لواء الدين

البارت الخامس

بقلمي..روى فاروق
الروايه: لواء الدين

• أمسح دموعك فمن أبكاك ضلماً سأبكيه ندماً
ـــــــــــــــــــــــــــــــــــــ

أول ما دخلت للمطبخ صرخت تكمز كامشه رجلها
طلعنه من المطبخ نركض ونضحك بصوت عالي
صعدنه بلسيارة.. طلعت أيناس من المطبخ بأيدها نعالها
شمرته علسيارة وتصيح، اوكف ولكم اني اعلمكم..

السايق راد يوكف بس اني كلتله بسرعه امشي..
مشه أبتعد عن البيت رجعت ضهري علكرسي اسحب نفس بقوة..
احس نكطع نفسي من كثر ما ركضنه وبنفس الوقت نضحك
خله أيده فوك أيدي..

، اخخخ شتعلو ولله صرخت صرخه بنت الكلـ*..

، خاب طير علمود بعد ماتفكر تأذي دموع مرة ثانيه..
ايييه ولله هسه يللة برد گلبي..

، بعد جدي شيخلصنه منه..

، بلله جدك عادي أني أحاجي معليك أنته..

قرب وجهة لوجهي فاتح عيونه بقوه مثل ألي تذكر شيء..
، أختك خاف يأذنها..

درت وجهي للجامه مثل المامهتم..
، الحجيه يمها أكيد ماتسمحلهن..

ماانگر فهد خوفني بهاي حجايته نزلت يم الشغل
وبالي كله يم دموع يحاجوني مانتبه عليهم..

مااعولت يخلص الشغل حته نرجع للبيت..
أجانه السايق الساعه بـ4
طريقنه متوجه للبيت شوي ووصلنه..
نزلت فتحت الباب فاطمه جانت تغسل بلحوش..
رفعت عينها مبتسمه بطارف شفتها..

،هلا هلا ولله..

، هلا بيج..

، دتخل حبيبي وشوف جدك شكثر معصب منگ..

دخلت مامنطي أهميه الكلامها
صعدت فوك سبحت وبدلت دموع ماجانت بلغرفه أعتقدتها بغرفه الحجيه..
نزلت للصالة مثل ماتوقعت دموع بحضن ألحجيه رحت عليها بستها..
تقدمت لراس جدي أريد ابوسه أبتعد عني دفرني بعگاسته..

، شيخنه شنو ضايج مني؟..

، الحكني للديوانيه أنته ووليد عمك..

فهد جان واكف بلباب ستوة سابح..
باوعتله ابتسمت عله حركته جان واكف وأيده عله گصته..
لحكنه جدي للديوانيه..
كعدنه مقابيله وهوة خازرنه بس اني مبتسم وفهد يتراجف عبالك واكف عله طبله المشنقه..

، عجل هينه السويتو ويه بنيه عمتگم..

اتنهدت اعدل كعدتي..
، وهيه هم مو هينه السوته ببنيه خالها عله گولتك..

لم حواجبه بأسغراب مقلص عيونه..
، شسوت هيه..؟

أبتسمت بطرف شفتي..، بدورة السنه مال أمي الله يرحمها
هية ألي چوت دموع بأيدها وجانت متعمدة تجويها
وأني ماسويت شيء بس أخذت حق أختي..حته ماتعيدها وتفكر تتقربلها بس..