لواء الدين

البارت الرابع والثلاثون

بقلمي .. روى فاروق
روايه :لواء الدين

صَوْتكِ ازَهَر فِيْااذُنْيَّ الفٌ وَرٌده . . !
ــــــــــــــــــــــــــــــــــــــــــــــ

دفع اكتافي ورجع بمسافه عني وكال ودمارات رگبتة طالعه
ـ ولجج اييي اااااااي غيراان والكعبةة غيراااااااننن  ..

ثبتت نضرتي بعيونة صافنة مانطيت أي ردة فعل
احاول استوعب الي ديكولة شنو ..

شنو غيران ..
شديكول هاذ ..

ـ ششنو .. شتكول انتة ..

ضل يباوعلي ساكت واني صافنة عليه
دنك المستواي وهمس بنبرة احسها مثل الصاروخ
وانضرب بصدري
ـ دموع .. أحبج ..

رجعت ليورة بخطوات بطيئة ..
احبج ؟؟ هالكلمة رنت بأذني رن ..
شبي هاذ صاحي ..
هو الموصاحي لو اني ..
معقولة وهم .. شديصير كلشي ممفتهمة ..
لحضات احسها صدمة عمري وحياتي
فهد معتبرته أخ وصديق وسند يحبني ..

رديت عليه وكأن اريد اجذب الي يكولة ..
ـ ايي ههه طبعاً تحبني .. غير كبرنة سوة انتة اخوية
اني هم احبك ..

انطاني ضهرة يرجع بشعرة ليورة ..
رجع التفت يباوعلي بتعب ..
ـ احبج أخت وصديقة وحبيبةةة .. دموع فهمي وحبيبة ..

بقيت اباوع عله تفاصيل وجهة ..
هالكلمة الي ماتوقعتها من فهد أبد أبد ..
يحبني شنو .. فهد يحبني ؟؟

احبة صح بس موهيج .. هو يحبني مو مثل
ما أني أحبة ..

رديت بدون وعي صافنة بوجهة
ـ بس اني مخطوبة لعلاء ..

ـ يازربااان هااذ .. فصخناهااا كلل عقلج السوا
بيج ولسة رايدتةة ..

ـ فهد انتة واعي شدكول .. اكلولك خاف دايخ من الطريق
ولله حته اني دايخة يعني عادي ليش هيج تكول ..

رد بنبرة هادئة ..
ـ آنت شـﭼـرة مزروعه بوسط ڰلبي ..

ضلت نضراتي تتنقل بعيونة ..
وبداخلي كلماتة تفتر اريد افسر شيقصد ..
فزيت عله صوت لواء يصيح ..

انداريت شفتة واكف ببعد مسافة عنه ..
ـ يمعودين برد الغدة شدسوون انتوو ..

توترت كمت امتمت بصوت ناصي
اريد اعرف احجي عدل ماكدر ..
صاح فهد ـ اجينة اجينة ..

اندار لواء راد يروح وفهد التفتلي عفت فهد
وركضت ورة لواء ..

بدة التفگير يلعب براسي ..
شوكت وشلون .. ليش حبني اني بالأخص

هوااي شغلات اجت ببالي بوقتها حته
ماعرف شسويت بيومها ..
التمو كلهم عالسفرة بدو ياكلون حته فهد
واني اريد الزم الخاشوگة مااعرف ..
دفرتني زينب بطرف ايدها
ـ ماتاكلين شبيج ..

هزيت راسي دنكت خليت اللكمة بحلكي رفعت عيني
الفهد يباوعلي مترهي وياكل ولا كأن شيء صاير ..
اشتغل سوالف وضحك هو ولولد ..
كملنة الأكل ولميناهن بالسلة وكعدنة شوية ..
منطلق كلش ويسولف ويضحك عگس
من اجينة جان مالة خلك هسه شگلبة ..