لواء الدين

البارت الرابع والخمسون

بقلمي .. روى فاروق
روايه :لواء الدين

لاتنسون باجر كلمن بحفره
والبي زود ياخذ زينته الكبره
ـــــــــــــــــــــــــــــــــــــــــــ

فهد :

واكف بصف كبرها واني دافن بايدي
احلامي
دفنت بايدي حب الطفوله
فنت هذيج الجنت من اشوفها تردلي عافيتي

دفتت بايدي لون وطعم الحياة
دفنت ضحكتي
احلامي
واهسي

كعدت عله اركبي صوتي مبوح
مديت ايدي مسحت دموعي لزمت التراب

رفعت راسي للسماء وكلت بصوت واضح ..

ـ وحـڰ هاي الضهرية ..
عشكتچ طفله توها تمشي
والحد ماصارت عليج العين وانه
بكل مرة يزيد حبي الج قاطات ..
هاي رحتي الربج وعهد عليه ازين هذني شواربي
اذا كلبي هوة غيرج ..

ضربت عله صدري واني اباوع عالكبر
ـ وغلاوة عيونج الحلوه ومعزتج بكلبي
مراح انساج لحضه بحياتي ..
روحي .. لله ومحمد وعلي وياج
وحجايه زلم عيوني اندارتلج ومتندار الغيرج ..

دنك لواء جر جتفي كومني عيونه حمرر
باوعتله جسد بلا روح ..
خليت ايدي عله جتفه مدنك راسي
ـ انه السبب .. عفتها صوتها راح بس تتوسل بيه
تريدني ابقه يمها ومابقيت ..
لكك عفتهااا وطلعت بدون ضمير ولا مشاعر
وهاي تاليتها .. راحت لبة كلبي وندفنت جوة التراب بسببي .. لك اني شلون راح اعيش
بباا ضمير بيا وجه اباوع للناس بعد ..

غطه عيونه يبجي لزمت اكتافه واحجي صوتي رايح
ـ لواء .. اني اني كتلت اختك كتلت بنتك الي ربيتها سنين ..
شوف لواء انه كتلتها موهمه .. يله اخذ حق اختك مني اني . اكتلني وادفني بصفها ريحني لوااااءء لتبجيييي .. چتاالل اختككك كدامكك اخذذ بثارككك يلهههه  ..

عفته يبجي وركضت للمخيم صحت للدفان خليته يجي وراي ..

وكفت يم لواء وكلبي رايح متمني الموت صدك ..
سحبت سلاحي من سترتي شمرته يم رجله
ونداريت للدفان ..
ـ شوف احفر كبر بصف هاذ الكبر وسوي غميگ گلش ..

انداريت للواء ـ هاذ چتال اختك كدامك
يله لواء اكتلني وريحني يلللههههه فضنيييي ..
باوعلي عيونه مغوركه بدموع كوة مفتح من الشمس

هز راسه بالرفض ودنك يباوع للكبر
ـ ماالك ذنب .. حته لو انته يمها واني يمها وكلحنه
يمها ومحاوطينها جان هم ماتت ..
لله كاتبلها هالشيء ودموع خلصت ماياتها بالحياة ..
خلها .. خلها تنتقل الرحمة ربها وترتاح ..
ماعاشت يمنه مرتاحه خلصتها اذيه بٱذيه ..
ولو هيه الوحيده ضلتلي من ريحه امي ..

رفع راسه مسح دموعه وكمل
ـ اللهم لا اعتراض على حكمك ..
ياربي صبرني على فراقها ولله دااحس بنيتي الراحت مو اختي ..

كلامه كله ضرب سجاجين بكلبي ..
لزمت شعري وكعدت امسح عله تراب كبرها ..
ـ ليش رحتي ..
عفتيني وحدي يهون عليج ..؟
موكلتي احبك وحجيتيها وكليبج مليان مشاعر ..
اليحب هيج يسوي ؟ ..
شلون رح اصبر عله فراقج ..
شلون رح ارجع للبيت وبيتنه مابي دموعتي ..
يعني هاذهو ! ..