لواء الدين

البارت الثالث والعشرون

بقلمي روى فاروق
روايه :لواء الدين

التعليقات اذا اتخطت الـ 70 رح انشر
البارت التالي ..

وعسى أن تكرهو شيئاً وهو خير لكم
ـــــــــــــــــــــــــــــــــ

للعصر صعد لواء بدل ونزل راح يكطع مهر مااجه لليل ..
بـ العشرة فتح الباب ودخل كالب خلقته
ميه وثمانين درجه .. ركع الباب
ورا بقوة ودخل ..

كمت اشوف شكو وكفت كبالة
عيونه حمر ناار ..
ـ يا شبيك لواء ..

عبر من يمي ضارب جتفي واتوجه يصعد
ـ غير افتهم شكو تعال شبيک ..

ـ ماكووو شي ..

ضحكت عليه بداخلي ولله ياربي
كعدت علقنفه اكلب بلموبايل ..
ورة فترة تعبت وشمرته
اجت ببالي سالفه الملابس طفرت ..

دفرت الباب برجلي انركع بلحايط
اتوقعت رح يوكع عله راسي ..
بس هم زين قوي ..

التفتت للواء مبتسمه كاعد علجربايه رجليه
بلكاع بأيدة الموبايل ..
ـ اكوملج هسه اكو عاقل يفتح الباب هيج ..

ـ عصب شكثر متريد
باجر المهر عيني وماشتريتلي ملابس
بيش اروح هاا بيمن ..

ـ الساعه 11 هسه وكت ملابس
امشي دبري روحج الكنتور رح يطك
من كثر العندج ..

ـ لا ولله ..

ـ ولله ..

ـ كوم كوم يلة رح انزل ابدل اخلص
الكاك مكمل اذا اتأخرت أخذ السويج
واعوفك ترة ..

رفع حاجبه ودنك علموبايل مدري شيطكطك

ـ لواااء رح انزل ابدل ولله ..

ـ يلة بس خلصيني ..

ضحكت ونزلت أدبچ علدرج
بدلت علسريع وطلعت لكيته منتضرني
بالصالة ..

مسافه الطريق كلتلة
ـ كطعتو مهر ..

هز راسه

ـ زين نيشان باجر شون تسوي حفله
بدون نيشان ..

ـ اشترينه قبل اشويه ..

ـ اةةة ..

ـ وداعتج ..

ـ منيلك فلوس ..

ـ عندي من زمان ..

ـ لعد شبيك دخلت عصبي ..

ـ سالفه وية صاحبي ..

ـ يعني ماصار شيء بيناتكم ..

ـ لا ..

هزيت راسي مامقتنعه ..
نزلنه افترينه اشكثر
اخر محل دخلنالة مابي ملابس حلوة

ـ تعال نشوف غيرة ..

زمخ بيه ـ فضيني عاد رجلية راحن
اخذيلج منا أي قطعه والبسيها ..

ـ شنو لواء موحلواات ..