموع طبت ..

باوعت زين محد يفتر بالبيت وصوتهم بالصالة ..
ـ محد كلها بالصالة يلة ابدي ..

علگت البخور بالجداحة الي بأيدها
واندارت فتحت باب الكنتور مال أصهب ..

وكامت تزرف بدشاديشه بالبخور ..
ضليت اراقب خاف أحد يجي ..

ورة جرت عطر من عالميز وعطرتهن طبكت الباب
وراحت للزاوية بيه كم دشداشه هم زرفتهن ..

باوعتلي تضحك صفكت بايدها بدون صوت
ـ ياااييي برد كلبي شوية هيج بس شوية ..

ضحكت واشرتلها ـ يلة رح ننفضح ..

ركضت للميز هم شالت العطر عطرت الدشاديش الي بالزاويه
رجعت العطر مكانة ورجعنه نتخنس لغرفة دموع ..

اول ماطبيت سألتها
ـ ولج تعاي ليش عطرتيهن ..

ـ حته ريحه البخور تطلع منهن ..

ـ واذا اشتمو ريحة العطر ..

ـ ياغبرة .. هنه قبل مازرفهن اني جانن معطرات من نفس
العطر ..

ـ هاااااا .. ولله عمي ذكية ..

ـ شعبالج لعد .. انتضري بس يخلص العشه شوفي
الأكشن ألي راح يصير ..

ـ واذا شَكو بينة شلون ..

ـ هههااي واذا يعني خلي يشكون ..
واصلا اذا سألوني اكول اي اني زرفتهن
وأبن أبو اليتقرب يمي ..

ـ عزااا عزااااا راح ننگتل يالحمزة ..
ولج شلون تكوليلهم واذا أذونة ..

ـ شحدة اليتقرب يمنة وفهد ولواء ويانة ..

ـ خووفج منن يطلعون ولله تفرغلهم الساحة
ويطلعون ضيم كلوبهن بينة ..

ـ لاا حبيبتي ..
يطلعون منا نطب نقفل غرفنة ورانة منا ..

صفنت بوجهة هسه اني شورطني ومشيت وياها ..
ـ يمكن انتي تفلتين منها بس اني يجوز احصل كم راچدي
ودفرات من اخوج الخبل ..

ـ نجبي لتغلطين على اخوي كدامي ترا ماقبل ..
وولا اني اكوله هيه مرادت واني قنعتها
لتخافين خية ميسويلج شيء ..