لواء الدين

البارت السابع

بقلمي.. روى فاروق
روايه: لواء الدين

• انا ريشه صگر حتى من اطيح انشال..

السلام عليكم بنات حبيت
اشكرجن ع الدعم والتشجيع ..
حبيت اكوللجن باجر ماراح انشر بارت
حته ما تنتضرن ويروح انتضارجن ع الفاضي

سبب جدو الله يرحمه عطاكم حياته
واروحله ثلاثه ايام فاتحه
اني باجر مانشر لان نفسيتي تعبانه
وهو جان طيب وحبوب ويانه
دادبر نفسي باجر و انشاء الله عكبه انشر
بارت .. اذا لحكت اكتب
بس اني رح ابذل جهدي لخاطر عيونجن

ــــــــــــــــــــــــــــــــــــ

رفعت راسي ضاغطه عله عيوني بقوة..
رجعت دنكت وضهري يطكطك لأن صارلي
ساعتين مدنگه ع ألكتب لميت الكتب المطشره
خليتهن عله صفحه..كمت لازمه ضهري
حَركِت ركبتي يمين ويسار.. اتنهدت
وطلعت من الغرفه.. رحت للحديقه البيت
موحلو هليومين.. لواء وفهد صارلهم يومين مانازلين
حسب كلام لواء عندهم شغل هواي..
تقدمت علمرجوحه كعدت اسحب نفس بارد يطلع من الأشجار
والحشيش ألي بلكاع.. دفعت رجلي بهدوء أحرك بلمرجوحه..
نزلت نضري لرجلي الي لسه ملفوفه..

دنگت عليها فتحت الشاش.. وهيه بعدها بيها زراگ شويه..
والألم خف مو مثل قبل.. لفيت الشاش خليته بصفي رافعه راسي لسمه
رفعت نضري عله يده الباب تتحرك.. نفتحت دخل فهد مبسم..
كمت عليه اركض وكفت كباله..

، الله يساعدكم..

، هله هله يابه شخبارج..

هزيت راسي أبلع بريكي مبتسمه..
، الحمدلله بخير مااتوقعت تجون ليوم..

، اي ولله الشغل بكد شعر روسنه..

التفتت باوعت ورا..

، لواء وينه لعد شو ماهوة..

، لواء ينزل العصر مو هسه..

رفعت ايدي حكيت حاجبي منزله راسي..
، هااا عبالي أجه وياك..

طبطب ع متني بخفه وعبر من يمي متجه للصالة..
، صبيلي غده فدوه ميت جوع..

رحت للمطبخ خليت التمن والتشريبه علنار طلعت الفخذ گليته..
حضرت زلاطه وحضرتله كلاص ماي بارد..

أخذت الصينيه رحت للصالة مالكيته كاعد لكيت بس مرام وعمتي ايناس..
مرام، شسالفه مو مساع تغديتي..

رفعت عيني حجيت بنتر..
، مو أليه الفهد أجه وطلب اصبله غده وذا اذا اكلت هسه يعني بلعافيه عليه..

حولت نضرها لأمها طلعت من الصالة توجهت للدرج..
كوة صعدت لأن رجلي ماتعودت امشي عليها وهيه بدون شاش..
فتحت باب الغرفه دخلت جانت بيها نسمة هوة باردة من السبلت..
فريت عيني بلغرفه ادور عليه جانت بس ملابسه العسكريه مشمورات علجربايه..
وحذائه نازعه بباب الحمام..
صحت بدون مادخل للغرفه..